“དེ་སྔ་གྲོང་ཚོར་གཞུང་ལམ་ཧ་ཅང་ཉུང་ཉུང་ཡིན་ལ་མང་ཆེ་བ་རྐང་ལམ་ཕྲ་མོ་དང་འདམ་བག་ལམ་ཡིན་ཞིང་། གནམ་དྭངས་སྐབས་ཐལ་རྡུལ་གྱིས་ཁེངས་པ་དང་ཆར་པ་འབབ་སྐབས་གང་སར་འདམ་རྫབ་ཀྱིས་ཁེངས་ཡོད། ད་ཆ་སོག་རྫོང་གི་གཞུང་ལམ་ཚང་མ་རྒྱ་ཆེ་ལ་ཁོད་སྙོམས་པ་མ་ཟད་དེ་དག་གྲོང་ཚོ་ཁག་གི་དབྱར་དུས་འབྲོག་ར་ཁག་ཏུ་ཤར་གཏོང་ཐུབ་ཡོད། དེའི་ཁར་ཁྱིམ་ཚང་མང་པོ་ཞིག་གིས་འཇིབ་ཆུང་རླངས་འཁོར་དང་ལྗིད་ཐེག་རླངས་འཁོར་ཉོས་པས་འཚོ་བ་ཉིན་རེ་ལས་ཉིན་རེ་མ་འདས་པར་ཇེ་ལེགས་སུ་འགྲོ་བཞིན་ཡོད”ཅེས་རྒྱལ་ཆེན་ཤང་གི་མང་ཚོགས་ཚེ་དབང་གིས་བཤད།

ར་ཁྲི་གཞུང་ལམ་དང་། གསེར་ལྕམ་གཞུང་ལམ། གསེར་དཀར་གཞུང་ལམ་སོགས་བསྐྱར་སྐྲུན་རྒྱས་སྐྲུན་དང་། གྲོང་ཚོ་རིམ་པའི་རྩ་འཛུགས་ཀྱི་བྱེད་སྒོ་སྤེལ་ཡུལ་འཛུགས་སྐྲུན། ཞིང་ཕྱུགས་འཐུང་ཆུའི་ལས་གྲྭ རྒྱལ་ཁབ་ཀྱི་བོད་དབུས་གློག་དྲའི་ལས་གྲྭ་བཅས་ཀྱིས་མཚོན་པའི་འགྲིམ་འགྲུལ་དང་། ནུས་རྒྱུ། ཆུ་བེད་སོགས་གལ་ཆེའི་རྣམ་གྲངས་འབོར་ཆེན་ཞིག་སྔ་རྗེས་སུ་བསྐྲུན་པའམ་ཡང་ན་དམ་འཛིན་བྱས་ནས་སྐྲུན་བཞིན་ཡོད་པ་རེད།

མིག་སྔའི་བར་སོག་རྫོང་དུ་རླངས་འཁོར་ཤར་གཏོང་ཐུབ་པའི་ལམ་ཚད་སྤྱི་ལེ་2110ཟིན་པ་དང་། ཤང་དང་གྲོང་རྡལ་དང་སྒྲིག་ཚུད་གྲོང་ཚོར་རླངས་འཁོར་ཤར་གཏོང་ཐུབ་ཚད་100%དང་70.16%སོ་སོར་ཟིན་པ། 4Gའཕྲིན་གཏོང་དྲ་རྒྱ་ཁྱབ་ཚད་100%ཟིན་པ་དང་5Gའཕྲིན་གཏོང་དྲ་རྒྱ་རིམ་པས་ལག་བསྟར་བྱེད་བཞིན་ཡོད་པ། རླུང་འཕྲིན་དང་བརྙན་འཕྲིན་ཕྱོགས་བསྡུས་མི་འབོར་ལ་ཁྱབ་ཚད་100%ཟིན་པ། ཤང་དང་གྲོང་རྡལ་དང་སྲིད་འཛིན་གྲོང་ཚོར་དྲ་ཆེན་ཁྱབ་ཚད་100%དང་82.57%སོ་སོར་ཟིན་ཡོད།

འབྱོར་འབྲིང་ཡིན་མིན་འགག་རྩ་ནི་ཡུལ་མི་སྤུན་ཟླར་ཐུག་ཡོད། སོག་རྫོང་རྫོང་ཨུད་དང་སྲིད་གཞུང་གིས་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་འདུ་ཤེས་མཐའ་འཁྱོངས་བྱས་ཏེ་དམངས་འཚོ་ལེགས་གཏོང་དང་དམངས་སེམས་གཅིག་སྒྲིལ་བྱ་རྒྱུ་དེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འགོ་འཛུགས་ས་དང་དོན་ལ་བབས་སར་བརྩིས་ནས་གྲོང་ཁྱེར་ཅན་འཛུགས་སྐྲུན་དང་། དབུལ་སྐྱོར་ལས་དོན། རྨང་གཞིའི་སྒྲིག་བཀོད་ཆ་རྐྱེན་ལེགས་གཏོང་སོགས་ལ་སྐུལ་འདེད་ཤུགས་ཆེན་བཏང་བ་དང་དཔལ་འབྱོར་འཕར་རྒྱུ་བརྟན་དུ་བཏང་བས། རྒྱུན་རྣམ་གསར་པའི་འོག་གི་འཕེལ་རྒྱས་གསར་པ་མངོན་འགྱུར་བྱུང་བ་དང་རྫོང་ཡོངས་ཀྱི་དཔལ་འབྱོར་མགྱོགས་མྱུར་འཕར་བའི་རྣམ་པ་བཟང་པོ་རྒྱུན་འཁྱོངས་ཐུབ་ནས་རྫོང་ཡོངས་ཀྱི་ས་གནས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་10.56བྱུང་བ་དང་ཞིང་འབྲོག་པའི་བཀོལ་སྤྱོད་ཆོག་པའི་ཡོང་འབབ་སྒོར་12587བར་འཕར་ཡོད།

འདི་ལོ་ལོ་50ལ་སླེབས་པའི་འོད་ལྡན་ནི་སྔོན་ཆད་དབྱར་རྩྭ་དགུན་འབུའི་ཡོང་འབབ་ཁོ་ནར་བརྟེན་ནས་འཚོ་བ་འཕྱིད་ཐབས་བྱེད་མཁན་མང་ཚོགས་དཀྱུས་མ་ཞིག་ཡིན་ཞིང་། ཡོང་འབབ་རྐྱང་པ་དེས་འོད་ལྡན་ནང་མི་ཚོའི་འཚོ་བ་འཁྱོལ་ཙམ་ལས་མེད། ཁྱིམ་གྱི་འཚོ་བའི་ཆ་རྐྱེན་ལེགས་སུ་གཏོང་ཆེད། ཁོང་གིས་སོག་རྫོང་གིས་གཉེར་བའི་གྱོན་ཆས་ལས་སྣོན་གསོ་སྦྱོང་ལ་ཧུར་ཐག་ཞུགས་པ་མ་ཟད། རྒྱལ་ཆེན་ཤང་དུ་འཚེམ་བཟོ་དང་ཙག་ཙིག་ཚོང་ཁང་ཞིག་ཀྱང་བཙུགས་ཡོད། ད་ཆ་འོད་ལྡན་ཁྱིམ་ལ་ཟླ་རེར་ཡོང་འབབ་སྒོར་24000ལྷག་ཙམ་ཡོད་པས་ལས་ལ་བརྩོན་པའི་ལག་གཉིས་ལ་བརྟེན་ནས་འབྱོར་འབྲིང་ཕྱོགས་སུ་སྐྱོད་ཐུབ་ཡོད།

འོད་ལྡན་དང་འདྲ་བར་གསོ་སྦྱོང་ལ་ཞུགས་རྗེས་རང་བརྟེན་ལས་གཏོད་བྱེད་མཁན་མང་ཚོགས་ད་དུང་མང་པོ་ཡོད་ཅིང་། ཚང་མས་ཏང་གི་སྲིད་ཇུས་བཟང་པོར་བརྟེན་ནས་བསམ་བློར་འགྱུར་ལྡོག་བཏང་བ་དང་དབུལ་སྒྲོལ་ཕྱུག་འགྱུར་བྱས་ཏེ་བདེ་སྐྱིད་ལྡན་པའི་འཚོ་བ་སྐྱེལ་བཞིན་ཡོད།

