ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་གྱིས་གཞུང་ཁོངས་ཁེ་ལས་ཏང་གི་ཡིན་པའི་ཆབ་སྲིད་ཀྱི་གཞི་རྒྱུ་བརྟན་སྲུང་དང་། དཔུང་ཁག་ལ་དམ་འཛིན་དང་། རྩ་འཛུགས་སྟོབས་ཆེར་གཏོང་བ། མཉམ་སྐྲུན་ལ་མཐོང་ཆེན་བཅས་མཐའ་འཁྱོངས་བྱེད་པ། གཞུང་ཁོངས་ཁེ་ལས་ཀྱི“རྩ་བ”དང“བླ་སྲོག”བརྟན་དུ་གཏོང་བ་བཅས་བྱས་ནས། ཏང་འཛུགས་སྐྱོང་གི་ཁྲིད་སྟོན་ལ་བརྟེན་ཏེ་ཁེ་ལས་སྤུས་ཚད་མཐོ་པོའི་ངང་འཕེལ་རྒྱས་འགྲོ་བའི་འགན་ལེན་བྱས་ཡོད།

ཏང་ཡོན་རྣམས་གཞུང་ཁོངས་ཁེ་ལས་ཀྱི་སྲོག་ཤིང་དུ་གྱུར་པ།

འདི་ལོའི་ཟླ་6པར། རྣམ་པ་གསར་རྐྱང་གི“ལས་གནས་ཀྱི་གདོང་ལེན་པ་གཏོད་རྒྱུར་བརྩོན་ལེན་དང་ཕུལ་བྱུང་ཏང་ཡོན་བརྩོན་ལེན་ཧུར་ཐག་བྱེད”ཅེས་པའི་སྤྱི་དམངས་ཀྱི་དཔྱད་འདེམས་བྱེད་སྒོ་ཉིང་ཁྲི་གྲོང་ཁྱེར་སྲིད་གཞུང་གཞུང་རྒྱུ་ཨུ་ལྷན་དུ་ཚ་ཚ་འུར་འུར་ངང་སྤེལ་ཞིང་། གཞུང་ཁོངས་ཁེ་ལས་ནས་ཡོང་བའི་ཏང་ཡོན་6གིས་རེས་མོས་ངང་འཆད་སྟེགས་ཐོག་བསྐྱོད་ནས་གཏམ་བཤད་སྤེལ་བ་དང་། ལས་བྱེད་ལས་བཟོའི་འཐུས་མིས་མིང་མ་འགོད་པའི་རྣམ་པའི་ཐོག་ནས་དཔྱད་བསྡུར་སྐར་མ་བརྒྱབ་པ། ཨང་དང་པོ་ཐོབ་མཁན་ལ་ས་གནས་ས་ཐོག་ཏུ“ཕུལ་བྱུང་ཏང་ཡོན”གྱི་ལག་ཁྱེར་སྤྲད་པ་མ་ཟད། གཞུང་རྒྱུ་ཁོངས་གཏོགས་ཀྱི་དྲ་རྒྱའི་ལས་སྟེགས་དང་དྲིལ་བསྒྲགས་འགྲེམས་པང་གི་གཟི་བརྗིད་མིང་བྱང་ཐོག་ཁྱབ་བསྒྲགས་ཀྱང་བྱས་ཡོད་པ་རེད།

ཉིང་ཁྲི་གྲོང་ཁྱེར་གྱི་གཞུང་ཁོངས་ཁེ་ལས་སུ་མངོན་གསལ་དོད་ཤོས་ཀྱི་མཚོན་རྟགས་ནི་ཐོན་སྐྱེད་ཀྱི་འཐབ་ས་དང་པོར་བཀལ་བའི“ཏང་ཡོན་གྱི་ཁས་ལེན་དོན་ཚན”གྱི་སྤྱི་བསྒྲགས་སྒྲོམ་སྟེགས་དང་། ཁེ་ལས་ནང་དུ་ལས་ཀའི་བྱས་རྗེས་མངོན་གསལ་དོད་ཤོས་ནི“ཏང་ཡོན་གྱི་དཔེ་སྟོན་ལས་གནས” ལས་བཀུར་ཆེ་ཤོས་ཀྱི་ལས་བཟོ་ནི“ཏང་ཡོན་གྱི་གདོང་ལེན་རུ་ཁག”བཅས་རེད། བསྡོམས་རྩིས་བྱས་པར་གཞིགས་ན། 2020ལོ་ཚུན་དུ་ཉིང་ཁྲི་གྲོང་ཁྱེར་དུ་གཞུང་ཁོངས་ཁེ་ལས་ཀྱི་ཕུལ་བྱུང་ལས་བཟོ་27ཏང་ཡོན་ལ་འཕེལ་རྒྱས་བཏང་བ་དང་ཆེད་ལས་ལག་རྩལ་ཤེས་ལྡན་མི་སྣའི་ཁྲོད་ཏང་ཡོན་གྱིས་87%ཟིན་ཡོད། ཏང་ཡོན་རྣམས་གཞུང་ཁོངས་ཁེ་ལས་འཕེལ་རྒྱས་འགྲོ་རྒྱུར་སྐུལ་འདེད་གཏོང་མཁན་སྟོབས་གསར་དམག་དཔུང་དང་སྲོག་ཤིང་དུ་གྱུར་ཡོད།

