★ 1938ལོའི་ཟླ་9ཚེས་29ཉིན། ཀྲུང་གོ་གུང་ཁྲན་ཏང་གིས་རྒྱ་སྐྱེད་བཏང་བའི་སྐབས་དྲུག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་ཡན་ཨན་དུ་འཚོགས་ཏེ། རི་འགོག་དམག་འཁྲུག་གི་ཕན་ཚུན་སྲ་འཛིན་དུས་རིམ་གྱི་ཏང་གི་གཞི་རྩའི་མཛད་ཕྱོགས་དང་ལས་འགན་གཏན་འཁེལ་བྱས་པ་དང་། ཏང་ཡོངས་སུ་མའོ་ཙེ་ཏུང་གི་འགོ་ཁྲིད་གནས་བབ་སྔར་བས་གཏན་འཁེལ་བྱས་པ།

★ 1939ལོའི་ཟླ་7ཚེས་7ཉིན། ཀྲུང་གུང་ཀྲུང་དབྱང་གིས《རི་འགོག་དམག་འཁྲུག་ལོ་གཉིས་བརྒྱབ་པར་དྲན་གསོ་ཞུ་ཆེད་མིག་སྔའི་དུས་བབ་ལ་དམིགས་པའི་བསྒྲགས་གཏམ》སྤེལ་ཏེ། “རི་འགོག་དམག་འཁྲུག་མཐའ་གཅིག་ཏུ་མཐའ་འཁྱོངས་བྱས་ནས་བར་དུ་འགྲིག་ཐབས་ལ་ངོ་རྒོལ”ཞེས་པ་དང་། “རྒྱལ་ནང་གི་མཐུན་སྒྲིལ་སྲ་བརྟན་དང་ནང་ཁུལ་ཁ་ཕྲལ་ལ་ངོ་རྒོལ”“རྒྱལ་ཡོངས་ཡར་ཐོན་ཡོང་བའི་བརྩོན་ལེན་དང་ཕྱིར་བཤོལ་ལ་ངོ་རྒོལ”སོགས་ཀྱི་དགོངས་པ་བཏོན་པ། ཟླ་9ཚེས་16ཉིན་མའོ་ཙེ་ཏུང་གིས་གོང་གསལ་གྱི་དགོངས་ཚུལ་གསུམ“རི་འགོག་དམག་འཁྲུག་མཐའ་འཁྱོངས་དང་མགོ་འདོགས་རྒྱུར་ངོ་རྒོལ”ཞེས་པ་དང་། “མཐུན་སྒྲིལ་མཐའ་འཁྱོངས་དང་ཁ་ཕྲལ་ལ་ངོ་རྒོལ”“ཡར་ཐོན་མཐའ་འཁྱོངས་དང་ཕྱིར་བཤོལ་ལ་ངོ་རྒོལ”ཞེས་པ་བཅས་ཀྱི་ཆབ་སྲིད་ཀྱི་འབོད་ཚིག་ཆེན་པོ་གསུམ་ལ་སྙིང་བསྡུས་གནང་བ།

★ 1939ལོའི་ཟླ་8ཚེས་7ཉིན་ལིའུ་ཧྲའོ་ཆིས་ཡན་ཨན་མར་ལེ་སློབ་གླིང་དུ《གུང་ཁྲན་ཏང་མིའི་བློ་སྦྱོང་གླེང་བ》ཞེས་པའི་གསུང་བཤད་གནང་བ།

★ 1939ལོའི་ཟླ་10པར་མའོ་ཙེ་ཏུང་གིས《〈གུང་ཁྲན་ཏང་མིའི〉དུས་དེབ་གསར་འདོན་གྱི་གཏམ》ཞེས་པའི་རྩོམ་ཡིག་ནང་ཀྲུང་གོའི་གསར་བརྗེའི་མཆོག་ནོར་ཆེན་པོ་གསུམ་ནི་འཐབ་ཕྱོགས་གཅིག་གྱུར་དང་། དྲག་ཆས་འཐབ་རྩོད། ཏང་འཛུགས་སྐྱོང་བཅས་ཡིན་ཞེས་ཕྱོགས་སྡོམ་གནང་བ།

★ 1940ལོའི་ཟླ་8པར་དམག་སྡེ་བརྒྱད་པའི་སྤྱི་ཁྱབ་པུའུ་ཡིས་ཀྲུང་ཧྭའི་བྱང་རྒྱུད་ཀྱི་རི་དམག་ལ་གཞི་ཁྱོན་ཆེ་བའི་དགྲ་བོའི་འགྲིམ་འགྲུལ་ལམ་ཐིག་ལ་འཇབ་རྒོལ་བྱ་རྒྱུ་དམིགས་ཡུལ་གཙོ་བོར་བཟུང་བའི་དཔུང་འཇུག་གཡུལ་འགྱེད་བྱས་ཤིང་། དེའི་ནང་ཞུགས་མཁན་དཔུང་སྡེའི་གྲས་སུ་ཐོན་ཤོག་105ཡི་མི་ཁྲི་20ཙམ་ཡོད་པས་ཐོན་ཤོག་བརྒྱའི་དམག་འཐབ་ཆེན་པོ་ཞེས་བརྗོད་ཀྱི་ཡོད། དམག་འཐབ་དེ་ལས་དགྲ་དམག་ལ་རྡུང་རྡེག་ཚ་ནན་ཕོག་པ་དང་། རྒྱལ་ཡོངས་མི་དམངས་ཀྱི་རི་འགོག་དམག་འཁྲུག་གི་སྤྲོ་སེམས་འཕེལ་བ། གུང་ཁྲན་ཏང་དང་དམག་སྡེ་བརྒྱད་པའི་སྙན་གྲགས་སྔར་བས་ཆེ་རུ་སོང་བ།

★ 1942ལོའི་ཟླ་5ཚེས་25ཉིན་དམག་སྡེ་བརྒྱད་པའི་ཚན་མོའུ་ཀྲང་གཞོན་པ་ཙུའོ་ཆོན་ཧྲན་ཤིས་ཞིང་ཆེན་ལེའོ་རྫོང་ཧྲི་ཙི་ལིང་དུ་རི་འགོག་དམག་འཁྲུག་ཁྲོད་གཟི་བརྗིད་ངང་སྐུ་གཤེཌ། ཁོང་ནི་རི་འགོག་དམག་འཁྲུག་སྐབས་སྐུ་གཤེཌ་པའི་ཀྲུང་གོ་གུང་ཁྲན་ཏང་གི་དམག་དཔོན་མཐོ་ཤོས་རེད། (མུ་མཐུད་འགོད་རྒྱུ)

(ཡོང་ཁུངས། མི་དམངས་དྲ་བ—ཀྲུང་གོ་གུང་ཁྲན་ཏང་གི་གསར་འགྱུར་དྲ་བ)