འདི་ནི་གྲོ་མོ་རྫོང་ཆུ་འབི་གྲོང་ཚོར་བཅའ་སྡོད་རང་སྐྱོང་ལྗོངས་ཁྲལ་དོན་ཅུས་ཀྱི་ལས་དོན་རུ་ཁག་དང་གྲོང་ཚོའི“ཨུ་ལྷན་གཉིས”ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བཞིན་པ། 

ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་ཚུན། གཞིས་རྩེ་གྲོང་ཁྱེར་གྱི་རིམ་ཁག་གྲོང་སྡོད་ལས་དོན་རུ་ཁག་གིས་ཞིང་འབྲོག་པའི་ཏང་ཡོན་སྒྲིག་འཛུགས་བྱས་ནས་སློབ་སྦྱོང་གི་ནང་དོན་ཕུན་སུམ་ཚོགས་སུ་བཏང་བ་དང་། སློབ་སྦྱོང་གི་རྣམ་པ་གསར་གཏོད་བྱས་པ། ཏང་གི་ལོ་རྒྱུས་སློབ་སྦྱོང་གི་སློབ་གསོར་སྐུལ་འདེད་ཏན་ཏིག་བཏང་ནས་ཏང་ཡོན་གྱིས་ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ་བཅས་བྱེད་པར་ཁྲིད་སྟོན་བྱས་པས། གྲོང་ཁྱེར་དེའི་ཞིང་འབྲོག་པའི་ཏང་ཡོན་དང་མང་ཚོགས་ཁྲོད་ཏང་གི་ལོ་རྒྱུས་སློབ་སྦྱོང་སློབ་གསོའི་ཚ་རླབས་ཤིག་འཕྱུར་བ་རེད།

རང་འགུལ་ངང་ཚད་གཞི་དང་ཡང་ཡང་བསྡུར་ནས་ཆབ་སྲིད་ཀྱི་འགན་འཁྲི་མཐའ་གཅིག་ཏུ་འཁུར་བ།

གཞིས་རྩེ་གྲོང་ཁྱེར་གྱི་རིམ་ཁག་རྨང་བརྟན་དམངས་ཕན་གཞུང་ལས་ཁང་གིས་ཏང་གི་ལོ་རྒྱུས་སྒྲོག་འགྲེལ་ལས་དོན་ལ་ཚད་མཐོའི་མཐོང་ཆེན་བྱས་ཏེ་ཐོག་མཐའ་བར་གསུམ་དུ་ཏང་གི་ལོ་རྒྱུས་སློབ་སྦྱོང་སློབ་གསོ་མིག་སྔ་དང་སླད་ཕྱིན་དུས་སྐབས་ཤིག་རིང་གི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་དམ་འཛིན་བྱས་ཏེ་གཞི་རིམ་གྱི་ཏང་གི་ལོ་རྒྱུས་ཆེད་དོན་སྒྲོག་འགྲེལ་ལས་དོན་ལ་ཆེད་མངགས་བཀོད་སྒྲིག་དང་། ཆེད་དོན་མཛུབ་ཁྲིད། གཞོགས་འདེགས་ཧུར་ཐག མཐུན་སྦྱོར་ཤུགས་འདོན་བཅས་བྱས་ནས། ཏང་གི་ལོ་རྒྱུས་སློབ་སྦྱོང་སློབ་གསོ་དོན་ཐོག་ཏུ་འཁྱོལ་བར་སྐུལ་འདེད་བཏང་བ་རེད།

