དབུལ་སྒྲོལ་འགག་སྒྲོལ་གྱི་དམག་འཐབ་རྒྱག་འགོ་ཚུགས་ཚུན། མངའ་རིས་ས་ཨུད་དང་སྲིད་འཛིན་ཀུང་ཧྲུའུ་ཡིས་དབུལ་སྒྲོལ་འགག་སྒྲོལ་དེ་ཐོག་མཐའ་བར་གསུམ་དུ་དོན་ཆེན་དང་། ཆབ་སྲིད་ཀྱི་ལས་འགན་གལ་ཆེན། དམངས་འཚོའི་འདུ་འགོད་དང་པོ་བཅས་ལ་བརྩིས་ནས་དམ་འཛིན་བྱས་པར་བརྟེན། དབུལ་སྒྲོལ་འགག་སྒྲོལ་ལས་དོན་ལ་བཀྲག་མདངས་འཚེར་ས་མང་པོ་ཐོན་ཏེ་ལོ་རྒྱུས་རང་བཞིན་གྱི་སྒོ་ནས་དབུལ་པོ་དབུལ་རྐྱང་གཙང་སེལ་བྱས་པ་རེད།

འགོ་ཁྲིད་ལ་ཤུགས་སྣོན་བརྒྱབ་ནས་རྩ་འཛུགས་ཀྱི་འགན་ལེན་ཤུགས་ཆེར་བཏང་བ། 

མངའ་རིས་ས་ཁུལ་གྱི་ས་ཁུལ་རིམ་པའི་འགོ་ཁྲིད་ལས་བྱེད་པས་གོང་གིས་འོག་ལ་སྣེ་ཁྲིད་དེ་ཆབ་སྲིད་ཀྱི་འགན་འཁྲི་དོན་འཁྱོལ་བྱས་པ་དང་། རང་ཉིད་ངོ་མས་དབུལ་སྒྲོལ་འགག་སྒྲོལ་ལ་དམ་འཛིན་བྱས་ཏེ་སྔ་རྗེས་སུ་ཤང་37ལ་འཚམས་འདྲི་བྱས་པ་དང་དུད་ཚང་དབུལ་པོར་འཚམས་འདྲི་བྱེད་ཚད་100%ཟིན་པ་དང་ཆབས་ཅིག ས་ཁུལ་རིམ་པའི་འགོ་ཁྲིད་ལས་བྱེད་པར་འགན་གཙང་སྤྲད་པའི་རྫོང་དང་ཤང་གི་འབྲེལ་གཏུག་བྱ་ཡུལ་དུས་ཐོག་ཏུ་ལེགས་སྒྲིག་བྱས་ནས། ས་ཁུལ་རིམ་པའི་ལས་བྱེད་པས་རྫོང་དང་ཤང་འབྲེལ་གཏུག་བྱེད་པའི་རོགས་སྐྱོར་ལམ་སྲོལ་འཐུས་ཚང་དུ་བཏང་སྟེ། ཟླ་རེ་ངོ་རེར《ས་ཁུལ་གྱི་དབུལ་སྒྲོལ་འགག་སྒྲོལ་བཀོད་འདོམས་པུའི་ཟླ་རེའི་གཙོ་གནད་ལས་འགན་བསྒྲུབ་སྐུལ་གྱི་རྩིས་ཐོ》བཟོས་པ་རེད།

ཐབས་མང་མཉམ་སྤྱོད་ཀྱིས་དབུལ་སྐྱོར་བྱ་སྤྱོད་སྤེལ་ཤུགས་ཆེ་རུ་བཏང་བ།

2020ལོར། མངའ་རིས་ས་ཁུལ་གྱིས་ཐོན་ལས་དབུལ་སྐྱོར་བྱ་སྤྱོད་ལག་བསྟར་ཤུགས་ཆེན་བཏང་ནས་དབུལ་སྐྱོར་ཐོན་ལས་རྣམ་གྲངས་ཀྱི“གཅིག་གསུམ”གྱི་ལས་ཀའི་ལམ་སྲོལ་བཙུགས་པ་དང་དོན་འཁྱོལ་བྱས་ཏེ། ས་ཁུལ་དང་རྫོང་རིམ་པའི་ལས་བྱེད་པ་87བཀོད་སྒྲིག་བྱས་ནས་དབུལ་སྐྱོར་ཐོན་ལས་རྣམ་གྲངས་109ལ་མཛུབ་ཁྲིད་དང་ལྟ་འདོམས་ཀྱི་འགན་འཁུར་དུ་བཅུག་པ་རེད། ལོ་འཁོར་མོར་ཐོན་ལས་དབུལ་སྐྱོར་རྣམ་གྲངས་ལ་བརྟེན་ནས་མང་ཚོགས་དབུལ་པོ་25602ལ་ཕན་པ་ཐོབ་རྒྱུར་སྐུལ་ཁྲིད་བྱས་པས་མི་རེར་ཆ་སྙོམས་འབབ་འཕར་སྒོར་1551.9བྱུང་བ་རེད། 2020ལོར་ཁྱོན་མ་དངུལ་སྒོར་ཁྲི་10274.4བཏང་བའི་གསར་སྐྲུན་དབུལ་སྐྱོར་ཐོན་ལས་རྣམ་གྲངས་24ཡོད་པའི་ཁྲོད། རྣམ་གྲངས་20ལེགས་སྒྲུབ་ཟིན་པ་དང་། རྣམ་གྲངས་12འཁོར་སྐྱོད་ལས་གཉེར་བྱེད་བཞིན་ཡོད་པ། ལེགས་སྒྲུབ་ཟིན་པའི་ཐོན་ལས་རྣམ་གྲངས་ཚང་མར་རྒྱུ་ནོར་རྩིས་བཤེར་ཐོ་འགོད་ལས་དོན་ལེགས་སྒྲུབ་ཟིན་པ་རེད།

