ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་ཚུན། བྲག་ཡིབ་ཆུས་ཀྱིས་དུས་རབས་གསར་པའི་ཤེས་དཔལ་ལག་ལེན་ལྟེ་གནས(སུའོ་དང་ས་ཚུགས)ཀྱི་ལས་སྟེགས་ལ་བརྟེན་ནས“ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ”བཅས་ཀྱི་བླང་བྱར་དམ་པོར་དམིགས་ཏེ་སྒྲོག་འགྲེལ་རྣམ་པ་གསར་གཏོད་དང་དྲིལ་བསྒྲགས་གཞི་རྟེན་ཕུན་སུམ་ཚོགས་སུ་བཏང་ནས། ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་ཕྱོགས་སུ་མུ་མཐུད་སྐུལ་འདེད་བཏང་བ་རེད།

གཞི་རིམ་གྱི་སྒྲོག་འགྲེལ་པའི་ལས་སྒོའི་ནུས་པ་ཆེ་རུ་གཏོང་བ་དང་། རྒྱ་ཆེའི་སྒྲོག་འགྲེལ་པས་ཏང་གི་ལོ་རྒྱུས་སྒྲོག་འགྲེལ་གྱི་རྩལ་ནུས་དེ་བས་ཁོང་དུ་ཆུད་པ། སྒྲོག་འགྲེལ་གྱི་ཤུཌ་རྐྱེན་ཐེབས་ནུས་དང་དངོས་ཕན་རང་བཞིན་ཆེ་རུ་གཏོང་བ་བཅས་བྱ་ཆེད། བྲག་ཡིབ་ཆུས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོའི་གཞི་རིམ་སྒྲོག་འགྲེལ་པའི་ཆེད་དོན་གསོ་སྦྱོང་བྱས་ཏེ“ཏང་གི་ལོ་ངོ་བརྒྱའི་ལོ་རྒྱུས་སྦྱངས་ནས་ཏང་གི་ལོ་རྒྱུས་ཀྱི་སྟོབས་ཤུགས་རྟོགས་པ”དང“རླབས་ཆེན་གྱི་མཆོང་སྐྱོད། བོད་ལ་དམངས་གཙོའི་བཅོས་སྒྱུར་བྱས་ནས་ལོ་62འཁོར་བའི”བརྗོད་དོན་གཙོ་བོར་དམིགས་ནས་ཆེད་དོན་སློབ་ཚན་ཁྲིད་པས། ཤང་དང་གྲོང་རྡལ(ཁྲོམ་གཞུང)གྱི་གཞི་རིམ་སྒྲོག་འགྲེལ་རྐང་འཛིན་པ་དང་ལྗོངས་ཐད་གཏོགས་འབྲེལ་ཡོད་ཚན་པ་ཁག་གི་འགན་འཁུར་བློ་མཐུན་90ལྷག་ཙམ་དེའི་ནང་ཞུཌ་ཡོད། “སྣང་ཆེན་བཞི་དང་དགའ་ཞེན་བཞིའི”སྒྲོག་འགྲེལ་པའི་ལེགས་ཆ་གང་ལེགས་སྤྱད་དེ་དུས་རབས་གསར་པའི་ཤེས་དཔལ་ལག་ལེན་ལྟེ་གནས(སུའོ་དང་ས་ཚུགས)དང་། “གསར་བརྗེའི་སྒྲ་དུང་ཆེན་པོ” སྐད་འཕྲིན་ཚོགས་པ། གྲོང་གསེབ་ཀྱི་མཚན་མོའི་སློབ་གྲྭ་སོགས་ཀྱི་གཞི་རྟེན་ལ་བརྟེན་ནས་གཞི་རིམ་མང་ཚོགས་ཀྱི་འཚོ་བ་དང་ཐོན་སྐྱེད་ཀྱི་དོན་དངོས་དང་ཟུང་འབྲེལ་གྱིས་ཞིང་ནང་དུ་སྒྲོག་འགྲེལ་དང་། ཚོགས་འདུ་ཆེ་ཆུང་ཁག་གི་སྒྲོག་འགྲེལ། གསར་བརྗེའི་སྒྲ་དུང་ཆེན་པོའི་སྒྲོག་འགྲེལ། སྐད་འཕྲིན་ནས་སྒྲོག་འགྲེལ་བཅས་ཀྱི་རྣམ་པ་བརྒྱུད《གཞི་རིམ་མང་ཚོགས་ལ་ཏང་གི་ལོ་རྒྱུས་སློབ་སྦྱོང་སློབ་གསོ་སྒྲོག་འགྲེལ་བྱེད་པའི་གནད་བསྡུས》ཇི་མ་ཇི་བཞིན་དྲིལ་བསྒྲགས་ཡག་པོ་ནས། ཏང་གི་ལོ་རྒྱུས་ཤེས་བྱ་མི་སེར་ཚོས་རྟོགས་པ་དང་གཞི་རིམ་དུ་བརྒྱུད་བསྒྲགས་ཐུབ་པ་མ་ཟད། ཏང་གི་ལོ་རྒྱུས་སློབ་སྦྱོང་སློབ་གསོ་མང་ཚོགས་དང་འབྲེལ་འདྲིས་ཐུབ་པ་དང་། སྤྲོ་སྣང་ལྡན་པ། དངོས་ཕན་ཐོབ་པ་བཅས་བྱས་པ་རེད།

མིག་སྔའི་བར་བྲག་ཡིབ་ཆུས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོའི་གཞི་རིམ་མང་ཚོགས་ཀྱི་སྒྲོག་འགྲེལ་ཐེངས་800ལྷག་ཙམ་བྱས་པ་དང་མི་ཐེངས་ཁྲི་2.5ལྷག་ཙམ་ལ་སློབ་གསོ་ཐེབས་པ་རེད།