ཏང་གི་ལོ་རྒྱུས་སློབ་སྦྱོང་སློབ་གསོ་དང་དཔུང་ཁག་གི་སློབ་གསོ་བཅོས་སྒྲིག་གི་བྱེད་སྒོ་གཏིང་ཟབ་སྤེལ་ནས་མི་དམངས་ཉེན་རྟོག་པ་དང་ལས་རོགས་ཉེན་རྟོག་པའི་ཆབ་སྲིད་དང་། བསམ་བློ། སྒྲིག་ཁྲིམས། སྤྱོད་ཚུལ་བཅས་ཀྱི་སློབ་གསོར་ཕྱོགས་ཡོངས་ནས་ཤུགས་སྣོན་བརྒྱབ་སྟེ་བློ་དཀར་གཞུང་དྲང་དང་འགན་འཁྲི་འཁུར་ཕོད་པའི་ཆབ་སྲིད་ཀྱི་གཤིས་རྒྱུད་ལ་ཞུན་བརྡར་གཏོང་ཆེད། ཉིན་ཤས་གོང་ལྷ་ས་གྲོང་ཁྱེར་སྤྱི་བདེ་ཅུས་ཁྲེང་ཀོན་ཡན་ལག་ཅུས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་དང་དཔུང་ཁག་གི་སློབ་གསོ་བཅོས་སྒྲིག་གི་གཏམ་བཤད་འགྲན་བསྡུར་བྱས་པ་རེད།

ཡན་ལག་ཅུས་ཀྱི་ཏང་ཨུད་ཧྲུའུ་ཅི་གཞོན་པ་དང་། ཆབ་སྲིད་ཨུ་ཡོན། ཏང་གི་ལོ་རྒྱུས་སློབ་སྦྱོང་སློབ་གསོའི་འགོ་ཁྲིད་ཚོཌ་ཆུང་གཞུང་ལས་ཁང་གི་ཀྲུའུ་རེན་བཅས་ཡིན་པའི་ཉི་མ་ཚེ་རིང་གིས་ངོ་སྤྲོད་བྱས་པར་གཞིགས་ན། སྤྱི་བདེ་དཔུང་ཁག་གི་ངོས་ནས་བརྗོད་ན། གནས་ལུགས་གསལ་རྟོགས་དང་། ཡིད་ཆེས་ཆེར་གཏོང་། ཀུན་སྤྱོད་གོང་བཀུར། ལག་བསྟར་ནུས་ལྡན་བཅས་བྱེད་དགོས་པ་མ་ཟད་ཆེས་རྩ་བ་ནི་བླ་སྲོག་གཏོད་རྒྱུ་དེ་རེད། ཅུས་དེས་རྒྱལ་ཡོངས་སྲིད་ཁྲིམས་དཔུང་ཁག་གི་སློབ་གསོ་བཅོས་སྒྲིག་དང་ཟུང་འབྲེལ་བྱས་ནས་ཏང་གི་ལོ་རྒྱུས་སློབ་སྦྱོང་ཁྲོད་ཆ་ལག་ཚང་བའི་སྒོ་ནས་སྦྱོང་བ་དང་། ཆེད་མངགས་སྦྱོང་བ། བགྲོ་གླེང་བྱས་ནས་སྦྱོང་བ་སོགས་གཏན་འབེབས་ཀྱི་བྱ་སྤྱོད་ཡག་པོ་སྤེལ་བ་དང་། གཞི་རིམ་གྱི་སྤྱི་བདེའི་ལས་དོན་དང་ཟུང་འབྲེལ་གྱིས་སློབ་སྦྱོང་སློབ་གསོའི་གྲུབ་འབྲས་གཞན་སྒྱུར་ལ་སྣང་ཆེན་བྱས་ཏེ་བརྗོད་དོན་གཙོ་བོའི་གཏམ་བཤད་དང་། དཔེ་ཀློག་གི་མྱོང་ཚོར་མཉམ་སྤྱོད། ཤེས་བྱའི་འགྲན་བསྡུར། འགོ་ཁྲིད་ལས་བྱེད་པས་སྣེ་ཁྲིད་དེ་གཞི་རིམ་དུ་འཚམས་འདྲི་དང་། ཉེན་རྟོག་པ་ཡོངས་ཀྱིས་དམངས་ལ་བྱ་བ་དངོས་སྒྲུབ་པའི་ལག་ལེན་བྱེད་སྒོ གློད་སྡོམ་ཞབས་གསུམ་གཏིང་ཟབ་ཏུ་གཏོང་བ་སོགས་ཀྱི་རང་འདེམས་བྱ་སྤྱོད་སྤེལ་ཡོད་པ་རེད།