★1985ལོའི་ཟླ་6ཚེས་9ནས་15ཉིན་བར། རྒྱལ་ཡོངས་སུ་ཁྲིམས་ལུགས་དྲིལ་བསྒྲགས་སློབ་གསོའི་ལས་དོན་ཚོགས་འདུ་ཐོག་མ་དེ་པེ་ཅིང་དུ་འཚོགས་པ་དང་། ཚོགས་འདུའི་ཐོག 《སྤྱི་དམངས་ཡོངས་ལ་བཅའ་ཁྲིམས་ཀྱི་རྒྱུན་ཤེས་གཞི་རྩའི་ཆར་ཁྱབ་གདལ་གཏོང་བའི་ལོ་ལྔའི་འཆར་གཞི》ལ་གྲོས་འཆམ་བྱུང་བ།

★1987ལོའི་ཟླ་10ཚེས་25ནས་ཟླ་11ཚེས་1ཉིན་བར། ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མི་ཚོགས་ཆེན་ཐེངས་བཅུ་གསུམ་པ་པེ་ཅིང་དུ་འཚོགས་པ་དང་། ཏང་གི་ཚོགས་ཆེན་བཅུ་གསུམ་པའི་སྙན་སྒྲོན་ནང་རང་རྒྱལ་སྤྱི་ཚོགས་རིང་ལུགས་ཀྱི་ཐོག་མའི་དུས་མཚམས་སུ་སླེབས་པ་ཁ་གསལ་བཏོན་པ།

★1992ལོའི་ཟླ་10ཚེས་12ནས་18ཉིན་བར། ཀྲུང་གོ་གུང་ཁྲན་ཏང་རྒྱལ་ཡོངས་འཐུས་མི་ཚོགས་ཆེན་ཐེངས་བཅུ་བཞི་པ་པེ་ཅིང་དུ་འཚོགས་པ་དང་། ཚོགས་ཆེན་བཅུ་བཞི་པའི་ཐོག རང་རྒྱལ་གྱི་དཔལ་འབྱོར་སྒྲིག་གཞི་སྒྱུར་བཅོས་བྱེད་པ་ནི་སྤྱི་ཚོགས་རིང་ལུགས་ཀྱི་ཁྲོམ་རའི་དཔལ་འབྱོར་གྱི་སྒྲིག་གཞི་འཛུགས་པའི་ཆེད་དུ་ཡིན་ཞེས་ཁ་གསལ་བཏོན་པ། 

(མུ་མཐུད་འགོད་རྒྱུ)