ཏང་འཛུགས་སྐྱོང་ལ་བརྟེན་ནས་འཕེལ་རྒྱས་ཀྱི་སྒུལ་ཤུགས་འཕེལ་བར་བྱས་པ།

ཉིང་ཁྲི་གྲོང་ཁྱེར་གྱིས་ཏང་འཛུགས་སྐྱོང་དང་འཕེལ་རྒྱས་ཀྱི་དཔྱད་ཞིབ་གཉིས་དང་འགན་འཁྲི་བདའ་འདེད་གཉིས་ཀྱི་ལམ་སྲོལ་ཁྱབ་གདལ་བཏང་སྟེ། ཏང་རྩ་འཛུགས་འདི་ཉིད་འཁོར་ཁང་དང་། པན་ཙུའུ། ལས་གྲྭ རྣམ་གྲངས་བཅས་སུ་བཙུགས་ཤིང་། ཏང་འཛུགས་སྐྱོང་གི་དཔྱད་ཞིབ་འབྲས་བུ་དེ་ལས་བྱེད་ལས་བཟོའི་ལས་རྗེས་དང་བྱ་དགའ་ཆད་གཅོད་དང་ཟུང་འབྲེལ་བྱེད་པ། ངེས་གཏན་མིན་པའི་དམིགས་ཚད་དེ་བཟློག་མེད་ཀྱི་ལས་འགན་དུ་བསྒྱུར་རྒྱུར་སྐུལ་འདེད་གཏོང་བ་བཅས་བྱས་ནས། ཏང་འཛུགས་སྐྱོང་གི་ལས་དོན་དེ་ཁག་བགོས་སྡེ་ཚན་གྱིས“ཁེར་སྒྲུབ”བྱེད་པ་ནས་གོང་འོག་སེམས་པ་གཅིག་ཏུ་སྒྲིལ་བའི“མཉམ་སྒྲུབ”ལ་འགྱུར་བར་བྱས་ཡོད།

ཉིང་ཁྲི་གྲོང་ཁྱེར་རྫ་ཡུལ་ཞིང་ར་1965ལོར་བཙུགས་པ་དང་སྔོན་ཆད་འོད་སྟོང་འཕྲོ་བའི་ལོ་རྒྱུས་ལྡན་མོད། འོན་ཀྱང་ཕྱིས་སུ་དོ་དམ་རྗེས་ལུས་དང་གཉེར་སྐྱོང་ཁེར་རྐྱང་སོགས་ཀྱིས་རྐྱེན་པས་ཞིང་རར་ཡོང་འབབ་ཉུང་ཞིང་། སྐབས་ཤིག་རིང་བུ་ལོན་མང་པོ་ཟུག་ནས་ཉེ་རིང་གང་སར་སྐད་གྲགས་ཆོད་པའི“རྙོག་ཟིང་ཆེ་ས”ཞིག་ཏུ་གྱུར་ཡོད། རྗེས་སུ་རྫ་ཡུལ་ཞིང་རས་ཏང་ཨུད་ཚན་ཁག་གི་ཁོངས་མིས་ཐོན་སྐྱེད་ལེན་དང་མཐུད་འབྲེལ་འབྲེལ་གཏུག་བྱེད་པ་དང་། ལེན་གྱི་ཀྲི་པུའུ་ཡིས་ལས་བཟོ་མང་ཚོགས་འགན་གཙང་ལེན་པ། ཐོན་སྐྱེད་ལེན་གྱི་ཏང་འཛུགས་སྐྱོང་གི་དམིགས་ཚད་དང་ལས་རྗེས་འགག་སྒྲོལ་དམིགས་ཚད་བཟོ་བ། ཏང་ཡོན་གྱི་ཞབས་ཞུའི་དོན་ཚན་དང་ལས་རྗེས་དཔྱད་ཞིབ་ཀྱི་ལས་འགན་ཁ་གསལ་བཟོ་བ། ཏང་ཡོན་ལས་བྱེད་པས་སྣེ་ཁྲིད་པ་དང་ལས་བཟོ་དང་མང་ཚོགས་ཞུགས་པའི“ཏང་ཡོན་དང་མང་ཚོགས་ཀྱི་མཉམ་ལས་རུ་ཁག”འཛུགས་པ་བཅས་བྱས་ཏེ། ཏང་འཛུགས་སྐྱོང་གིས་ཐོན་སྐྱེད་ལ་སྐུལ་ཁྲིད་དང་ཏང་ཡོན་གྱིས་ལས་བཟོ་ཡོངས་ལ་བག་ཆགས་ཡག་པོ་བཞག་པ་བརྒྱུད། “ཏང་སྲིད་ཀྱིས་མཉམ་དུ་ས་ཞིང་འདེབས་པའི”འབད་འཐབ་ཀྱི་རྣམ་པ་ཞིག་ཆགས་ཡོད།

