ཟླ་6ཚེས་29ཉིན་རང་སྐྱོང་ལྗོངས་སྲིད་གཞུང་གཞུང་དོན་ཐིང་གིས“ཏང་ནང་གི་གཟི་བརྗིད་ལྡན་པའི་ལོ་ངོ་50”ཡི་དྲན་རྟེན་རྟགས་མ་སྤྲོད་པའི་མཛད་སྒོ་དང་ཏང་ཡོན་རྒན་གྲས་ཀྱི་བཞུགས་མོལ་ཚོགས་འདུ་འཚོགས་པ་རེད།

རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་རེན་ཝུའེ་ཡིས་སྲིད་གཞུང་ཏང་ཙུའུ་དང་བློ་མཐུན་ཆེ་དགྲ་ལྷའི་བཀའ་མངགས་ལྟར་ཏང་ཡོན་རྒན་གྲས་རྒྱ་མཚོ་དང་། བློ་བཟང་དོན་གྲུབ། རྡོ་རྗེ། དོན་གྲུབ། ཚེ་རིང་སྒྲོལ་དཀར། རྒྱལ་པོ་སོགས་ལ“ཏང་ནང་གི་གཟི་བརྗིད་ལྡན་པའི་ལོ་ངོ་50”ཡི་དྲན་རྟེན་རྟགས་མ་སྤྲད་དེ་ཁོང་ཚོར་བླ་ན་མེད་པའི་གུས་འདུད་དང་དུས་ཆེན་གྱི་སྨོན་འདུན་ཞུས་པ་རེད།

ཚོགས་འདུའི་ཐོག་བསྟན་དོན། ཏང་ཀྲུང་དབྱང་གིས་ཏང་ལོ་50ཡན་ལ་སླེབས་པའི་ཏང་ཡོན་ལ་དྲན་རྟེན་རྟགས་མ་སྤྲོད་པའི་གཏན་འབེབས་གནང་བ་དེ་ལས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཏང་ཡོན་རྒན་གྲས་ལ་ཐུགས་ཁུར་དང་བསྔགས་བརྗོད་གནང་བ་གང་ལེགས་མཚོན་པ་དང་། རྒྱ་ཆེའི་ཏང་ཡོན་ཚོས་སྔར་བས་ཐོག་མའི་བསམ་འདུན་མ་བརྗེད་པ་དང་འབད་འབུངས་མདུན་སྐྱོད་བྱེད་པར་སྐུལ་ལྕག་ཐེབས་ངེས་རེད། ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་ཏང་ཡོན་རྒན་གྲས་དང་བློ་མཐུན་རྒན་གྲས་ཚོས་བོད་ཀྱི་འཕེལ་རྒྱས་ཆེད་འབད་འཐབ་ཧུར་ཐག་བྱས་ཏེ་སེམས་ནུས་དང་དཀའ་སྤྱད་ལ་བརྟེན་ནས་ལེགས་སྐྱེས་གལ་ཆེན་ཕུལ་བས་ཏང་དང་མི་དམངས་ཀྱིས་ཁོང་ཚོ་ནམ་ཡང་བརྗེད་མི་སྲིད།