1959ལོའི་ཟླ་3ཚེས་28ཉིན། ཀྲུང་གོ་གུང་ཁྲན་ཏང་གིས་བོད་ཀྱི་མི་རིགས་ཁག་གི་མི་དམངས་ཀྱི་འགོ་ཁྲིད་མཛད་དེ་ཟིལ་རླབས་དགུང་འཕྱུར་གྱི་དམངས་གཙོའི་བཅོས་སྒྱུར་བྱས་ནས་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པ་རེད། ལོ་62གོང་བོད་ལ་དམངས་གཙོའི་བཅོས་སྒྱུར་བྱས་ནས་གངས་ལྗོངས་ས་མཐོར་རང་དབང་དང་འདྲ་མཉམ་བྱུང་སྟེ་ས་གཞི་འདིའི་མི་དམངས་ལ་སྔར་འབྱུང་མྱོང་མེད་པའི་འཚོ་བའི་སྤྲོ་སེམས་འཕེལ་ནས་ཡངས་ཤིང་རྒྱ་ཆེ་བའི་ལམ་དུ་བསྐྱོད། ད་ཆའི་བོད་ལྗོངས་སུ་མི་འབོར་དབུལ་པོ་ཁྲི་62.8དབུལ་གྲོལ་བྱུང་སྟེ་རྒྱལ་ཡོངས་དང་མཉམ་དུ་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བྱེད་པའི་རྒྱང་སྐྱོད་ལམ་གསར་པར་སྐྱོད་འགོ་བརྩམས་ཡོད།

སྟེང་གི་པར་ནི་1959ལོའི་ཟླ་8པར་བོད་ལྗོངས་མལ་གྲོ་གུང་དཀར་རྫོང་གི་ཡར་ལངས་ཞིང་བྲན་ཚོས་མངའ་བདག་ཆེན་པོ་གསུམ་གྱིས་བཤུ་གཞོག་བཏང་བའི་འཛིན་ཡིག་མེར་སྲེག་བཞིན་པ།

དཀྱིལ་གྱི་པར་ནི་1984ལོར་རྒྱལ་རྩེ་རྫོང་གི་ཞིང་པ་བློ་བཟང་དབང་འདུས(གཡོན)ཀྱིས་རྒྱལ་ཁབ་ལ་འབྲུ་རིགས་ལྷག་མ་འཚོང་བཞིན་ཡོད། ཁོང་གིས་ས་ཞིང་མུའུ་100ལྷག་ཙམ་འགན་གཙང་བླངས་པ་དང་ཞིང་བྲེལ་སྐབས་སུ་ཞིང་འདེབས་པ་དང་ཞིང་དལ་སྐབས་སུ་ཨར་ལས་དང་སྐྱེལ་འདྲེན་གྱི་ལས་བྱེད་ཀྱི་ཡོད།

འོག་གི་པར་ནི་2020ལོའི་ཟླ་3ཚེས་22ཉིན་བོད་ལྗོངས་ཉིང་ཁྲིའི་ཀུ་ཤུ་ཚད་ལྡན་ཅན་གྱི་དཔེ་སྟོན་ལྡུམ་རའི་ལས་དོན་མི་སྣས་ཁམ་སྡོང་ལ་ཡལ་བཞུར་རྒྱག་བཞིན་ཡོད། དཔེ་སྟོན་ལྡུམ་ར་དེས་ཞིང་ལས་འཕྲུལ་ཆས་དང་ཞིང་ལས་སྒྱུ་རྩལ་ཟུང་འབྲེལ་དང་། ཆུ་ལུད་གཞི་གཅིག་ཅན། “ཤིང་འབྲས་དང་། རྩྭ། ཕྱུགས་རིགས་འཁོར་རྒྱུག”བཅས་ལག་བསྟར་བྱས་ཏེ་ཀུ་ཤུའི་སྡོང་པོ་གཏུབ་གཅོད་ཀྱི་ལེགས་སྤྱོད་འདེབས་གསོ་ལག་རྩལ་གཞི་ཁྱོན་ཆེན་པོས་ཁྱབ་གདལ་བཏང་ནས་སྨན་གླིང་རྫོང་གི་ཆབ་ནག་ཤང་འཚེར་བ་གྲོང་ཚོ་དང་གསེར་ངོགས་གྲོང་ཚོ་དང་དེའི་ཉེ་འཁོར་གྱི་ཞིང་དུད་ཀྱི་འབབ་འཕར་ལ་སྐུལ་ཁྲིད་བྱས་ཡོད།