འདི་ལོ་ཚུན་དུ། རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་དང“ཆབ་སྲིད་ཀྱི་ཚད་གཞི་དེ་བས་མཐོ་བ་དང་། ཏང་གཤིས་ཀྱི་བླང་བྱ་དེ་བས་ནན་པ། རྩ་འཛུགས་ཀྱི་སྒྲིག་ཁྲིམས་དེ་བས་དམ་པ”བཅས་ཀྱི་ཆེད་དོན་སློབ་གསོ་གཏིང་ཟབ་སྤེལ་བ་དང་། “ལྟ་ཞིབ་ཚད་ལེན་བྱས་ནས་སྤྱི་ཚོཌ་ལ་ཞབས་འདེགས་ཞུ་བ་དང་ལྟ་ཞིབ་ཚད་ལེན་བྱས་ནས་དམངས་འཚོར་ཞབས་འདེགས་ཞུ་བའི”རྩ་དོན་ལ་གཞིགས་ཏེ། སྐྱེ་ཁམས་ཁོར་ཡུག་ལྟ་ཞིབ་ཚད་ལེན་གྱི་ལས་དོན་ཁྲོད“མང་ཚོགས་ལ་བྱ་བ་དངོས་སྒྲུབ་པའི”ཕན་འབྲས་རྒྱ་ཆེར་བཏང་ནས་མང་ཚོགས་ཚོས་སྐྱེ་ཁམས་ཁོར་ཡུག་བཟང་པོ་ལས་བྱུང་བའི་སྐྱིད་སྣང་དང་ཐོབ་སྣང་དངོས་འབྲེལ་ཚོར་བར་བྱས་ཡོད།
ཇུས་འགོད་ཞིབ་ཚགས་ཀྱིས་ཕྱོགས་ཡོངས་ནས་སྤྱི་འདོམས་བྱས་པ།
རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས་ཞི་ཅིན་ཕིང་གི་སྐྱེ་ཁམས་ཤེས་དཔལ་དགོངས་པ་ལག་བསྟར་གཏིང་ཟབ་དང་རང་སྐྱོང་ལྗོངས་ཏང་ཨུད་ཀྱི“བོད་ཀྱི་སྔོ་ཞིང་དྭངས་བའི་རི་ཆུ་བརྟན་པོར་བསྲུངས་ནས་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་ཡོལ་བརྟན་དུ་གཏོང་བའི”བླང་བྱ་དོན་འཁྱོལ་མཐའ་གཅིག་ཏུ་བྱས་ཏེ། ཏང་གི་ལོ་རྒྱུས་སློབ་སྦྱོང་སློབ་གསོ་དང“དེ་བས་གསུམ”གྱི་ཆེད་དོན་སློབ་གསོ་དམ་འཛིན་བྱ་གཞིར་བྱས་ནས། ཏང་ཀྲི་པུའུ་འཛུགས་སྐྱོང་ལ་ཤུགས་སྣོན་རྒྱག་པ་དང་ཏང་འཛུགས་སྐྱོང་ལ་བརྟེན་ནས་ལས་སྒོར་ཁྲིད་སྟོན་བྱ་རྒྱུ་མཐའ་འཁྱོངས་ཀྱིས་ཏང་འཛུགས་སྐྱོང་གི་ལས་དོན་དང་གཙོ་གནད་ལས་སྒོ་དང་དེ་བཞིན་ལྟ་ཞིབ་ཚད་ལེན་གྱི་ལས་དོན་མཉམ་དུ་བཀོད་སྒྲིག་དང་དོན་འཁྱོལ་བྱས་ཡོད།
རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས《བོད་རང་སྐྱོང་ལྗོངས་ཀྱི་ས་ཁོངས་ཚོད་འཛིན་གྱི་སྐྱེ་ཁམས་ཁོར་ཡུག་སྤུས་ཚད་ལྟ་ཞིབ་ཚད་ལེན་ལས་དོན་གྱི་ཚད་གཞི(ཚོད་ལྟའི་ལག་བསྟར)》དང་། 《བོད་རང་སྐྱོང་ལྗོངས་ཀྱི་བཙོག་འབུད་ཕྱིར་གཏོང་ཚན་པའི་ལྟ་སྐུལ་རང་བཞིན་གྱི་ལྟ་ཞིབ་ཚད་ལེན་ལས་དོན་གྱི་ཚད་གཞི(ཚོད་ལྟའི་ལག་བསྟར)》《2021ལོའི་བོད་རང་སྐྱོང་ལྗོངས་ཀྱི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ཇུས་གཞི》བཅས་བཟོས་ནས་བཀྲམ་སྟེ། ཚད་གཞི་དང་ཇུས་གཞིའི་ནང་དམངས་འཚོ་དང་འབྲེལ་བ་ཡོད་པའི་ལྟ་ཞིབ་ཚད་ལེན་གྱི་ལས་དོན་ཟུར་དུ་བཀོད་སྒྲིག་བྱས་ནས་གཙོ་གནད་ལྟ་ཞིབ་ཚད་ལེན་ལས་དོན་ཁག་དོན་ཐོག་ཏུ་འཁྱོལ་བའི་འགན་ལེན་བྱས་པ་དང་དམངས་ཆེད་ཁོར་ཡུག་སྲུང་སྐྱོང་དང་དམངས་ཆེད་ལྟ་ཞིབ་ཚད་ལེན་དངོས་འབྲེལ་བྱས་ཏེ་བོད་ཀྱི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་བྱ་གཞག་སྐས་རིམ་གསར་པ་ཞིག་ཏུ་སླེབས་རྒྱུར་རྒྱུན་ཆད་མེད་པར་སྐུལ་འདེད་བཏང་བ་དང་བོད་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་འགྲོ་རྒྱུར་རམ་འདེགས་བྱས་ཡོད།
ལྗང་མདོག་དམངས་འཚོའི་འགན་འཁྲི་སེམས་སུ་བརྟན་པོ་བཅངས་པ།
རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས་ཏང་གི་ལོ་རྒྱུས་སློབ་གསོ་སྦྱོང་གསོ་དང“དེ་བས་གསུམ”གྱི་ཆེད་དོན་སློབ་གསོ་གོ་སྐབས་སུ་བྱས་ནས་སྐྱེ་ཁམས་ཀྱི“ཁོར་ཡུག་སྲུང་སྐྱོང་གི་དམག་ཧྲག”གདོང་ལེན་རུ་ཁག་གི་ནུས་པ་འདོན་སྤེལ་བྱས་ཏེ“མང་ཚོགས་ལ་བྱ་བ་དངོས་སྒྲུབ་པའི”བྱེད་སྒོར་ཕན་འབྲས་དངོས་ཐོན་པའི་འགན་ལེན་བྱས་ཡོད།
གཞིས་རྩེའི་2021ལོའི་སོ་ནམ་ལོ་གསར་དང་། དཔྱིད་གསར་དུས་ཆེན། བོད་ཀྱི་ལོ་གསར་བཅས་ཀྱི་སྐབས་སུ་རང་སྐྱོང་ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱི་ཏང་ཡོན་40ཡིས་རིན་ཐང་སྒོར་ཁྲི་1.1རི་བའི་འཚོ་བའི་མཁོ་ཆས་རང་འགུལ་ངང་ཉོས་ནས་བཅའ་སྡོད་བྱ་ཡུལ་གྱི་ལ་ཡག་གྲོང་ཚོ་དང་པད་དཀར་གྲོང་ཚོའི་དུད་ཚང་དབུལ་པོ་28ལ་ཞལ་འདེབས་བརྒྱབ་སྟེ་བློ་གཅིག་སེམས་གཅིག་གིས་མང་ཚོགས་ལ་ཞབས་འདེགས་ཞུས་ཡོད།
གཞན་ཡང་། ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས་སོ་སོའི་ལེགས་ཆ་གང་ལེགས་སྤྱད་དེ་མང་ཚོགས་ཀྱི་ཐོན་སྐྱེད་དང་འཚོ་བའི་འཐུང་ཆུ་བདེ་འཇགས་ཡོང་བའི་འགན་ལེན་བྱས་ཡོད། རང་སྐྱོང་ལྗོངས་ཀྱི་རྫོང་རིམ་པ་དང་དེ་ཡན་གྱི་འཐུང་ཆུའི་ཆུ་འགོ་130ལ་དཔྱད་ཞིབ་དང་ལྟ་ཞིབ་ཚད་ལེན་བྱས་ནས་འཐུང་ཆུའི་ཆུ་འགོའི་ཆུ་སྤུས་ཡག་པོ་ཡོང་བ་དང་མང་ཚོགས་ལ་བློ་བདེའི་ཆུ་འཐུང་རྒྱུ་ཡོང་བའི་འགན་ལེན་བྱས་ཡོད། དེ་དང་དུས་མཚུངས་རང་སྐྱོང་ལྗོངས་ཀྱིས་གཞུང་ཁོངས་ཚོད་འཛིན་གྱི་གཙོ་གནད་སྦགས་བཙོག་ཁུལ་ལ་ལྟ་སྐུལ་རང་བཞིན་གྱི་ལྟ་ཞིབ་ཚད་ལེན་བྱས་ནས་ཐོན་སྐྱེད་ཁེ་ལས་ཀྱི་སྦགས་བཙོག་ཕྱིར་འབུད་གནས་ཚུལ་ལ་ལྟ་འདོམས་བྱས་ཏེ་མཐའ་འཁོར་མང་ཚོགས་ཀྱི་འཚོ་བའི་ཁོར་ཡུག་ཡག་པོ་ཡོང་བའི་འགན་ལེན་བྱས་ཡོད།
