2021ལོ་ནི་གྲོང་གསེབ་དར་རྒྱས་ཀྱི་འགོ་འཛུགས་ལོ་ཡིན་ཞིང་། སྐྱིད་གྲོང་རྫོང་གིས་རང་ངོས་ཀྱི་དོན་དངོས་དང་ཟུང་འབྲེལ་བྱས་ཏེ“ལྔ་རེ་བཞིའི”འཆར་གཞི་བཏོན་པ་སྟེ། “ལྔ་མཐོ་ལྔ་ཅན”ཚད་གཞིར་བྱས་པའི་གདེང་འཇོག་མ་ལག་འཛུགས་པ་དང་གྲོང་གསེབ་དར་རྒྱས་ཀྱི“དམ་འཛིན་ལྔའི”ལས་དོན་ཡག་པོ་བསྒྲུབས་མཐར་ལོ་ལྔའི་བར་བརྒལ་དུས་ཡུན་ནང་དབུལ་སྒྲོལ་འགག་སྒྲོལ་གྱི་གྲུབ་འབྲས་བརྟན་དུ་གཏོང་བ་དེ་གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་ཐུབ་པ་རེད།
“ལྔ་རེ་བཞིའི”འཆར་གཞིའི་མཛུབ་ཁྲིད་འོག་སྐྱིད་གྲོང་རྫོང་གིས་ཞིང་འབྲོག་འཕེལ་རྒྱས་དང་བྱང་ཐང་རྒོད་དང་ལྷོ་སྔོ་ལྗང་སོགས་ཀྱི་དོན་དངོས་གནས་ཚུལ་ནས་འགོ་བཙུགས་ཏེ་ཐོན་ལས་རིམ་སྤོར་དང་སྐྱེ་ཁམས་གསོ་སྐྱོང་དེ་ལས་ཀའི་གཙོ་གནད་དུ་བྱེད་པ་དང་། རྨང་གཞིའི་སྤྱི་པའི་ཞབས་འདེགས་སྒྲིག་བཀོད་རིམ་སྤོར་དེ་རྨང་གཞིའི་བླང་བྱར་འཛིན་པ། ཉམས་འགྱུར་ལེགས་གཏོང་དང“གྲོང་ཚོ་རེ་ལ་ཡུལ་ལྗོངས་རེ”འཕེལ་རྒྱས་ཀྱི་བཀྲག་མདངས་འཚེར་སར་བྱེད་པ། རྒྱལ་ཁབ་ཀྱི་ས་ཆའི་བར་མཐོངས་དང་ས་ཁོངས་ཧྲིལ་པོའི་ཡུལ་སྐོར་སོགས་འཕེལ་རྒྱས་ཀྱི་འཆར་འགོད་དང་ཟུང་འབྲེལ་བྱེད་པ་བཅས་ལ་བརྟེན་ནས་རྫོང་དེའི་སྲིད་འཛིན་གྲོང་ཚོ་41ཏུ་གྲོང་གསེབ་དར་རྒྱས་ཀྱི་ལས་དོན་རིམ་པ་བཞིན་སྤེལ་བ་དང་། ཉེ་དུས་གྲོང་གསེབ་དར་རྒྱས་ཀྱི་དཔེ་སྟོན་གྲོང་ཚོ་10གཙོ་གནད་ཐོག་བཏོད་པ་རེད། དེའི་ནང་རྫོང་དགའ་གྲོང་རྡལ་གྱིས་ཐོན་ལས་ཐད་རྫོང་གྲོང་གི་ལྟེ་བའི་ཁུལ་གྱི་ལེགས་ཆར་བརྟེན་ནས་ཞིང་འབྲོག་ལས་ཀྱི་ཐོན་ལས་འཁོར་འབྲེལ་ཧྲིལ་པོ་བཏོད་དེ་ཐོན་ལས་འཁོར་འབྲེལ་གྱི་བྱེད་པོ་རྫོང་གྲོང་དུ་འཇོག་པ་དང་ཁྱད་ལྡན་ཞིང་ལས་ཐོན་རྫས་ཀྱི་ཐོན་ཡུལ་དུ་ཐོག་མའི་ལས་སྣོན་དང་ལས་སྣོན་ཞིབ་ཚགས་ཀྱི་རྟེན་གཞི་བཀོད་སྒྲིག་བྱས་ཏེ་དེང་རབས་ཅན་གྱི་ཞིང་ལས་ཐོན་ལས་གླིང་དང་མཐའ་མཚམས་ཚོང་དོན་གྱི་ཁྱད་ལྡན་ཐོན་ལས་འདུས་འཛོམས་བསྐྲུན་པ་དང་། བྱེ་འགོག་བྱེ་བཅོས་ལས་འགན་གཙོ་བོར་བྱས་ཏེ་ཚད་ལྡན་མིན་པའི་དེ་གོང་གི་ཞིང་འབྲོག་ཐོན་སྐྱེད་ཁུལ་དུ་རྨོ་སྐྱུར་ནགས་གསོ་དང་རྩྭ་གསོ་བྱས་པ། ཡུལ་སྐོར་ལས་རིགས་འགུལ་ཤུགས་སུ་བྱས་ཏེ་ས་གནས་ཀྱི་ལོ་རྒྱུས་དང་ཟུང་འབྲེལ་གྱིས་རིག་གནས་ཡུལ་སྐོར་མཉམ་འདྲེས་ཀྱི་ལྟ་སྐོར་རྣམ་པའི་ཡུལ་སྐོར་ཁུལ་བཏོད་པ། ཇོ་མོ་གླང་མའི་སྲུང་སྐྱོང་ཁུལ་གྱི་ཁོར་ཡུག་སྲུང་སྐྱོང་གི་བླང་བྱ་ཚད་གཞིར་བྱས་ཏེ་ཁོར་ཡུག་སྲུང་སྐྱོང་ལས་དོན་སྤེལ་བ། ཀྲེ་པ་ཤང་དང་བྲག་སྣེ་ཤང་གི་ཐོན་ལས་ཀྱི་ལས་ཕྱོད་ཆེར་གཏོང་ཤུགས་རྒྱག་སར་བྱས་ནས་ཇོ་མོ་གླང་མའི་བལ་ལུག་གསོ་ཚགས་ཀྱི་ལྟེ་བའི་ཐོན་ལས་སྤུས་ཚད་ལེགས་པའི་འཕེལ་རྒྱས་ལ་ཕྱོགས་སྒྱུར་བྱེད་མགྱོགས་སུ་གཏོང་བ་དང་ཆབས་ཅིག ཐོན་སྐྱེད་ནུས་ཆེ་དང་། ཁོར་ཡུག་མཐུན་འཕྲོད། ཐོན་རྫས་བདེ་འཇགས། དོ་དམ་སྔོན་ཐོན་བཅས་ཀྱི་དཔེ་སྟོན་ཁུལ་སྔོག་འདོན་བྱས་པ་བཅས་རེད།