ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་འགོ་ཚུགས་ཚུན། ལྷ་ས་གྲོང་ཁྱེར་སློབ་གསོ་ཅུས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་དེ་ཀུན་སྤྱོད་ལ་བརྟེན་ནས་མི་སྣ་སྐྱོང་བ་དང་མཉམ་འདྲེས་བྱས་ཁར་སློབ་གྲྭ་དང་། སློབ་ཚན། དགེ་རྒན་བཅས་ཀྱི་ནུས་པ་ཆེན་པོ་གསུམ་འདོན་སྤེལ་གང་ལེགས་བྱས་ཏེ། སློབ་འགོ་ཚུགས་པའི་སློབ་ཚན་དང་པོ་དང་། བསམ་བློ་ཆབ་སྲིད་ཀྱི་རིགས་པའི་གཞུང་ལུགས་སློབ་ཚན། ལག་ལེན་བྱེད་སྒོའི་སློབ་ཚན་བཅས“སློབ་ཚན་ཆེན་པོ་གསུམ”འཚོགས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་དེ་མི་སེམས་སུ་ཟུག་པར་བྱས་ཏེ་རྒྱ་ཆེའི་སློབ་མས་ཏང་གི་ལོ་རྒྱུས་སློབ་སྦྱོང་དང་། དད་སེམས་བརྟན་གཏོང་། ཏང་གི་རྗེས་སུ་འབྲང་བ་བཅས་བྱེད་པར་སློབ་གསོ་ཁྲིད་སྟོན་བྱས་པ་རེད།

ལྷ་ས་གྲོང་ཁྱེར་གྱི་སློབ་གསོའི་ཁོངས་གཏོགས་ཀྱིས་ལས་ཁུངས་དང་སློབ་གྲྭའི་དོན་དངོས་མི་འདྲ་བར་གཞིགས་ནས་རིགས་དབྱེའི་མཛུབ་ཁྲིད་དང་རིམ་དབྱེའི་སྐུལ་འདེད་གཏོང་རྒྱུ་མཐའ་འཁྱོངས་ཀྱིས་རིམ་པ་ཁག་དང་རིགས་ཁག་གི་སློབ་གྲྭའི་ལོ་ཚད་མི་འདྲ་བ་དང་སློབ་རིམ་མི་འདྲ་བར་དམིགས་ནས་བྱེད་ཐབས་བླང་བྱ་མི་འདྲ་བ་བཏོན་པ་དང་། “ཆུང་དུས་ནས་ཏང་གི་ལོ་རྒྱུས་སློབ་སྦྱོང་དང་དུས་ནམ་ཡང་ཏང་གི་རྗེས་སུ་འབྲང་བའི”བརྗོད་དོན་གཙོ་བོར་དམིགས་ནས་སྒྲོག་འགྲེལ་སློབ་གསོ་དང་བརྗོད་དོན་གཙོ་བོའི་ལག་ལེན་བྱེད་སྒོ་རབ་དང་རིམ་པ་སྤེལ་བ་རེད། བྱེད་སྒོ་སྤེལ་རིང་སློབ་ཚན་སློབ་ཁྲིད་ཀྱི་ཐབས་ལམ་གཙོ་བོའི་ནུས་པ་དང་ལག་ལེན་བྱེད་སྒོའི་མི་སྣ་གསོ་སྐྱོང་གི་བྱེད་ནུས་ཟུང་འབྲེལ་དམ་ཟབ་ཀྱིས་སློབ་ཚན་སློབ་ཁྲིད་དང་ས་གནས་ས་ཐོག་གི་ཉམས་ལེན་སློབ་ཁྲིད་སོགས་ཀྱི་ཐད་ནས་སློབ་མར་ཏང་གི་ལོ་རྒྱུས་གཏམ་རྒྱུད་དང་། གསར་བརྗེའི་གཏམ་རྒྱུད། དཔའ་བོའི་གཏམ་རྒྱུད་བཅས་བཤད་དེ་རྒྱ་ཆེའི་སློབ་མར་ཡང་དག་པའི་ལོ་རྒྱུས་ཀྱི་ལྟ་བ་བརྟན་པོ་འཛུགས་ཐུབ་པར་བྱས་ཏེ། ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་བྱས་ནས་ཏང་གི་ལོ་རྒྱུས་སློབ་གསོའི་ཁྲོད་བཀའ་དྲིན་ཚོར་ནས་འཚར་ལོངས་དང་། མེས་རྒྱལ་ལ་དྲིན་ལན་འཇལ་བ། མཛེས་སྡུག་ལྡན་པའི་ཁྱིམ་གཞིས་སྐྲུན་པ་བཅས་ཀྱི་སྟོབས་ཤུགས་བསྡུ་ལེན་བྱེད་པར་ཁྲིད་སྟོན་བྱས་པ་རེད།

