ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བ་ནས་བཟུང་། གུང་གཞོན་སྡེ་ཚོགས་གཞིས་རྩེ་གྲོང་ཨུད་ཀྱིས་མགྱོགས་མྱུར་བྱ་སྤྱོད་སྤེལ་བ་དང་། སྐུལ་སློང་རྒྱ་ཁྱབ། སྒྲིག་འཛུགས་ཞིབ་ཚགས་བྱས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཏང་གི་ལོ་རྒྱུས་སློབ་སྦྱོང་སློབ་གསོའི་སྐུལ་སློང་ཚོགས་འདུའི་ཐོག་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་གོ་བ་གཏིང་ཟབ་ལེན་པ་དང་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ་གཞིས་རྩེ་གྲོང་ཁྱེར་གྱི་རིམ་ཁག་གུང་གཞོན་སྡེ་ཚོགས་རྩ་འཛུགས་ཀྱིས་གསར་བརྗེའི་ཐོན་ཁུངས་བསྡུ་སྒྲིལ་དང་། རྣམ་པ་དང་གཞི་རྟེན་གསར་གཏོད་བྱས་ཏེ་ཏང་གི་ལོ་རྒྱུས་སློབ་སྦྱོང་སློབ་གསོའི་ཚ་རླབས་འཕྱུར་བར་བྱས་པ་རེད།
སློབ་སྦྱོང་གི་ཚ་རླབས་མི་ཉམས་པའི་འགན་ལེན་བྱས་པ།
གུང་གཞོན་སྡེ་ཚོགས་གཞིས་རྩེ་གྲོང་ཨུད་ཀྱིས་ལས་དོན་དངོས་དང་ཟུང་འབྲེལ་བྱས་ཏེ་འཕྲལ་མར《གུང་གཞོན་སྡེ་ཚོགས་གྲོང་ཨུད་ཀྱི་ཏང་གི་ལོ་རྒྱུས་སློབ་སྦྱོང་སློབ་གསོའི་ལས་དོན་གྱི་ལག་བསྟར་ཇུས་གཞི》བཟོས་པ་རེད། ཇུས་གཞི་དེ་ནི་ཏང་གི་ལོ་རྒྱུས་སློབ་སྦྱོང་སློབ་གསོར་གོ་བ་ལོན་པ་དང་། ཁོང་དུ་ཆུད་པ། དངོས་སུ་སྒྲུབ་པ་བཅས་ལ་དམིགས་ནས་ཆེད་དོན་སློབ་སྦྱོང་བགྲོ་གླེང་བྱེདཔ་དང་། ཆེད་དོན་གསོ་སྦྱོང་ལ་ཧུར་ཐག་ཞུགས་པ། “ངས་མང་ཚོགས་ཀྱི་ཆེད་དུ་བྱ་བ་དངོས་སྒྲུབ་པའི”ལག་ལེན་བྱེད་སྒོ་སོགས་གཞིར་བཟུང་ནས་བཀོད་སྒྲིག་བྱས་པ་ཞིག་རེད།
གྲོང་ཁྱེར་དེའི་ཏང་ཡོན་དང་སྡེ་ཚོགས་ཀྱི་ལས་བྱེད་པས་གོང་གིས་འོག་ལ་སྣེ་ཁྲིད་མཐའ་འཁྱོངས་ཀྱིས་སློབ་སྦྱོང་ཐད་ཚད་གཞི་དེ་བས་མཐོ་བ་དང་བླང་བྱ་དེ་བས་ནན་པ་བཏོན་ནས་སྔོན་ལ་སློབ་སྦྱོང་དང་སློབ་སྦྱོང་གཏིང་ཟབ་བྱས་ཏེ་རིགས་པའི་གཞུང་ལུགས་ཀྱི་ལྟེ་བའི་ཚོགས་ཆུང་དུ་སློབ་སྦྱོང་དང་། ཏང་ཀྲི་པུའི་ཚོགས་ཆེན་དུ་སློབ་སྦྱོང་། སྡེ་ཚོགས་ཀྲི་པུའི་ཚོགས་ཆེན་དུ་སློབ་སྦྱོང་། བརྗོད་དོན་གཙོ་བོའི་སྡེ་ཚོགས་ཉིན་མོར་སློབ་སྦྱོང་། བརྗོད་དོན་གཙོ་བོའི་རུ་ཁག་ཉིན་མོར་སློབ་སྦྱོང་། ཏང་ཡོན་རྒན་གྲས་དང་གསར་བརྗེའི་རིགས་གཅིག་མཁས་ཅན་དང་མཁས་དབང་གིས་ཟུར་ཁྲིད། དཔེ་ཀློག་བྱེད་སྒོ་གཉེར་བ་སོགས་ཀྱི་རྣམ་པ་སྤྱད་དེ་བརྗོད་དོན་འབུར་དུ་ཐོན་པ་དང་། ཁྱད་ཆོས་མངོན་གསལ་དོད་པ། རྣམ་པ་སྣ་ཚོགས་བཅས་ཀྱི་ཆེད་དོན་སློབ་སྦྱོང་བགྲོ་གླེང་གི་བྱེད་སྒོ་སྤེལ་ནས་ཏང་གི་ལོ་རྒྱུས་སྦྱོང་བ་དང་། ཏང་གི་ལོ་རྒྱུས་རྟོགས་པ། ཏང་གི་ལོ་རྒྱུས་ལ་སྣང་ཆེན། ཏང་གི་ལོ་རྒྱུས་སྤྱོད་པ་བཅས་ལ་དཔེ་སྟོན་སྣེ་ཁྲིད་ཀྱི་ནུས་པ་ཐོན་པར་བྱས་པ་རེད།
དྲ་ཐོག་དང་དྲ་ཕྱི་མཉམ་འགུལ་བྱས་ནས་གཞོན་ནུའི་ཏང་གཅེས་རྒྱལ་གཅེས་ཀྱི་བརྩེ་སེམས་ཟབ་ཏུ་བཏང་བ།
ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བ་ནས་བཟུང་། གཞིས་རྩེ་གྲོང་ཁྱེར་གྱི་རིམ་ཁག་སྡེ་ཚོགས་རྩ་འཛུགས་ཀྱིས་བསམ་བློའི་ཁྲིད་སྟོན་མཐའ་འཁྱོངས་ཀྱིས་སྡེ་ཚོགས་རྩ་འཛུགས་དང་སྡེ་ཚོགས་ཀྱི་གཞོན་ནུ་ཚོགས་མིའི་ཏང་གི་ལོ་རྒྱུས་སློབ་སྦྱོང་སློབ་གསོར་དམ་འཛིན་ཏན་ཏིག་བྱས་པ་དང་ཆབས་ཅིག གཞོན་ནུ་ལོ་ཆུང་གི་ཚོགས་སྤྱིའི་ཁྱད་ཆོས་ལ་དམིགས་ནས་གཞོན་ནུ་ལོ་ཆུང་ཚོས་དང་ལེན་བྱེད་འདོད་པ་དང་གོ་བ་ལེན་སླ་བའི་བྱེད་ཐབས་སྤྱད་དེ། ཤེས་དཔལ་གྱི་བརྗོད་དོན་གཙོ་བོའི་ལག་ལེན་དང་། བརྗོད་དོན་གཙོ་བོའི་གཏམ་བཤད། སློབ་གསོ་སྒྲོག་འགྲེལ། ཤེས་བྱ་འགྲན་བསྡུར། གསོ་སྦྱོང་མཛུབ་ཁྲིད་སོགས་རྣམ་པ་གསར་པ་དང་། ནང་དོན་ཕུན་སུམ་ཚོགས་པ། མཉམ་འགུལ་རང་བཞིན་ཆེ་བ་བཅས་ཀྱི་དྲ་ཐོག་དང་དྲ་ཕྱི་མཉམ་འགུལ་གྱི་བྱེད་སྒོ་སྤེལ་ནས་ཏང་གི་ལོ་རྒྱུས་སློབ་སྦྱོང་སློབ་གསོ་སྔར་བས་གསོན་ཉམས་དོད་པོ་ཡོང་བ་བྱས་ཏེ། གཞོན་ནུ་ལོ་ཆུང་ཚོའི་ཏང་གི་ལོ་རྒྱུས་སློབ་སྦྱོང་གི་སྤྲོ་སེམས་འཕེལ་བ་བྱས་པ་རེད།
གུང་གཞོན་སྡེ་ཚོགས་གཞིས་རྩེ་གྲོང་ཨུད་ཀྱིས་གྲོང་གསེབ་དང་། སྡེ་ཁུལ། ལས་ཁུངས། སློབ་གྲྭ་སོགས་ལས་དོན་གྱི་དོན་དངོས་མི་འདྲ་བ་དང་། གཞོན་ནུའི་ཤེས་ཚད། བསམ་བློའི་འཁྱེར་སོ་བཅས་དང་ཟུང་འབྲེལ་བྱས་ཏེ་རིམ་པ་མི་འདྲ་བའི་གཞོན་ནུའི་སྒྲོག་འགྲེལ་ཚོགས་པ་བཙུགས་ནས་གཞི་རིམ་དུ་བསྐྱོད་དེ་མཉམ་འགུལ་ཅན་གྱི་ཏང་གི་ལོ་རྒྱུས་སྒྲོག་འགྲེལ་བྱས་པ་དང་། གུང་གཞོན་སྡེ་ཚོགས་ཀྱི་གཞོན་ནུ་ཚོགས་མིར་ངོ་ཐུག་གདོང་འཕྲད་ཀྱིས་ཏང་གི་གཏམ་རྒྱུད་ཡག་པོ་བཤད་དེ་ཚང་མར་སྒྲོག་འགྲེལ་ཐུབ་པར་བྱས་པ་རེད། དེ་དང་ཆབས་ཅིག་ཁྱད་ཆོས་ལྡན་པའི་སློབ་སྦྱོང་གི་དཔྱད་གཞིའི་ཡིག་རིགས་འོས་སྦྱོར་བྱས་ཏེ་རྒྱ་ཆེའི་གུང་གཞོན་ཚོགས་མི་རྣམས་ཏང་གི་ལོ་རྒྱུས་སློབ་སྦྱོང་གི་དྲ་ཐོག་སློབ་སྦྱོང་དང་དྲི་བར་ལན་རྒྱག་པ་སོགས་ཀྱི་སྡེ་ཚོགས་ཀྲུང་དབྱང་གི་བྱེད་སྒོར་ཧུར་ཐག་ཞུགས་པར་སྐུལ་སློང་བྱས་པ་དང་། ཕུལ་བྱུང་གི་ཏང་གི་ལོ་རྒྱུས་ཀྱི་བརྗོད་དོན་གཙོ་བོའི་གློག་བརྙན་བལྟས་པ་རེད། ཞུགས་སེམས་དང་མཉམ་འགུལ་རང་བཞིན་སྔར་བས་ཆེ་བའི་སློབ་སྦྱོང་གི་རྣམ་པ་བསྐྲུན་ནས་ཏང་གི་ལོ་རྒྱུས་ཀྱི་ནང་དོན་སློབ་སྦྱོང་བྱས་པ་རེད།
དམངས་ཕན་ལ་དམིཌ་ནས་སློབ་སྦྱོང་གི་གྲུབ་འབྲས་དང་ཕན་འབྲས་ལ་སྐུལ་འདེད་བཏང་བ།
ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་བ་ནི་གུང་གཞོན་ཚོགས་པའི་ལས་དོན་གྱི་གཙོ་གནད་རེད། གུང་གཞོན་སྡེ་ཚོགས་གཞིས་རྩེ་གྲོང་ཨུད་ཀྱིས་ལང་ཚོར་བརྟེན་ནས་དུས་རབས་གསར་པར་བྱས་རྗེས་འཇོག་པ་དམིགས་ཚད་དུ་བྱས་ཏེ། ཏང་གི་ལོ་རྒྱུས་སློབ་སྦྱོང་སློབ་གསོ་དང“ངས་མང་ཚོགས་ཀྱི་ཆེད་དུ་བྱ་བ་དངོས་སྒྲུབ་པ”སོགས་ཀྱི་བྱེད་སྒོ་དང་ཟུང་འབྲེལ་དམ་ཟབ་བྱ་རྒྱུ་མཐའ་འཁྱོངས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་སྤེལ་ནས་རྒྱ་ཆེའི་གུང་གཞོན་སྡེ་ཚོགས་ཀྱི་གཞོན་ནུ་ཚོགས་མིར་གཞིས་རྩེ་གྲོང་ཁྱེར་གྱི་འཕེལ་རྒྱས་དང་། བརྟན་ལྷིང་། སྐྱེ་ཁམས། མཐའ་སྟོབས་བཅས་ཀྱི་བྱ་གཞག་ཁག་ལ་ཞབས་འདེགས་ཞུ་བའི་ཁྲོད་བྱས་རྗེས་འཇོག་པར་ཁྲིད་སྟོན་བྱས་པ་རེད།
གུང་གཞོན་སྡེ་ཚོགས་གཞིས་རྩེ་གྲོང་ཨུད་ཀྱིས་སྡེ་ཚོགས་གྲོང་ཨུད་ཀྱི་གྲོང་སྡོད་ས་ཚིགས་བསམ་གྲུབ་རྩེ་ཆུས་གདོང་དཀར་ཤང་ཕུ་ནུབ་གྲོང་ཚོའི་མི་སྣ་རྒན་གྲས་གསུམ་དང་མི་ཧྲེང་རྒན་རྒོན་ལ་འཚམས་འདྲི་བྱས་པ་མ་ཟད། འཚམས་འདྲིའི་དངུལ་ཡང་སྤྲད་པ་རེད། བསམ་གྲུབ་རྩེ་ཆུས་སྤོམ་ཆེན་སྡེ་ཁུལ་གྱི་མཉམ་སྐྲུན་ལས་དོན་ཁྲོད་སྡེ་ཁུལ་གྱི་མི་སྣ་རྒན་གྲས་གསུམ་དང་། མི་ཧྲེང་རྒན་རྒོན། གཞིས་ལུས་བྱིས་པ་བཅས་ཁྱོན་མི་7ལ་འཚམས་འདྲི་བྱས་ཤིང་། ཁོང་ཚོར་ཉལ་ཆས་དང་། ཀམ་པ་ལི། འོ་མ་སོགས་སྒོར་2100རི་བའི་འཚམས་འདྲིའི་དངོས་པོ་སྤྲད་པ་རེད།