ཉེ་ཆར། མི་དམངས་འཐུས་ཚོགས་མངའ་རིས་ས་ཁུལ་ལས་དོན་ཨུ་ལྷན་ལས་ཁུངས་ཏང་ཀྲི་པུའུ་སོགས་ཚན་པ་10ཡིས་མཉམ་དུ“གསར་བརྗེའི་གླུ་གཞས་དང་འགྲོགས་ནས་གཏམ་རྒྱུད་ཤོད། གསར་བརྗེའི་སྙིང་སྟོབས་བློ་ལ་བརྟན་པོར་ངེས”ཞེས་པ་བརྗོད་དོན་གཙོ་བོར་བྱས་པའི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བའི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་བ་རེད།
ད་ཐེངས་ཀྱི་བྱེད་སྒོར། གསར་བརྗེའི་གླུ་གཞས་འགྲན་བསྡུར་དང་། ས་གནས་ས་ཐོག་ཏུ་ཏང་གི་ལོ་རྒྱུས་ཤེས་བྱའི་སྐོར་གྱི་དྲི་བ་འདོན་པ། གསར་བརྗེའི་གཏམ་རྒྱུད་ཤོད་པ་བཅས་ཀྱི་བྱེད་ཐབས་སྤྱད་དེ་ཏང་ཡོན་ལས་བྱེད་པ་ཚོར་ཏང་གི་འབད་འཐབ་ལམ་བུར་ཕྱིར་མིག་ལྟ་བ་དང་། ཏང་གི་འོད་སྟོང་འཕྲོ་བའི་གྲུབ་འབྲས་ལ་བསྟོད་གླུ་འབུལ་བ། ཀྲུང་གོ་གུང་ཁྲན་ཏང་གི་འགོ་ཁྲིད་འོག་མངའ་རིས་ས་ཁུལ་ལ་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་གསར་པ་ཡིད་ལ་བརྟན་པོར་ངེས་པ་བཅས་བྱེད་པའི་སློབ་གསོ་ཁྲིད་སྟོན་སྔར་བས་ཡག་པོ་བྱས་ཏེ། ལས་ཁུངས་ཏང་རྩ་འཛུགས་དང་རྒྱ་ཆེའི་ཏང་ཡོན་ཚོས་ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་ཡིད་ཆེས་དང་ཆོད་སེམས་འཕེལ་བར་བྱས་པ་རེད།
“ཏང་ཡོན་དཀྱུས་མ་ཞིག་གི་ཆ་ནས། ད་ཐེངས་ཀྱི་བྱེད་སྒོ་འདིར་ཞུགས་ཐུབ་པས་ཧ་ཅང་དགའ་པོ་བྱུང་། གསར་བརྗེའི་གླུ་གཞས་དང་འགྲོགས་ཏེ་གཏམ་རྒྱུད་བཤད་པར་བརྟེན་ང་ལ་སེམས་འགུལ་ཆེན་པོ་ཐེབས་བྱུང་། ངས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་བྱེད་པའི་ཆོད་སེམས་དང་། ངས་མངའ་རིས་ས་ཁུལ་ལ་གཞི་ཚུགས་ནས་ལང་ཚོ་འབུལ་བའི་ཆོད་སེམས། ཏང་འཛུགས་སྙིང་སྟོབས་རྒྱུན་འཛིན་བྱས་ནས་འགན་འཁྲི་གཙང་སྒྲུབ་བྱེད་པའི་ཆོད་སེམས་བཅས་སྔར་བས་བརྟན་དུ་ཕྱིན་སོང”ཞེས་མི་དམངས་འཐུས་ཚོགས་ས་ཁུལ་ལས་དོན་ཨུ་ལྷན་གྱི་ལས་བྱེད་པ་ཀྲང་ལེང་གིས་བཤད།