ཉེ་བའི་ལོ་ཤས་རིང་། རུ་ཐོག་རྫོང་ལྕགས་སྒང་གྲོང་ཚོས་གྲོང་ཚོའི“ཨུ་ལྷན་གཉིས”ཀྱི་ཚན་ཁག་གི་སྣེ་ཁྲིད་ཧུར་ཐག་འོག གྲོང་མི་ཚང་མས་མཐུན་སྒྲིལ་རྡོག་རྩ་གཅིག་སྒྲིལ་དང་འབད་འཐབ་ཧུར་ཐག་བྱས་ཏེ་འབྱོར་འབྲིང་ལམ་བུར་སྐྱོད་སྐབས་རིག་པ་དྭངས་གསལ་དང་རྗེས་ལུས་མི་ཐེབས་པ་མཐའ་འཁྱོངས་བྱས་ནས་དབུལ་སྒྲོལ་འགག་སྒྲོལ་དེ་ཏང་འཛུགས་སྐྱོང་འཕེལ་རྒྱས་དང་། མཐའ་མཚམས་སྲ་བརྟན། བརྟན་ལྷིང་སྲུང་སྐྱོང་བཅས་ཀྱི་བརྒྱུད་རིམ་ཧྲིལ་པོར་ཁྱབ་པར་བྱས་པས་ཏང་འཛུགས་སྐྱོང་ལ་བརྟེན་ནས་དབུལ་སྒྲོལ་ལ་སྐུལ་འདེད་གཏོང་བ་དང་། ཏང་འཛུགས་སྐྱོང་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བ། ཏང་འཛུགས་སྐྱོང་ལ་བརྟེན་ནས་འབབ་འཕར་ལ་སྐུལ་འདེད་གཏོང་བ་བཅས་ཀྱི་འཕེལ་རྒྱས་ཀྱི་ལམ་བུ་ཞིག་ཆགས་ཡོད་པ་རེད། ཐོན་ཁུངས་ཀྱི་ལེགས་ཆར་བརྟེན་ནས་གྲོང་ཚོའི་མཉམ་སྡེབ་དཔལ་འབྱོར་རྒྱུན་ཆད་མེད་པར་སྟོབས་ཆེར་བཏང་བས་ཡོང་འབབ་2016ལོའི་སྒོར་ཁྲི་88ནས་2020ལོའི་སྒོར་ཁྲི་320བར་འཕར་བ་རེད།

ལྕགས་སྒང་གྲོང་ཚོའི་ཧྲུའུ་ཅི་དང་པོ། གྲོང་སྡོད་ལས་དོན་རུ་ཁག་གི་རུ་དཔོན་འོད་ཟེར་གྱིས་ངོ་སྤྲོད་བྱས་དོན། 2015ལོའི་ཚུན་དུ་ལྕགས་སྒང་གྲོང་ཚོས་རྨང་གཞིའི་སྒྲིག་བཀོད་འཛུགས་སྐྲུན་ཐད་རྒྱལ་ཁབ་ཀྱི་མ་དངུལ་དོན་འཁྱོལ་ཧུར་ཐག་བྱས་ཏེ་མཐའ་མཚམས་གཞུང་ལམ་དང་གྲོང་གསེབ་གཞུང་ལམ་འཛུགས་སྐྲུན་ལག་བསྟར་བྱས་པ་དང་མང་ཚོགས་1500ལྷག་ཙམ་གཞུང་ལམ་འཛུགས་སྐྲུན་ནང་ཞུགས་པས་ལས་ཞུགས་འབབ་འཕར་ཁྱོན་སྒོར་ཁྲི་2000ལྷག་ཙམ་བྱུང་བ་རེད། རྒྱལ་ཁབ་ཀྱིས་མ་དངུལ་སྒོར་ཁྲི་710.42བཏང་ནས་ཞིང་ཆུ་འདྲེན་པའི་ལས་གྲྭ་དང་གྲོང་གསེབ་ཀྱི་བདེ་འཇགས་འཐུང་ཆུའི་ལས་གྲྭ་ལག་ལེན་བསྟར་བ་དང་། ཞིང་ཆུ་འདྲེན་པའི་ལས་གྲྭ་3དང་བདེ་འཇགས་འཐུང་ཆུའི་འཕྲུལ་ཁྲོན་7བསྐྲུན་ནས་མི་443ཡི་འཐུང་ཆུའི་བདེ་འཇགས་གནད་དོན་ཐག་གཅོད་བྱས་པ་རེད། མ་དངུལ་སྒོར་ཁྲི་21862.23བཏང་ནས་ལྕགས་སྒང་མཐའ་མཚམས་འབྱོར་འབྲིང་དཔེ་སྟོན་གྲོང་ཚོ་བསྐྲུན་ཏེ་སྡོད་ཁང་149བརྒྱབ་པར་འཛུགས་སྐྲུན་རྒྱ་ཁྱོན་སྨི་ངོས་གྲུ་12253ཟིན་ཡོད། གད་སྙིགས་སྦས་ས་དང་། ཆུ་འདྲེན་ཆུ་འབུད། ཞིང་འབྲོག་ཁུལ་གྱི་གློག་དྲ་རིམ་སྤོར་སྒྱུར་བཀོད། འཕྲིན་གཏོང་སོགས་ཀྱི་ལས་གྲྭ་འཛུགས་སྐྲུན་བྱས་ནས་བེད་སྤྱོད་གཏོང་འགོ་ཚུགས་པ་རེད།

ལྕགས་སྒང་གྲོང་ཚོས་ཐོན་ཁུངས་ཀྱི་ལེགས་ཆ་གང་ལེཌ་སྤྱད་དེ་མ་དངུལ་སྒོར་ཁྲི་1097བཏང་ནས་ཁུལ་ལྡན་རའི་དཔེ་སྟོན་གསོ་ཚགས་རྟེན་གཞི་དང་ཞིང་ལས་ཕྱོགས་བསྡུས་ཐོན་ལས་རྟེན་གཞི་སོགས་ཐོན་ལས་གསར་པ་བསྐྲུན་ནས་མང་ཚོགས་ཀྱི་ཕྱུག་འགྱུར་ཕུགས་འདུན་མངོན་འགྱུར་བྱ་ཆེད་འཕེལ་རྒྱས་ཀྱི་གཏིང་ཤུགས་བསྣན་པ་རེད། ཤིང་འཛུགས་ནགས་བཟོ་དང་སྡོང་ཕྲུག་འདེབས་གསོ་སོགས་བྱས་ནས་མང་ཚོགས་ཀྱི་ཐོན་སྐྱེད་དང་འཚོ་བའི་ཁོར་ཡུག་ལེགས་སུ་ནུས་ལྡན་བཏང་སྟེ་སྐྱེ་ཁམས་ལས་གཏོད་ཀྱི་ལས་སྟེགས་གསར་རྐྱང་ཞིག་བཏོད་པ་རེད། གྲོང་ཚོའི་མཉམ་སྡེབ་དཔལ་འབྱོར་གྱི་ཐོན་ལས་འཕེལ་རྒྱས་ཤུགས་ཆེན་བཏང་ནས་མང་ཚོགས་དབུལ་པོ་ལས་ཞུགས་ཐུབ་པར་བྱས་ཏེ་རྩོལ་བསྟུན་ཐོབ་སྤྲོད་དང་ལས་མང་ཐོབ་མང་གི་འཕེལ་རྒྱས་གཏོང་སྟངས་ལ་བརྟེན་ནས་མང་ཚོགས་མཉམ་སྡེབ་དཔལ་འབྱོར་འཕེལ་རྒྱས་ནང་ཞུགས་པའི་ཡིད་དབང་བཀུག་ཡོད།

དེ་དང་ཆབས་ཅིག དྲིལ་བསྒྲགས་སློབ་གསོ་གནད་ལ་མ་འཁེལ་བ་དང“བློ་སྐྱོར”དང“རིག་སྐྱོར”མི་འདང་བ་སོགས་ཀྱི་གནད་དོན་ལ་དམིགས་ནས་རྫོང་ཨུད་དྲིལ་བསྒྲགས་པུའུ་དང་། གྲོང་སྡོད་ལས་དོན་རུ་ཁག གྲོང་ཚོའི“ཨུ་ལྷན་གཉིས”ཀྱི་ཚན་ཁག ཆ་སྒྲིག་རོགས་སྐྱོར་གྱི་འགན་འཁུར་བ་སོགས་ཀྱིས་ལྕགས་སྒང་གྲོང་ཚོར་ཐེངས་མང་བསྐྱོད་དེ་དབུལ་སྒྲོལ་སྲིད་ཇུས་དང་ཁྲིམས་སྲོལ་དྲིལ་བསྒྲགས་ཤུགས་ཆེན་བྱས་པས་རིམ་རྩིས་བྱས་ན་སྲིད་ཇུས་སྒོ་རྩར་དྲིལ་བསྒྲགས་ཐེངས་150ལྷག་ཙམ་བྱས་པར་མང་ཚོགས་མི་ཐེངས་12700ལྷག་ཙམ་ལ་ཕན་པ་ཐོབ་ཡོད། རང་སྟོབས་རང་སྤེལ་དང་དབུལ་སྒྲོལ་ཕྱུག་འགྱུར་གྱི་སྔོན་ཐོན་དཔེ་མཚོན་ཁག་གཅིག་ལ་གཟེངས་བསྟོད་བྱས་པ་དང་། དྲིལ་བསྒྲགས་ལས་དོན་གྱི་ཡིད་དབང་འགུག་ཤུགས་དང་། ཡིད་དབང་འཕྲོག་ཤུཌ། ཤུགས་རྐྱེན་ཐེབས་ཤུགས་བཅས་ཆེ་རུ་བཏང་བ། མང་ཚོགས་དབུལ་པོའི“སྒུག་རྟེན་སློང”གསུམ་གྱི་བསམ་བློ་དུས་ཐོག་ཏུ་བསལ་བ། མང་ཚོགས་ཀྱི་དབུལ་སྒྲོལ་བསམ་བློ་གཞན་སྐུལ་ནས་རང་འགུལ་དུ་འགྱུར་བ་བཅས་བྱས་ཏེ་དུད་ཚང་དབུལ་པོའི་རང་སྟོབས་རང་སྤེལ་དང་དབུལ་སྒྲོལ་ཕྱུག་འགྱུར་གྱི་མི་མངོན་པའི་ནུས་པ་འཕེལ་བར་བྱས་པ་རེད། དབུལ་སྐྱོར་རྣམ་གྲངས་དང་། དབུལ་སྐྱོར་རྩལ་ནུས། ངལ་ནུས་གཞན་སྒྱུར་གསོ་སྦྱོང་སོགས་ཀྱི་གསོ་སྦྱོང་འཛིན་གྲྭ་གཉེར་བ་བརྒྱུད་དུད་ཚང་དབུལ་པོའི་དབུལ་སྒྲོལ་འཇོན་ཐང་ཆེ་རུ་ཕྱིན་པ་སོགས་ད་ཆའི་ལྕགས་སྒང་གྲོང་ཚོར་མི་དམངས་བདེ་སྡོད་ལས་བརྩོན་བྱུང་ནས་འཚོ་བ་ཉིན་རེ་ལས་མ་འདས་པར་ལེགས་སུ་འགྲོ་བཞིན་ཡོད་པ་རེད།