ཉེ་བའི་ལོ་ཤས་རིང་། སྨན་གླིང་རྫོང་གིས་ཡུལ་སྐོར་ལས་རིགས་གཙོ་བོར་བྱས་པའི་ཞིང་ལས་ལ་བརྟེན་ནས་ཡུལ་སྐོར་ལ་སྐུལ་འདེད་གཏོང་བ་དང་ཡུལ་སྐོར་ལ་བརྟེན་ནས་ཞིང་ལས་སྟོབས་ཆེར་གཏོང་བའི་འཕེལ་རྒྱས་གཏོང་སྟངས་མཐའ་འཁྱོངས་བྱས་པས། ཁྱད་ཆོས་མངོན་གསལ་དོད་པ་དང་སྐུལ་ཁྲིད་ནུས་པ་ཆེ་བའི་ས་ཁོངས་ཧྲིལ་པོའི་ཡུལ་སྐོར་འཕེལ་རྒྱས་ཀྱི་བཀོད་པ་གསར་པ་ཞིག་ཆགས་ནས་ཁྲལ་དོན་དང་འབྲེལ་བ་ཡོད་པའི་ཞིང་འབྲོག་པའི་དགོས་མཁོ་ཉིན་བཞིན་ཆེ་རུ་སོང་ཡོད། ཞིང་འབྲོག་པའི་ཁྲལ་འཇལ་དང་གྲོན་བསྡུའི་ཁྲལ་གཉེར་མ་གནས་དམའ་རུ་གཏོང་ཆེད། སྨན་གླིང་རྫོང་ཁྲལ་དོན་ཅུས་ཀྱིས་ལྗོངས་ཡོངས་ཀྱི་ཁྲལ་དོན་ཁོངས་གཏོགས་ཀྱི་དམངས་ཕན་ལས་དོན་ཁང་ཐོག་མ་སྟེ“གཡང་སྒྲོན་ལས་དོན་ཁང”བཙུགས་པ་རེད།
དམིགས་བསལ་ཚོགས་སྤྱིའི་དམིགས་བསལ་གྱི་དགོས་མཁོ་ཡག་པོ་སྐོང་ཆེད། སྨན་གླིང་རྫོང་ཁྲལ་དོན་ཅུས་ཀྱིས་2021ལོའི“དམངས་ཕན་ཁྲལ་གཉེར་གྱི་དཔྱིད་རླུང་བྱ་སྤྱོད”ཀྱི“བདག་གིས་ཁྲལ་འཇལ་མཁན་དང་གྲོན་དངུལ་འཇལ་མཁན་ལ་བྱ་བ་དངོས་སྒྲུབ་པའི” ནང་དོན་གཙོ་བོར་དམིགས་ནས། “ཁྲལ་འཇལ་མཁན་གྱི་དགོས་མཁོ་ཨང་དང་པོར་འཇོག་པ་དང་། ཁྲལ་འཇལ་མཁན་བློ་ཡིད་ཚིམ་པོ་ཡོང་བར་དམིགས་པ། ཁྲལ་འཇལ་མཁན་ལ་བརྩི་འཇོག་བྱེད་པ”བཅས་ཀྱི་འདུ་ཤེས་བརྟན་པོར་བཙུཌ་ཏེ་ཁྲལ་འཇལ་མཁན་ལ་ཐག་ཉེ་ས་ནས་རང་གཤིས་ཅན་དང་གནད་སྨིན་ཅན་གྱི་ཁྲལ་གཉེར་ཞབས་འདེཌ་ཞུ་བའི“གཡང་སྒྲོན་ལས་དོན་ཁང”བཙུཌ་པ་རེད།
“གཡང་སྒྲོན་ལས་དོན་ཁང”དུ་བོད་རྒྱ་སྐད་གཉིས་ལ་བྱང་ཆུབ་པའི་ན་གཞོན་ལས་བྱེད་པ་བཀོད་སྒྲིག་བྱས་ཏེ་གཅིག་གཏད་གཅིག་གི་འགྲེལ་བཤད་དང་ངོ་ཐུག་གདོང་འཕྲད་ཀྱི་ཟུར་ཁྲིད་བྱེད་པ་དང་། ཞིང་འབྲོག་པར་ཁྲལ་གཉེར་དང་འབྲེལ་བ་ཡོད་པའི་ངོ་སྤྲོད་ཡི་གེ་དང་དཔྱད་གཞིའི་ཡིག་ཆ་འཆར་ཟིན་འགོད་རོགས་དང་པར་སློག་རྒྱག་རོགས་བྱེད་པ། ཁྲལ་འཇལ་མཁན་དང་གྲོན་དངུལ་འཇལ་མཁན་ལ་ཚད་ལྡན་གྱི་གནས་ཐང་འཕར་ཁྲལ་འཛིན་ཤོག་འབྲི་དགོས་པའི་ཁྲིད་སྟོན་བཅས་བྱས་པས། ཁྲལ་གཉེར་བའི་ཁུར་པོ་ཡང་དུ་སོང་ཡོད་པ་རེད།
ཤེས་རྟོགས་བྱུང་བར་གཞིགས་ན། སྨན་གླིང་རྫོང་ཁྲལ་དོན་ཅུས་ཀྱིས་ལས་དོན་ཁང་གི་ཞབས་ཞུའི་འགན་ནུས་འདོན་སྤེལ་གང་ལེགས་བྱས་ཏེ་ཁྲལ་འཇལ་མཁན་དང་གྲོན་དངུལ་འཇལ་མཁན་གྱི་བློ་ཡིད་ཚིམ་ཚད་དེ་ཐོག་མཐའ་བར་གསུམ་དུ་དམིགས་ཚད་ལ་བརྩིས་ནས“ཁྲལ་འཇལ་མཁན་གྱི་དགོས་མཁོར་དམིགས་པ་དང་ཁྲལ་འཇལ་མཁན་གྱི་དཀའ་ངལ་གནད་ལ་འཁེལ་པོས་ཐག་གཅོད་བྱེད་པའི”འདུ་ཤེས་མཐའ་འཁྱོངས་ཀྱིས་ཁྲལ་འཇལ་ཞབས་ཞུའི་སྤུས་རྟགས་ཧུར་ཐག་བཏོད་པ་དང་ཏང་འཛུགས་སྐྱོང་གི་སྤུས་རྟགས་དང་ཁྱད་ལྡན་གྱི་ཁྲལ་འཇལ་ཞབས་ཞུ་མཉམ་འདྲེས་དང་མཐོར་གཏོང་བྱས་ནས་གྲོང་གསེབ་དར་རྒྱས་ཀྱི་འཐབ་ཇུས་ལ་ཞབས་འདེགས་ཞུ་བར་ཁྲལ་དོན་གྱི་སྟོབས་ཤུགས་སྐྱེས་སུ་འབུལ་རྒྱུ་རེད།