ལྷ་ས་གྲོང་ཁྱེར་སློབ་གསོའི་ཁོངས་གཏོགས་ཀྱིས་གཞི་རིམ་གྱི་བྱེད་པོའི་སྟོབས་ཤུགས་འདོན་སྤེལ་གང་ལེགས་བྱས་ནས་ཀུན་སྤྱོད་སློབ་གསོའི་འགན་འཁུར་བ་དང་ཀུན་སྤྱོད་སློབ་གསོའི་ལས་དོན་པ་189འདེམས་སྒྲུག་བྱས་པ་དང་། གྲོང་ཁྱེར་དང་རྫོང་རིམ་པ་གཉིས་ཀྱི་སྒྲོག་འགྲེལ་ཚོགས་པ་21སྒྲིག་འཛུགས་བྱས་པ། སློབ་གྲྭའི་སྒྲོག་འགྲེལ་ཚོགས་ཆུང་20དང་སྒྲོག་འགྲེལ་མི་སྣ་70བཀོད་སྒྲིག་བཅས་བྱས་ཏེ་ཏང་གི་ལོ་རྒྱུས་སྒྲོག་འགྲེལ་སློབ་གསོ་དེ་སློབ་གྲྭའི་ཀུན་སྤྱོད་སློབ་གསོ་དང་བསམ་བློ་ཆབ་སྲིད་སློབ་གསོའི་ལས་དོན་གྱི་དམ་འཛིན་བྱ་གཞི་གཙོ་བོར་བརྩིས་ནས་སྒྲོག་འགྲེལ་པ་དང་། ཀུན་སྤྱོད་སློབ་གསོའི་ལས་དོན་པ། བསམ་བློ་ཆབ་སྲིད་ཀྱི་དགེ་རྒན། འཛིན་བདག་སོགས་གཞི་རིམ་གྱི་བྱེད་པོའི་སྟོབས་ཤུགས་ཀྱི་ལེགས་ཆ་ནུས་ལྡན་སྤྱད་པ་དང་། གཅིག་སྡུད་སྒྲོག་འགྲེལ་དང་། ཕན་ཚུན་སྒྲོག་འགྲེལ། ཀུན་སྤྱོད་སློབ་གསོའི་སློབ་ཚན། རྒྱལ་དར་འོག་གི་གཏམ་བཤད་སོགས་བྱེད་ཐབས་བརྒྱུད་ཏང་གི་ལོ་རྒྱུས་སྒྲོག་འགྲེལ་དཔྱད་གཞིའི་ཡིག་རིགས་དེ་དག་སློབ་མས་གོ་བ་ལེན་ཐུབ་པའི་གནས་ལུགས་དང་། དོན་དངོས། གྱོད་དཔེ་སོགས་སུ་བསྒྱུར་ནས་སྒྲོག་འགྲེལ་ལས་དོན་གྱི་ཡིད་དབང་འགུག་ཤུགས་དང་གོ་བསྐོན་བློ་འགུག་གི་ནུས་པ་ཆེ་རུ་བཏང་བ། ལོ་ཚད་དང་ལོ་རིམ་དབྱེ་སྟེ་སློབ་མར་སྒྲོག་འགྲེལ་སློབ་གསོ་བཏང་ནས་སློབ་མས་ཏང་གི་ལོ་རྒྱུས་སྦྱོང་བ་དང་། དད་སེམས་བརྟན་དུ་གཏོང་བ། ཏང་གི་རྗེས་སུ་འབྲང་བ་བཅས་ལ་སློབ་གསོ་ཁྲིད་སྟོན་བྱས་ཏེ་བསམ་བློའི་ངོས་འཛིན་མཐོ་རུ་འགྲོ་བ་དང་། བརྩེ་སེམས་ཀྱི་མོས་སེམས་ཆེ་རུ་འགྲོ་བ། འཚོ་བའི་ཐད་ལག་ལེན་ཐུབ་པ་བཅས་བྱས་ཡོད། མིག་སྔའི་བར་རིམ་རྩིས་བྱས་ན་སྒྲོག་འགྲེལ་ཐེངས་620བྱས་པར་སློབ་མ་མི་ཐེངས་ཁྲི་13ལ་སློབ་གསོ་ཐེབས་པ་དང་། སློབ་ཞུགས་གོང་གི་སློབ་གསོ་ཕུད་སྒྲོག་འགྲེལ་ཁྱབ་ཚད་100%ཟིན་ཡོད་པ་རེད།