ཉིན་ཤས་བསྟུད་མར། ཀོང་པོ་རྒྱ་མདའ་རྫོང་གྲོང་གསར་ཤང་གིས་སློབ་སྦྱོང་གི་གཞི་རྟེན་གསར་གཏོད་དང་ཞིང་ཁྱིམ་དཔེ་དེབ་ཁང་གི་ནུས་པ་ལེགས་སུ་གཏོང་རྒྱུ་འཇུག་གཞིར་བྱས་ཏེ་ལས་ཁུངས་དང་གྲོང་ཚོ་ཁག་ཏུ“དཔེ་དེབ་ལྟ་ཀློག་སྟེ། ཏང་གི་ལོ་རྒྱུས་སློབ་སྦྱོང་སློབ་གསོའི་ཚད་ལྡན་དཔེ་དེབ་ལྟ་ཀློག”གི་བྱེད་སྒོ་སྤེལ་ནས་ལས་ཁུངས་དང་ཞིང་འབྲོག་པ་ཏང་ཡོན་ཚོས“གསར་བརྗེའི་དཔེ་ཚོགས”ཁྲོད་ནས་བསམ་པའི་འཚོ་བཅུད་བསྡུ་ལེན་ཐུབ་པ་བྱས་པ་རེད།
གསར་བརྗེའི“འཚོ་བཅུད་ས་ཚིགས”བསྐྲུན་ནས་སྙིང་སྟོབས་ཀྱི“འཚོ་བཅུད”ལེགས་པར་གསབ་ཅིང་། ལོ་ངོ་བརྒྱ་ཡི་ཏང་གི་ལོ་རྒྱུས་སློབ་སྦྱོང་དང་འབད་འབུངས་ཀྱི་སྟོབས་ཤུགས་བསྡུ་ལེན་བྱས་ནས་གྲོང་གསར་ཤང་གིས་གྲོང་ཚོ་ཁག་གི་ཏང་ཀྲི་པུའུ་རུ་ཞིང་ཁྱིམ་དཔེ་དེབ་ཁང་གི“གསར་བརྗེའི་སློབ་སྦྱོང་བྱ་ཡུལ”བཙུགས་ཏེ་ཞི་ཅིན་ཕིང་གི《ཀྲུང་གོ་གུང་ཁྲན་ཏང་གི་ལོ་རྒྱུས་སྐོར་གླེང་བ》དང《ཀྲུང་གོ་གུང་ཁྲན་ཏང་གི་ལོ་རྒྱུས་མདོར་བསྡུས》《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་སྐོར་གྱི་དྲི་བ་དྲིས་ལན》བཅས་དང་དེ་བཞིན་ཏང་གི་ལོ་རྒྱུས་སློབ་སྦྱོང་སློབ་གསོའི་དཔེ་དེབ་དམར་པོ་ཆུང་གྲས(བོད་རྒྱ་ཡིག་རིགས་གཉིས་ཀྱི་དཔར་མ)དཔེ་སྒྲོམ་ཐོག་བཞག་པ་དང་། ཏང་གི་ལོ་རྒྱུས་སློབ་སྦྱོང་སློབ་གསོའི་སྐོར་གྱི་བརྙན་ལམ་ཐུང་གྲས་ཡང་ཡང་བསྟན་པ་རེད།
རིག་གནས་ཀྱི“གཡུལ་ས་གསར་པ”ལེགས་པར་སྤྱད་དེ་དད་མོས་ཀྱི“རྨང་གཞི”བརྟན་དུ་བཏང་ཞིང་། ལོ་རྒྱུས་ལ་བརྟེན་ནས་བློ་སྟོབས་འཕེལ་བ་དང་ལོ་རྒྱུས་ལ་བརྟེན་ནས་བླ་སྲོག་བཏོད་ཡོད། ཤང་ཡོངས་ཀྱི་གྲོང་ཚོ་ཁག་གི་ཧྲུའུ་ཅི་དང་པོས་འགན་འཁྲི་ལག་ལེན་ཧུར་ཐག་བསྟར་ཏེ “ཚོགས་འདུ་གསུམ་དང་སློབ་ཚན་གཅིག”དང“ཏང་ཡོན་གྱི་བྱེད་སྒོའི་ཉིན་མོ” “བརྗོད་དོན་གཙོ་བོའི་ཏང་གི་ཉིན་མོ”བཅས་དང་ཞིང་ཁྱིམ་དཔེ་དེབ་ཁང་ཟུང་འབྲེལ་དམ་ཟབ་བྱས་ནས་གྲོང་ཚོའི་ནང་གི་ཞིང་འབྲོག་པ་ཏང་ཡོན་སྒྲིག་འཛུགས་རྒྱ་ཁྱབ་ཀྱིས་གསར་བརྗེའི་ཚད་ལྡན་དཔེ་དེབ་ལྟ་ཀློག་གི་བརྗོད་དོན་གཙོ་བོའི་ཉིན་མོའི་བྱེད་སྒོ་སྤེལ་ནས་རྒྱ་ཆེའི་ཞིང་འབྲོག་པ་ཏང་ཡོན་ལ་དཔེ་དེབ་ནས་འཚོ་བཅུད་ལེན་ཐུབ་པ་དང་། ཏང་གཤིས་ཞུན་བརྡར་ཐུབ་པ། བྱང་ཚད་མཐོ་རུ་གཏོང་ཐུབ་པ་བཅས་ལ་ཁྲིད་སྟོན་བྱས་ནས་ཐོག་མཐའ་བར་གསུམ་དུ་གུང་ཁྲན་ཏང་མིའི་ཐོག་མའི་བསམ་འདུན་དང་རང་གཤིས་རྒྱུན་འཁྱོངས་ཀྱིས་འགན་འཁྲི་སྒྲུབ་ཐུབ་པ་དང་འགན་འཁྲི་འཁུར་ཕོད་པའི་འགན་འཁྲི་དང་ནུས་པ་ཟམ་མི་ཆད་པར་ཆེ་རུ་བཏང་ཡོད།
ཏང་གི་ལོ་རྒྱུས་སྐོར་གྱི་སློབ་ཚན་འཚོགས་ཏེ་བསམ་བློའི“ཁ་ཕྱོགས”བརྟན་པོ་ཡོང་བར་བྱས་ཤིང་། ཐོས་བསམ་མྱོང་རྟོགས་ཀྱིས་ཏང་གི་བཀའ་དྲིན་ཚོར་བ་དང་ཤེས་སྦྱོར་གཅིག་མཐུན་གྱིས་ཏང་གི་རྗེས་སུ་འབྲངས་ཡོད། གྲོང་གསར་གྲོང་ཚོའི་ཞིང་ཁྱིམ་དཔེ་དེབ་ཁང་དུ་གྲོང་སྡོད་ལས་དོན་རུ་ཁག་དང་གཞོན་ནུ་ཁག་གཅིག་ཏང་ཡོན་རྒན་གྲས་བསོད་ནམས་ཚེ་རིང་གི་གམ་དུ་བསྡད་དེ་ཁོང་ལ་གུང་ཁྲན་ཏང་མིས་བོད་མི་དམངས་ཀྱི་སྣེ་ཁྲིད་དེ་བསྐྱོད་པའི་ཟིལ་རླབས་དགུང་འཕྱུར་གྱི་ལོ་རྒྱུས་ལམ་བུ་གླེང་རོགས་ཞེས་ཞུས་པ་དང་། གྲོང་ཚོ་གཞན་དུ་ཏང་ཀྲི་པུའུ་ཁག་གིས“ཞིང་ཁྱིམ་དཔེ་དེབ་ཁང་དང་ཏང་གི་ལོ་རྒྱུས་སྒྲོག་འགྲེལ་ཚོགས་འདུ་ཟུང་དུ་འབྲེལ་བ”དང“ཞིང་ཁྱིམ་དཔེ་དེབ་ཁང་དང་ཏང་ཡོན་རྒན་གྲས་ཀྱི་གཏམ་རྒྱུད་ཟུང་དུ་འབྲེལ་བ” “ཞིང་ཁྱིམ་དཔེ་དེབ་ཁང་དང་གསར་བརྗེའི་གློག་བརྙན་ཟུང་དུ་འབྲེལ་བ” “ཞིང་ཁྱིམ་དཔེ་དེབ་ཁང་དང་གསར་བརྗེའི་སྒྲ་དུང་ཆུང་གྲས་ཟུང་དུ་འབྲེལ་བ”བཅས་རྣམ་པ་སྣ་ཚོགས་བརྒྱུད་ཏང་གི་ལོ་རྒྱུས་སློབ་སྦྱོང་སློབ་གསོའི་སློབ་ཚན་འཚོགས་ཏེ་གོ་བདེ་ཤེས་སླའི་སྐད་ཆ་དང་མང་ཚོགས་ཀྱིས་དགའ་ཤོས་བྱེད་པའི་བྱེད་ཐབས་ཀྱི་ཐོག་ནས་ཏང་ཡོངས་སུ་ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བའི་དོན་སྙིང་གལ་ཆེན་གསལ་འགྲེལ་གྱིས་ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་རྒྱ་ཆེའི་ཞིང་འབྲོག་པ་ཏང་ཡོན་ཚོའི་ཡིད་ཆེས་དང་ཆོད་སེམས་སྔར་བས་བརྟན་དུ་བཏང་བ་རེད།