ལས་ཞུགས་གཞན་སྒྱུར་ལག་བསྟར་ཤུགས་ཆེན་བྱས་ཤིང་། ས་ཁུལ་དང་རྫོང་གི་ཞིང་འབྲོག་མང་ཚོགས་ཀྱི་ལས་ཞུགས་གཞན་སྒྱུར་ལས་ཀའི་ཆེད་དོན་ཚན་ཁག་བཙུགས་ནས། ལས་ཞུགས་ལས་གནས་གསར་སྤེལ་མཐའ་འཁྱོངས་ཀྱིས་རྩལ་ནུས་སྦྱོང་བརྡར་བྱེད་ཤུཌ་ཆེ་རུ་བཏང་བ་རེད། 2020ལོར། མངའ་རིས་ས་ཁུལ་གྱིས་རྩལ་ནུས་གསོ་སྦྱོང་འཛིན་གྲྭ་སྣ་ཚོགས་དུས་ཐེངས་80གཉེར་བས་མི་ཐེངས་14189ལས་ཞུཌ་གཞན་སྒྱུར་ཐུབ་ནས་ཡོང་འབབ་སྒོར་ཁྲི་13132བྱུང་བ་རེད།

རིམ་རྩིས་བྱས་ན། 2020ལོར་དབུལ་སྐྱོར་གྱི་གྲངས་ཉུང་ཡིད་རྟོན་དངུལ་བུན་སྒོར་ཁྲི་6873བཏང་བ་དང་ལྷག་གྲངས་སྒོར་དུང་ཕྱུར་1.6ཟིན་ནས་མང་ཚོགས་དབུལ་པོ་དུད་ཚང་3858ལ་ཕན་པ་ཐོབ་པ་དང་། ཆེད་ལས་མཉམ་ལས་རྩ་འཛུཌ་དང་ཁེ་ལས་ཆུང་གྲས་དང་ཆེས་ཆུང་གྲས་སོགས་ལ་དབུལ་སྐྱོར་དངུལ་བུན་སྒོར་ཁྲི་1710བཏང་ནས་ཕྱུག་འགྱུར་སྣེ་ཁྲིད་པ་དང་། ཆེད་ལས་མཉམ་ལས་རྩ་འཛུགས། ཁེ་ལས་ཆུང་གྲས་དང་ཆེས་ཆུང་གྲས་བཅས་ཀྱི་མ་དངུལ་གྲབས་གསོག་བྱེད་དཀའ་བ་དང་མ་དངུལ་དཀོན་པ་སོགས་ཀྱི་གནད་དོན་ཐག་གཅོད་ནུས་ལྡན་ཐུབ་ཡོད་པ་རེད།

2020ལོར་མངའ་རིས་ས་ཁུལ་ལ་རོགས་སྐྱོར་བྱེད་མཁན“ཞིང་ཆེན་གཉིས་དང་ཁེ་ལས་གསུམ”གྱིས་འཆར་འགོད་ཕུད་པའི་བོད་སྐྱོར་གྱི་དབུལ་སྐྱོར་རྣམ་གྲངས་53དོན་འཁྱོལ་བྱས་པ་དེ་རྨང་གཞིའི་སྒྲིག་བཀོད་དང་། ཐོན་ལས་དབུལ་སྐྱོར། བདེ་ཐང་དབུལ་སྐྱོར་སོགས་རྣམ་གྲངས་ཆེ་གྲས་9ལ་ཁྱབ་པ་དང་། བོད་སྐྱོར་གྱི་དབུལ་སྐྱོར་རྣམ་གྲངས་ལག་བསྟར་བྱས་པ་དེས་ས་ཁུལ་ཡོངས་ཀྱི་དབུལ་སྒྲོལ་འགག་སྒྲོལ་ལ་རྒྱལ་ཁ་ཕུ་ཐག་གཅོད་པ་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་སྐྲུན་པའི་རྒྱལ་ཁ་ཕུ་ཐག་གཅོད་པར་སྒུལ་ཤུགས་ཆེན་པོ་མཁོ་འདོན་བྱས་ཡོད་པ་རེད།