རྩ་འཛུགས་ཀྱི་འགོ་ཁྲིད་ལ་ཤུགས་སྣོན་བརྒྱབ་ཅིང་། གཞིས་རྩེ་གྲོང་ཁྱེར་རྨང་བརྟན་དམངས་ཕན་གཞུང་ལས་ཁང་གིས《2021ལོའི་ལས་བྱེད་པ་གྲོང་སྡོད་ལས་དོན་གྱི་གཙོ་གནད》དང《ཟླ་རེའི་ལས་དོན་གྱི་གཙོ་གནད》བཟོས་ནས་བཀྲམ་པ་དང་འབྲེལ། ཏང་གི་ལོ་རྒྱུས་སློབ་སྦྱོང་དང་དྲིལ་བསྒྲགས་བྱ་རྒྱུ་དེ་གཙོ་བོར་བརྩིས་ནས་ལས་བྱེད་པ་གྲོང་སྡོད་ཀྱི་ལས་དོན་དང་མཉམ་དུ་བཀོད་སྒྲིག་དང་དོན་འཁྱོལ་བྱས་ཏེ་ལས་འགན་ཁག་བགོས་ཞིབ་ཕྲ་བྱས་ནས་ལས་དོན་ལ་དམ་འཛིན་བྱེད་མཁན་དང་དོ་དམ་བྱེད་མཁན་ཡོད་པའི་འགན་ལེན་བྱས་པ་རེད། གྲོང་ཁྱེར་ཡོངས་ཀྱིས“དྲ་ཐོག་སློབ་ཞུགས”དང“དྲ་ཐོག་ལྟ་སྐུལ”ཟུང་འབྲེལ་བྱས་ཏེ་ཉིན་ལྟར་ཏིང་ཏིང་མཉེན་ཆས་དང་སྐད་འཕྲིན་ཚོགས་པ་སོགས་སུ་ཏང་གི་ལོ་རྒྱུས་སློབ་སྦྱོང་གི་ནང་དོན་ཁྱབ་གདལ་གཏོང་བ་དང་འབྲེལ། ཏིང་ཏིང་ཐད་གཏོང་མཉེན་ཆས་ནས་འཐེན་བཤེར་རྣམ་པའི་ཐོག་ནས་གྲོང་སྡོད་ལས་བྱེད་པའི་ཏང་གི་ལོ་རྒྱུས་སློབ་སྦྱོང་གི་གྲུབ་འབྲས་ལ་ཞིབ་བཤེར་བྱེད་ཀྱི་ཡོད་པ་རེད།

ལྟ་སྐུལ་སློབ་སྟོན་དང་དཔྱད་ཞིབ་བྱེད་ཤུགས་ཆེ་རུ་བཏང་ཞིང་། གཞིས་རྩེ་གྲོང་ཁྱེར་རྨང་བརྟན་དམངས་ཕན་གཞུང་ལས་ཁང་གིས་ཁག་དགུ་པ་དང་ཁག་བཅུ་པའི་གྲོང་སྡོད་བརྗེ་རེས་ལས་དོན་དང་ཟུང་འབྲེལ་བྱས་ནས་གྲོང་ཚོ་ཁག་ཏུ་བསྐྱོད་དེ་ཏང་གི་ལོ་རྒྱུས་སྒྲོག་འགྲེལ་ལས་དོན་དང་ལས་བྱེད་པ་གྲོང་སྡོད་ལས་དོན་ལ་ཆེད་དོན་ལྟ་སྐུལ་མཛུབ་ཁྲིད་བྱས་པ་རེད། དཔྱད་ཞིབ་ཀྱི“བཀོད་འདོམས་དབྱུག་པའི”ནུས་པ་འདོན་སྤེལ་བྱས་ཏེ་ཏང་གི་ལོ་རྒྱུས་སྒྲོག་འགྲེལ་ལས་དོན་དེ་ལས་བྱེད་པ་གྲོང་སྡོད་ཀྱི་ལས་དོན་ལ་དཔྱད་ཞིབ་བྱེད་པའི་གཞི་འཛིན་ས་གལ་ཆེན་ཞིག་ཏུ་བརྩིས་ནས་རིམ་པ་བཞིན་གནོན་ཤུགས་སྤྲད་པ་རེད།

དྲིལ་བསྒྲགས་བྱེད་སྟངས་གསར་གཏོད་བྱས་ནས་སྒྲོག་འགྲེལ་དོན་འཁྱོལ་དང་ཕན་འབྲས་ཐོན་པའི་འགན་ལེན་བྱས་པ།