དབུལ་སྒྲོལ་འགག་སྒྲོལ་བྱེད་རིང་། སོག་རྫོང་གིས་རྫོང་ཡོངས་ཀྱི་སྟོབས་ཤུགས་བཏོན་པ་དང་། ཕྱོགས་སོ་སོའི་བློ་གྲོས་གཅིག་ཏུ་བསྡུས་པ། དམངས་འཚོའི་རྨང་གཞི་དོན་གཉེར་བཅས་བྱས་པས་སོག་རྫོང་གི་དོན་དངོས་དང་མཐུན་པའི་དབུལ་སྒྲོལ་ཐབས་ལམ་ཞིག་འཚོལ་ཞིབ་ཐུབ་ནས་2018ལོར་དུད་ཚང་2796གི་མི་11852ལོ་རྒྱུས་རང་བཞིན་གྱི་སྒོ་ནས་དབུལ་པོ་དབུལ་རྐྱང་སེལ་བ་དང་། དབུལ་པོ་ཐོན་ཚད་25%ནས་0%བར་ཆག་པ། མི་འབོར་དབུལ་པོ་མི་རེའི་ཆ་སྙོམས་ཡོང་འབབ་ཁེ་གཙང་སྒོར་9996.07ཟིན་པ། དབུལ་པོ་བསྐྱར་ལོག་བྱེད་ཚད་0%ཡིན་པ། རྫོང་ཡོངས་ཀྱི་ཡིག་ཚགས་དང་གཱ་བཟོས་པའི་དུད་ཚང་དབུལ་པོ་ཚང་མར“སེམས་ཁྲལ་མེད་པ་གཉིས་དང་འགན་ལེན་གསུམ”མངོན་འགྱུར་བྱུང་བ། མང་ཚོགས་དབུལ་པོའི་ཐོན་ལས་ཁེ་ཕན་སྦྲེལ་ཐག་ཁྱོན་ཡོངས་ལ་ཁྱབ་པ། རྒྱ་ཆེའི་མང་ཚོགས་ཀྱིས་ད་ལྟའི་འཚོ་བ་ཡག་པོ་ནི་ཏང་གི་སྲིད་ཇུས་བཟང་པོ་ལས་བྱུང་བ་ཡིན་པ་དེ་བས་གསལ་པོ་ཤེས་པ་དང་ཕན་པ་གང་ནས་བྱུང་བ་དང་དྲིན་ལན་སུ་ལ་འཇལ་དགོས་པ་གསལ་པོར་ཤེས་པ། ཏང་གི་བཀའ་དྲིན་དྲན་པ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་རང་རྟོགས་རང་བཞིན་དང་བློ་བརྟན་རང་བཞིན་སྔར་བས་ཆེ་རུ་ཕྱིན་ཡོད།