རྨང་གཞི་བརྟན་དུ་བཏང་ནས་དབུལ་སྒྲོལ་འགན་ལེན་ལ་ཤུགས་སྣོན་བརྒྱབ་པ།

སྐྱེ་ཁམས་ཁ་གསབ་དོན་འཁྱོལ་ནན་པོ་བྱས་ཤིང་། 2020ལོར་མི་ཐེངས་19990ལ་སྐྱེ་ཁམས་ཁ་གསབ་ཀྱི་ལས་གནས་མཁོ་འདོན་བྱས་ཏེ་མ་དངུལ་སྒོར་ཁྲི་7004.72དོན་འཁྱོལ་བྱས་པ་རེད།

སློབ་གསོའི་དབུལ་སྐྱོར་བྱེད་ཤུགས་མུ་མཐུད་ཆེ་རུ་བཏང་ཞིང་། སློབ་གསོའི“འགན་ལེན་གསུམ”དང་སློབ་གྲྭ་ཆེ་མོ་བ་དབུལ་པོར་རོགས་དངུལ་སྤྲོད་པའི་སྲིད་ཇུས་ཁྱོན་ཡོངས་ནས་དོན་འཁྱོལ་བྱས་པ་རེད། ལོ་འཁོར་མོར་དཀའ་ངལ་ཡོད་པའི་སློབ་གྲྭ་ཆེ་མོ་བ་མི་ཐེངས་720ལ་སྒོར་ཁྲི་195.28རོགས་སྐྱོར་བྱས་པ་དང་། ལས་རིགས་རྩལ་ནུས་ཀྱི་གསོ་སྦྱོང་ལ་ཞུགས་འདོད་ཡོད་པའི“གཉིས་ལུས་སློབ་མ”ཁྱོན་206ནས་མི་ཐེངས་192ལ་གསོ་སྦྱོང་བྱས་ཟིན་པ་དང་། མི་70ལས་ཞུགས་ཐུབ་པ་མ་ཟད། 2020ལོའི“གཉིས་ལུས་སློབ་མའི”གསོ་སྦྱོང་གནས་ཚུལ་གྱི་རྗེས་འདེད་རྩིས་ཁྲ་ཡང་བཟོས་པ་རེད།

སྤྱི་ཚོགས་ཀྱི་མཐའ་སྐྱོང་ཁྱོན་ཡོངས་ནས་དོན་འཁྱོལ་བྱས་ཤིང་། 2020ལོར་གྲོང་གསེབ་ཀྱི་མ་མཐའི་འཚོ་བའི་འགན་ལེན་དུད་ཚང་319ཡི་མི་1038ལ་སྒོར་ཁྲི་151.01སྤྲད་པ་དང་། དམིགས་བསལ་དཀའ་ངལ་ཡོད་པའི་མི་434ལ་ཁ་གསབ་སྒོར་ཁྲི་397.3སྤྲད་པ། དབང་པོ་སྐྱོན་ཅན་གྱི“ཁ་གསབ་ཁག་གཉིས”སྤྲོད་ཡུལ་2973ལ་སྒོར་ཁྲི་595.3སྤྲད་པ། དྭ་ཕྲུག་132ཚང་མ་གསོ་ཉར་བྱས་པ། གྲོང་ཁྱེར་དང་གྲོང་གསེབ་ཀྱི་དམིགས་བསལ་དཀའ་ངལ་ཡོད་པའི་མི་སྣ་གཅིག་སྡུད་བསྙེན་བཀུར་དང་དྭ་ཕྲུག་གཅིག་སྡུད་གསོ་ཉར་བྱེད་ཚད་100%ཟིན་ཡོད་པ་རེད།

ཏང་འཛུགས་སྐྱོང་ལ་བརྟེན་ནས་དབུལ་སྐྱོར་ལ་སྐུལ་འདེད་གཏོང་བའི་བྱ་སྤྱོད་ལག་བསྟར་ཤུགས་ཆེན་བྱས་ཤིང་། ཤང་དང་གྲོང་རྡལ་གྱི་ལས་བྱེད་པ་དང་། གྲོང་སྡོད་ལས་དོན་རུ་ཁག གྲོང་ཚོའི(གྲོང་ལྷན)ལས་བྱེད་པ་བཅས་ལ་དབུལ་སྒྲོལ་འགག་སྒྲོལ་གྱི་དཔྱད་ཞིབ་གདེང་འཇོག་མ་ལག་བཙུགས་ནས། དབུལ་སྒྲོལ་འགག་སྒྲོལ་གྱི་ལྕག་སྐུལ་དང་གཅུན་འདོམས་ཟུང་འབྲེལ་གྱི་ཕུགས་ཕན་ལམ་སྲོལ་བཟོ་རྒྱུར་སྐུལ་འདེད་བཏང་སྟེ། ས་ཁུལ(ཀྲུང་དབྱང་དང་རང་སྐྱོང་ལྗོངས)ཐད་གཏོགས་ཚན་པ་81དང་ཏང་ཡོན་ལས་བྱེད་པ་ཁྲི་1.4ཡིས་ཡིག་ཚགས་དང་གཱ་བཟོས་པའི་མང་ཚོགས་དབུལ་པོ་ཁྲི་2.33ལ་ཆ་སྒྲིག་རོགས་སྐྱོར་བྱས་པ་རེད།