ཏང་གི་ལོ་རྒྱུས་སློབ་སྦྱོང་སློབ་གསོའི་ལས་དོན་སྤེལ་ཚུན། གཞིས་རྩེ་གྲོང་ཁྱེར་གྱི་རིམ་ཁག་གྲོང་སྡོད་ལས་དོན་རུ་ཁག་གིས་གསར་བརྗེའི་གློག་བརྙན་ལྟ་བ་དང་། གསར་བརྗེའི་དྲན་གསོ་ཁང་དུ་ལྟ་སྐོར། “གུང་ཁྲན་ཏང་ཕེབས་ནས་སྡུག་བསྔལ་བདེ་ལ་འཁོད་པའི”གཞི་རིམ་རིག་རྩལ་མཉམ་འཁྲབ། “བོད་གསར་རྙིང་བསྡུར་བའི”གཏམ་བཤད་འགྲན་བསྡུར་སོགས་སྣ་མང་ཕུན་སུམ་ཚོགས་པའི་ལག་ལེན་བྱེད་སྒོ་སྒྲིག་འཛུགས་རྒྱ་ཁྱབ་བྱས་ནས་ཏང་གི་ལོ་རྒྱུས་སློབ་སྦྱོང་སློབ་གསོར་དངོས་ཕན་ཐོན་པར་སྐུལ་འདེད་ཏན་ཏིག་བཏང་བ་རེད།

འབད་བརྩོན་ལྷོད་མེད་བྱས་པ་བརྒྱུད་གྲོང་ཁྱེར་ཡོངས་ཀྱི་གྲོང་སྡོད་ལས་བྱེད་པ་5000ལྷག་ཙམ་གྱིས“མང་ཚོགས་དང་འབྲེལ་འདྲིས”བྱེད་པ་དེ་སྒྲོག་འགྲེལ་ལས་དོན་སྤེལ་བའི་དོན་ལ་བབས་སར་བརྩིས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་གི་ལོ་རྒྱུས་སློབ་སྦྱོང་སློབ་གསོའི་སྐུལ་སློང་ཚོགས་ཆེན་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་བབ་ཆགས་དང་། གསོན་ཉམས་ལྡན་པ། མང་ཚོགས་ཀྱིས་གོ་ཐུབ་པ་བཅས་ཀྱི་སྐད་ཆར་བརྟེན་ནས་བརྗོད་པ་དང་། ཏང་གི་ལོ་རྒྱུས་ཀྱི་རིགས་པའི་གཞུང་ལུགས་ཀྱི་ཤེས་བྱ་དེ“ས་གནས་དེ་གའི་སྐད་ཆ”དང“གཏམ་དཔེ”ལ་བསྒྱུར་ཏེ་མང་ཚོགས་ཀྱིས་ལྟ་འདོད་ཅིང་ཉན་སྤྲོ་བ་དང་དང་ལེན་བྱེད་བདེ་བའི་བྱེད་ཐབས་སྤྱད་ནས་ཞིང་འབྲོག་པ་སྣེ་ཁྲིད་ཀྱིས་ཏང་གི་བཀའ་དྲིན་དྲན་པ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་བྱས་ཏེ་ཏང་གི་ལོ་རྒྱུས་སློབ་སྦྱོང་སློབ་གསོ་གཞི་རིམ་དང་མང་ཚོགས་ཁྲོད་སྤེལ་བ་དང་མི་སེམས་སུ་ཟུག་པར་སྐུལ་འདེད་ཏན་ཏིག་བཏང་བ་རེད།

ལྟེ་བའི་ལས་དོན་མངོན་གསལ་དོད་པོ་ཡོང་བ་བྱས་ནས་མང་ཚོགས་ལ་ཞབས་འདེགས་ཞུ་བའི་ཕན་འབྲས་ཆེ་རུ་བཏང་བ།

ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་ཚུན། གཞིས་རྩེ་གྲོང་ཁྱེར་གྱི་རིམ་ཁག་གྲོང་སྡོད་ལས་དོན་རུ་ཁག་གིས་ཐོག་མཐའ་བར་གསུམ་དུ“ངས་མང་ཚོགས་ལ་བྱ་བ་དངོས་སྒྲུབ་པའི”ལག་ལེན་བྱེད་སྒོ་དེ་ཏང་གི་ལོ་རྒྱུས་སློབ་སྦྱོང་སློབ་གསོའི་ནང་དོན་གལ་ཆེན་ཞིག་ཏུ་བརྩིས་ཏེ་སློབ་སྦྱོང་གཏིང་ཟབ་ལ་བརྟེན་ནས་བྱ་བ་དངོས་བསྒྲུབ་པར་སྐུལ་འདེད་གཏོང་རྒྱུ་མཐའ་འཁྱོངས་ཀྱིས་གཞི་རིམ་གྱི་དཀའ་གནད་དང་མང་ཚོགས་ཀྱི་སེམས་ཁྲལ་ཐག་གཅོད་ཏན་ཏིག་བྱས་པ་དང་། མི་སེར་བློ་ཡིད་ཚིམས་པའི་ལས་དོན་བསྒྲུབས་པ། ཏང་གི་ལོ་རྒྱུས་སློབ་སྦྱོང་སློབ་གསོ་གཞི་རིམ་དུ་གཏིང་ཟབ་སྤེལ་བར་རྒྱུན་ཆད་མེད་པར་སྐུལ་འདེད་བཏང་ནས་གཞི་རིམ་ཏང་རྩ་འཛུགས་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་དང་། ཏན་ཏིག མི་སེམས་སུ་ཟུག་པ་བཅས་སྤེལ་བར་སྐུལ་འདེད་བཏང་ཡོད། རྒྱ་ཆེའི་གྲོང་སྡོད་ལས་བྱེད་པས་རང་དཔེ་གཞན་སྟོན་དང་། རང་འགུལ་ངང་ལས་དོན་སྒྲུབ་པ། བྱ་བ་དངོས་སྒྲུབ་པ་བཅས་ལ་བརྟེན་ནས་མི་སེར་བློ་ཡིད་ཚིམ་པར་བྱས་པ་རེད།

རྣམ་གླིང་རྫོང་ཨེ་མ་ཤང་འ་རོང་གྲོང་ཚོར་བཅའ་སྡོད་གཞིས་རྩེ་གྲོང་ཁྱེར་འཕྲལ་སྡོམ་དོ་དམ་ཅུས་ཀྱི་ལས་དོན་རུ་ཁག་གིས་ཏང་གི་ལོ་རྒྱུས་སློབ་སྦྱོང་སློབ་གསོ་དང་ཟུང་འབྲེལ་བྱས་ཏེ“གྲོང་ཚོ་དང་དུད་ཚང་དུ་བསྐྱོད་ནས་དམངས་ཀྱི་གནས་ཚུལ་ཤེས་རྟོགས་བྱེད་པའི”བྱེད་སྒོ་སྤེལ་བ་རེད། མང་ཚོགས་ཀྱི་ཞོག་ཁོག་འཚོང་དཀའ་བའི་གནད་དོན་ཤེས་རྟོགས་བྱུང་རྗེས་གྲོང་སྡོད་ཀྱི་ལེགས་ཆ་འདོན་སྤེལ་གྱིས་གྲོང་ཁྱེར་ཐད་གཏོགས་ཚན་པ་ཁག་གི་ཟ་ཁང་དང་། རྒན་རྒོན་གྱི་བྱེད་སྒོའི་ལྟེ་གནས། ཕན་བདེ་ཁང་སོགས་དང་འབྲེལ་བ་བྱས་ཏེ་ཨེ་མ་སྒང་གི་ཞོག་ཁོག་བཙོངས་ནས་གྲོང་མིའི་གནད་དོན་དངོས་ཐག་གཅོད་བྱེད་རོགས་དང་ཏང་དང་མང་ཚོགས་དབར་གྱི་འབྲེལ་བ་ཟབ་ཏུ་བཏང་བ་རེད།