“ལས་སླ་པོར་བྱུང་བ་ཞིག་མིན་པའི་ད་ཆའི་བདེ་སྐྱིད་འཚོ་བ་ནི་གུང་ཁྲན་ཏང་མིས་རང་སྲོག་བློས་བཏང་བ་ལས་བྱུང་བ་ཞིག་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཁས་མཛངས་ལྡན་པའི་འགོ་ཁྲིད་དང་བྱམས་བརྩེའི་ཐུགས་ཁུར་འོག་མངོན་འགྱུར་བྱུང་བ་ཞིག་རེད། ང་ཚོས་དུས་དང་རྣམ་པ་ཀུན་ཏུ་ཏང་གི་བཀའ་དྲིན་བློ་ལ་བརྟན་པོར་ངེས་ནས་བློ་གཅིག་སེམས་གཅིག་ངང་ཏང་གི་རྗེས་སུ་འབྲངས་ཏེ་ལག་གཉིས་དང་བློ་གྲོས་ལ་བརྟེན་ནས་དེ་བས་མཛེས་སྡུག་ལྡན་པའི་འཚོ་བ་གཏོད་པ་དང་ཕ་ཚ་བུ་རྒྱུད་ལ་བདེ་སྐྱིད་སྐྲུན་དགོས”ཞེས་ད་ལོ་ལོ་90ལ་སླེབས་པའི་གཡག་ལ་གྲོང་རྡལ་རྐྱང་ཆེན་གྲོང་ཚོའི་བགྲེས་སོང་བུ་རྡོས་བཤད། བོད་ཞི་བའི་བཅིངས་འགྲོལ་དང་དམངས་གཙོའི་བཅོས་སྒྱུར་བྱེད་རིང་ཁོང་གིས་བཅིངས་འགྲོལ་དམག་ལ་དངོས་ཟོག་སྐྱེལ་འདྲེན་དང་ངོ་ལོག་ཟིང་འཁྲུག་ཞོད་འཇགས་གཏོང་རོགས་བྱས་ཡོད། བགྲེས་སོང་བུ་རྡོ་ཡི་སྐོར་གླེང་སྐབས་ས་གནས་དེ་གའི་མང་ཚོགས་ཚོས་བསྟོད་པའི་མཐེ་བོང་བསྒྲེངས་ནས་ཁོང་གིས་ཕ་ཡུལ་ལ་ལེགས་སྐྱེས་ཆེན་པོ་ཕུལ་བར་བསྔགས་བརྗོད་ཡང་ཡང་བྱེད་ཀྱི་ཡོད། ད་ཆ་བགྲེས་སོང་བུ་རྡོས་སྔར་བཞིན་གྲོང་ཚོ་དང་དུད་ཚང་དུ་བསྐྱོད་དེ་ཉེ་འགྲམ་གྱི་མང་ཚོགས་ལ་བོད་གསར་རྙིང་གི་འགྱུར་ལྡོག་ཆེན་པོ་གླེང་ནས་ཏང་གི་བཀའ་དྲིན་དྲན་པ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་བྱ་རྒྱུའི་སློབ་གསོ་རྒྱག་གི་ཡོད།

སོག་རྫོང་གི་འཕེལ་རྒྱས་དེ་ཏང་གི་བྱམས་བརྩེའི་ཐུགས་ཁུར་དང་ཁ་འབྲལ་ཐབས་མེད་ལ་རྒྱལ་ཡོངས་མི་དམངས་ཀྱི་སྒེར་སེམས་མེད་པའི་རོགས་སྐྱོར་དང་ཡང་ཁ་འབྲལ་ཐབས་མེད། “ལོ་ལྔ་ཚན་བཅུ་གསུམ་པའི”རིང་ཁ་གཏད་བོད་སྐྱོར་བྱེད་མཁན་ཏ་ལེན་གྲོང་ཁྱེར་གྱིས་བོད་སྐྱོར་རྣམ་གྲངས་31ལག་བསྟར་བྱས་པར་ཁྱོན་མ་དངུལ་སྒོར་དུང་ཕྱུར་2.25བཏང་ཡོད། ཏ་ལེན་གྲོང་ཁྱེར་གྱི་ཤང་དང་གྲོང་རྡལ(ཁྲོམ་གཞུང་དོན་གཅོད་ཁྲུའུ)10དང་སོག་རྫོང་གི་ཤང་དང་གྲོང་རྡལ་10དབར“གཅིག་གཏད་གཅིག”གི་གནས་གཏན་འཁེལ་གྱི་འབྲེལ་མཐུད་རོགས་སྐྱོར་བྱས་ཏེ་དངོས་སྒྲུབ་ལ་བརྟེན་ནས“བོད་སྐྱོར་དེ་བོད་སྐྲུན་དང་དེའི་ནང་ཞུགས་པ་དེ་མཉམ་འདྲེས་སུ་འགྱུར་བ”དང“དངོས་སུ་ཞུགས་པ་དང་། སེམས་ནུས་ཡོད་རྒུས་ཞབས་འདེགས་ཞུ་བ། བརྩེ་སེམས་ཟབ་མོས་ལེགས་སྐྱེས་འབུལ་བ”བཅས་ཀྱི་བོད་སྐྱོར་དམ་བཅའ་ལག་ལེན་བསྟར་ཡོད།