ཏང་འཛུགས་སྐྱོང་ལ་བརྟེན་ནས་སྣེ་ཁྲིད་བྱས་པ་བརྒྱུད། རྫ་ཡུལ་ཞིང་རའི་2020ལོའི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི་3230ཟིན་པ་དང་ལས་གཉེར་ཡོང་འབབ་བསྡོམས་འབོར་སྒོར་ཁྲི་800ཟིན་ཏེ། འཕེལ་རྒྱས་བྱུང་ཐེངས་གཅིག་ལ་ཉིང་ཁྲི་གྲོང་ཁྱེར་གྱི་ཞིང་འབྲོག་ལས་ཀྱི་སྣེ་འདྲེན་ཁེ་ལས་སུ་གྱུར་ཡོད།

“གསར་བརྗེའི་སྒུལ་ཤུགས”ལས་འཕེལ་རྒྱས་ཀྱི་ཕན་པ་ཐོབ་པ།

ཉིང་ཁྲི་གྲོང་ཁྱེར་གྱིས་རིགས་ཁག་གི་ཁེ་ལས་ཀྱི་ཏང་འཛུགས་སྐྱོང་མཉམ་སྐྲུན་དང་ཐོན་ཁུངས་མཉམ་སྤྱོད་ཀྱི་རྩ་དོན་གཞིར་བཟུང་། བཅའ་སྡོད་བྱས་པའི་ཀྲུང་དབྱང་ཁེ་ལས་10དང་། གཞུང་ཁོངས་ཁེ་ལས་9 དམངས་གཉེར་ཁེ་ལས་18བཅས་ཀྱི་ཐུན་མོང་གི་དགོས་མཁོ་དང་། ཐུན་མོང་གི་དམིགས་ཚད། ཐུན་མོང་གི་འདུ་ཤེས་བཅས་སྒྲོག་ཐག་ཏུ་བྱས་ཏེ། “བཅའ་སྡོད་བྱས་པའི་ཀྲུང་དབྱང་ཁེ་ལས་ཀྱི་སྟོབས་ཤུགས་དང་། ས་གནས་དེ་གའི་གཞུང་ཁོངས་ཁེ་ལས་ཀྱི་ཐོན་ཁུངས། ས་གནས་ཀྱི་དམངས་གཉེར་ཁེ་ལས་ཀྱི་གསོན་ཤུགས”བཅས་ཟུང་འབྲེལ་གྱི་བྱེད་སྟངས་སྤྱོད་པ་དང་། “ལག་གདང་སྦྲེལ་ཏེ”སྔོན་མའི་ཏང་འཛུགས་སྐྱོང་གི་མཉམ་ལས་ལ་ཕན་ཚུན་ལྟ་སྐོར་བྱེད་པའི་སྟབས་བདེའི་རྣམ་པར་འགྱུར་ལྡོག་གཏོང་བ། རིགས་ཁག་གི་ཁེ་ལས་ཀྱིས་ལས་སྒོའི་འབྲེལ་བ་དང་གཉེར་སྐྱོང་འདུ་ཤེས་སོགས་ཐད་ཀྱི“མཐུན་ས་དང་མི་མཐུན་ས”དབྱེ་ཞིབ་བྱེད་པ། ཏང་འཛུགས་སྐྱོང་གི་མཉམ་འདྲེས་མཉམ་སྐྲུན་དང་ཁེ་ལས་ཀྱི་རྐང་དབང་མཉམ་ལས་སོགས་ཀྱི་ཐབས་ལམ་ཤར་བགྲོད་ཐུབ་པར་བྱེད་པ། ཏང་འཛུགས་སྐྱོང་གི“དྲོད་ཚད”ལ་བརྟེན་ནས“ཚ་ཚད”འཕེལ་ཐབས་བཅས་བྱས་ནས། རིགས་ཁག་གི་ཁེ་ལས་ཀྱི་ཕྱོགས་བསྡུས་འགྲན་རྩོད་ནུས་པ་ཆེ་རུ་བཏང་ཡོད།

ཤེས་རྟོགས་བྱུང་བར་གཞིགས་ན། རིགས་ཁག་གི་ཁེ་ལས་ཀྱིས་ལག་གདང་སྦྲེལ་ཏེ་ཁྱོན་ཏང་འཛུགས་སྐྱོང་གི་མཉམ་སྐྲུན་གྲོས་མཐུན་12བཞག་པ་དང་གན་རྒྱའི་རྣམ་གྲངས་57ལ་མིང་རྟགས་བཀོད་པ་དེ་མ་དངུལ་སྒོར་དུང་ཕྱུར་1373.95དང་འབྲེལ་བ་ཡོད། ཁེ་ལས་ཀྱིས“གསར་བརྗེའི་སྒུལ་ཤུགས”ལས་བྱུང་བའི་འཕེལ་རྒྱས་ཀྱི་ཕན་པ་ཏན་ཏིག་ཚོར་ནས་ཕྱོགས་མང་མཉམ་ཕན་དང་མཉམ་འགུལ་ཡག་པོ་བྱུང་ཡོད།