ཏང་གི་ལོ་རྒྱུས་སློབ་སྦྱོང་སློབ་གསོའི་ཕན་འབྲས་ལ་སྐུལ་འདེད་གཏིང་ཟབ་གཏོང་བ་དང་། གསར་བརྗེའི་སྔོན་བྱོན་པའི་བླ་ན་མེད་པའི་སྙིང་སྟོབས་སློབ་སྦྱོང་དང་། རྒྱུན་འཛིན། དར་སྤེལ་བཅས་གཏོང་བ། རྒྱ་ཆེའི་ཏང་ཡོན་ཚོས་གསར་བརྗེའི་སྔོན་གཤེགས་དཔའ་བོའི་མཛད་རྗེས་ཁྲོད་ནས་བསམ་པའི་སྟོབས་ཤུགས་བསྡུ་ལེན་བྱ་རྒྱུར་ཁྲིད་སྟོན་བྱེད་པ། བཀོད་འཐབ་པ་ཡོངས་ཀྱིས་འགན་འཁྲི་བློ་ལ་བརྟན་པོར་འཆང་བ་དང་ལྷག་བསམ་རྣམ་དག་ངང་འགན་འཁྲི་བསྒྲུབ་རྒྱུར་སྔར་བས་ལྕག་སྐུལ་བྱེད་པ། ཐོག་མའི་བསམ་འདུན་སྲུང་བ་དང་འགན་འཁྲི་འཁུར་བའི་དད་སེམས་ཆེ་རུ་གཏོང་བ་བཅས་བྱས་ནས་ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་ཡིད་ཆེས་དང་ཆོད་སེམས་བརྟན་དུ་གཏོང་ཆེད། ཉེ་ཆར། སྙེ་མོ་རྫོང་མེ་ཟོན་རོགས་སྐྱོབ་རུ་ཆེན་གྱིས་བཅའ་སྡོད་ཁུལ་གྱི་གསར་བརྗེའི་ཐོན་ཁུངས་ལ་བརྟེན་ནས་སྙེ་མོ་རྫོང་གསར་བརྗེའི་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ“ཏང་གི་ལོ་བརྒྱའི་ལོ་རྒྱུས་བློ་ལ་བརྟན་པོར་བཅངས་ནས། གསར་བརྗེའི་སྔོན་གཤེགས་དཔའ་བོར་དྲན་གསོ་ཞུ”ཞེས་པའི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་བ་རེད།
བྱེད་སྒོ་སྤེལ་རིང་། ཏང་ཡོན་ཡོངས་ཀྱིས་ཏང་ཞུགས་དམ་བཅའ་བསྐྱར་དྲན་བྱས་ཏེ་གསར་བརྗེའི་སྔོན་གཤེགས་དཔའ་བོར་ངག་བསྡམས་ནས་མྱ་ངན་ཞུས་པ་དང་དངོས་མཚོན་གློག་བརྙན་བལྟས་པ་རེད། དེ་རྗེས་འགྲེལ་བཤད་རྒྱག་མཁན་གྱི་སྣེ་ཁྲིད་འོག་སྔོན་གཤེགས་དཔའ་བོའི་བང་སོའི་སྐྱེད་ཚལ་གྱི་དྲན་གསོ་ཁང་དུ་ལྟ་སྐོར་བྱས་པ་དང་། གསར་བརྗེའི་སྔོན་གཤེགས་དཔའ་བོའི་བྱས་རྗེས་རླབས་ཆེན་ཉན་པ། གསོན་ཉམས་དོད་པའི་འཇིམ་བརྙན་དང་། འདྲ་པར། དངོས་པོ་རེ་རེ་བཅས་ལ་ལྟ་སྐོར་བྱེད་སྐབས་སྔོན་གཤེགས་དཔའ་བོའི་ཞུམ་མེད་ཀྱི་སྙིང་སྟོབས་ལས་ཚང་མར་སེམས་འགུལ་ཚད་མེད་ཐེབས་ཡོད་པ་རེད།
ཉེ་ཆར། སྙེ་མོ་རྫོང་སྙེ་མོ་ཤང་གི“མཉམ་འབྲེལ་སྒྲོག་འགྲེལ་ཚོགས་པ”གྲོང་ཚོ་དང་ཚོགས་ཆུང་དུ་བསྐྱོད་དེ“ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ”བཅས་ཀྱི་ཏང་དབུ་བརྙེས་ནས་ལོ་ངོ་100འཁོར་བར་བསུ་བ་ཞུ་བའི་བརྗོད་དོན་གཙོ་བོའི་སྒྲོག་འགྲེལ་བྱེད་སྒོ་སྤེལ་བ་རེད། “མཉམ་འབྲེལ་སྒྲོག་འགྲེལ་ཚོགས་པས”ཉིན་གསུམ་རིང་ཤང་ཡོངས་ཀྱི་སྲིད་འཛིན་གྲོང་ཚོ་7ལ་བསྐྱོད་དེ་ཏང་གི་ལོ་རྒྱུས་སློབ་གསོ་དང་། དམངས་ཕན་སྲིད་ཇུས། མི་རིགས་མཐུན་སྒྲིལ་ཡར་ཐོན་གྱི་སློབ་གསོ། དྲ་རྒྱའི་བདེ་འཇགས། རིམས་ནད་སྔོན་འགོག་དང་ཚོད་འཛིན་གྱི་རྒྱུན་ཤེས་སོགས་དྲིལ་བསྒྲགས་བྱས་ནས་ཞིང་འབྲོག་མང་ཚོགས་ཚོར་བོད་རྙིང་པའི་གདུག་རྩུབ་དང་། མུན་ནག ལོག་སྤྱོད། རྗེས་ལུས་བཅས་གསལ་པོ་ཤེས་རྒྱུར་ཁྲིད་སྟོན་བྱས་ནས་གུང་ཁྲན་ཏང་མེད་ན་སྤྱི་ཚོགས་རིང་ལུགས་ཀྱི་བོད་ལྗོངས་གསར་པ་མེད་པའི་གཞོམ་ཞིག་མེད་པའི་བདེན་དོན་དྲངས་ཏེ་མང་ཚོགས་ཚོར་བདེ་ཐང་ཤེས་དཔལ་གྱི་འཚོ་བ་སྐྱེལ་སྟངས་དོན་གཉེར་བྱེད་པ་དང་། བློ་གྲོས་དང་སྟོབས་ཤུགས་དེ་བས་མང་བ་ཐོན་སྐྱེད་འཕེལ་རྒྱས་དང་། ལས་བརྩོན་ཕྱུག་འགྱུར། འཚོ་བ་ལེགས་གཏོང་བཅས་ལ་སྤྱད་ནས་ད་ཆའི་བདེ་སྐྱིད་ལྡན་པའི་འཚོ་བ་ཡག་པོ་སྐྱེལ་རྒྱུའི་ཁྲིད་སྟོན་བྱས་ཤིང་། འདི་ནི་བྱེད་སྒོ་སྤེལ་ཡུལ་གྱི་ཟུར་ཞིག་ཡིན་པ།