“ཁོར་ཡུག་སྲུང་སྐྱོང་གི་དམག་ཧྲག”ཡག་པོ་ཞིག་བྱས་པ།
ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱིས་དམངས་ཆེད་ལྟ་ཞིབ་ཚད་ལེན་གྱི་འདུ་ཤེས་ཐོག་མཐའ་བར་གསུམ་དུ་བརྟན་པོར་བཅངས་ནས་ཇུས་འགོད་དང་ལག་བསྟར་སྔོན་ལ་བྱེད་པ་དང་། མང་ཚོགས་ཀྱི་ཁོར་ཡུག་གནས་ཚུལ་ཤེས་རྟོཌ་དབང་ཆར་ལྟ་ཞིབ་ཚད་ལེན་བྱེད་པ། ཁོར་ཡུག་གི་སྤུས་ཚད་ཆ་འཕྲིན་གྱི་ཞབས་ཞུ་འགན་ལེན་བཅས་བྱས་ནས“ཁོར་ཡུག་སྲུང་སྐྱོང་གི་དམག་ཧྲག”གི་གདོང་ལེན་དཔེ་དམག་ཧུར་ཐག་བྱས་ཡོད།
ལྗོངས་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་ལྟེ་གནས་ཀྱི་འབྲེལ་ཡོད་འགན་འཁུར་བས། “གོམ་སྟབས་རྗེས་མའི་ལས་དོན་ཁྲོད་ཡར་ཀླུང་གཙང་པོའི་སྐྱེ་ཁམས་ཁོར་ཡུག་གི་སྤུས་ཚད་ལྟ་ཞིབ་ཚད་ལེན་ལས་དོན་ལ་ཤུགས་སྣོན་རྒྱག་པ་དང་ལྟ་ཞིབ་ཚད་ལེན་ལས་དོན་ཡར་ཀླུང་གཙང་པོ་རྒྱུགས་ཁུལ་ཚང་མར་ཁྱབ་པར་བྱས་ནས། རྒྱལ་ཁབ་དང་རང་སྐྱོང་ལྗོངས་ཀྱི་གཙོ་གནད་ཆུ་གློག་གསར་སྤེལ་སོགས་དམངས་འཚོའི་འཛུགས་སྐྲུན་རྣམ་གྲངས་བདེ་བླག་ངང་དོན་འཁྱོལ་ཐུབ་པའི་འགན་ལེན་བྱ་རྒྱུ་རེད། དེས་མ་ཚད་དམིགས་ས་ཡོད་པའི་སྒོ་ནས་སྐྱེ་ཁམས་ཁོར་ཡུག་གི་ཚན་རིག་ཞིབ་འཇུག་དང་ཆེད་དོན་བརྟག་དཔྱད་ལས་དོན་སྤེལ་ཏེ་གོ་ལ་ཧྲིལ་པོའི་གནམ་གཤིས་དྲོ་རུ་འགྲོ་བ་ལས་བོད་ཀྱི་སྐྱེ་ཁམས་ཁོར་ཡུག་གི་སྤུས་ཚད་ལ་ཕོག་པའི་ཤུགས་རྐྱེན་གསལ་པོ་རྟོགས་པར་བྱ་རྒྱུ་མ་ཟད། སྐུ་ལྷ་དར་གདོང་གི་འབྲི་ཆུའི་ཆུ་འགོར་ཆེད་དོན་བརྟག་དཔྱད་དང་ལྟ་ཞིབ་ཚད་ལེན་མུ་མཐུད་ཡག་པོ་བྱེད་པ་དང་། རྒྱལ་མོ་རྔུལ་ཆུའི་ཆུ་འགོར་ཆེད་དོན་བརྟག་དཔྱད་དང་ལྟ་ཞིབ་ཚད་ལེན་གང་མགྱོགས་བྱས་ནས། འབྲི་ཆུའི་ཆུ་འགོ་དང་རྒྱལ་མོ་རྔུལ་ཆུའི་ཆུ་འགོའི་སྐྱེ་ཁམས་ཁ་གསབ་རྒྱལ་ཁབ་ཀྱི་སྐྱེ་ཁམས་ཁ་གསབ་ཁྱབ་ཁོངས་སུ་འཇུག་རྒྱུར་གྲངས་གཞིའི་རྨང་གཞི་འདིང་རྒྱུ་རེད”ཅེས་བརྗོད།