འདི་ནི་ཀྲོའུ་ཝུན་ཡུང་དང་ཁྲེན་ཐེ་ཅུན་བཟའ་ཚོའི་འདྲ་པར་ཡིན་པ།

(དཔྱད་གཞིའི་པར་རིས)

ཀོང་ཏུང་ཞིང་ཆེན་ཁའེ་ཕིང་གྲོང་ཁྱེར་པའེ་ཧོ་གྲོང་རྡལ་དུ་གནས་པའི་ཀྲོའུ་ཝུན་ཡུང་དང་ཁྲེན་ཐེ་ཅུན་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ་ཉིན་ལྟར་རྒྱལ་ཡོངས་ས་གནས་ཁག་གི་ཡུལ་སྐོར་བས་ལྟ་སྐོར་དང་གུས་མཇལ་དུ་ཞུ་ཡི་ཡོད། སྔོན་གཤེགས་དཔའ་བོའི་དྲན་གསོའི་རྡོ་རིང་གི་ངོས་སུ་ཀྲོའུ་ཝུན་ཡུང་བཟུང་རྗེས་བཙོན་ཁང་གི་གྱང་ལྡེབས་སུ་ཉམས་མེད་སྙན་ངག་ཅིག་བྲིས་ཡོད་དེ“མགོ་བོ་གཅད་ཀྱང་ཆོག སུག་ལག་གཅད་ཀྱང་ཆོག གསར་བརྗེའི་སྙིང་སྟོབས་ནམ་ཡང་ཉམས་མི་སྲིད། དཔའ་པོའི་མགོ་བོ་ཏང་གི་དོན་དུ་ལྷུང་། རྒོད་པོའི་ལུས་ཕུང་དམངས་ཀྱི་ཆེད་དུ་དོར”ཞེས་བཀོད་ཡོད།

ཀྲོའུ་ཝུན་ཡུང་ནི་ཀོང་ཏུང་ཁའེ་ཕིང་ནས་ཡིན་ཞིང་། 1905ལོའི་ཟླ་8པར་འཁྲུངས་པ་དང་། 1925ལོར་ཀྲུང་གོ་གུང་ཁྲན་ཏང་ལ་ཞུགས། ཀྲུང་གུང་ཀོང་ཏུང་ཆུས་ཨུད་ལས་དོན་ཨུ་ལྷན་གྱི་ཨུ་ཡོན་དང་། ཀོང་ཀྲོའུ་བཟོ་པའི་སྐོར་ཞིབ་རུ་ཁག་གི་སྤྱི་ཁྱབ་རུ་དཔོན། ཀྲུང་གུང་ཀོང་ཀྲོའུ་གྲོང་ཨུད་རྩ་འཛུགས་པུའི་པུའུ་ཀྲང་དང་གྲོང་ཨུད་ལས་དོན་ཨུ་ལྷན་གྱི་ཧྲུའུ་ཅི་གཅིག་ལྕོགས་སོགས་ཀྱི་འགན་བཞེས་མྱོང་ཡོད།

ཁྲེན་ཐེ་ཅུན་ལ་དང་ཐོག་མར་ཁྲེན་ཤེ་ཅུན་ཟེར་ཞིང་། ཀོང་ཏུང་ཧྥུའུ་ཧྲན་ནས་ཡིན་ཞིང་། 1904ལོའི་ཟླ་3པར་འཁྲུངས། 1924ལོའི་སྟོན་ཁར་ཁོང་ཀོང་ཏུང་སློབ་ཆེན་རིག་གཞུང་སློབ་གླིང་གི་གྲ་སྒྲིག་འཛིན་གྲྭར་རྒྱུགས་འཕྲོད། སློབ་གྲྭ་འགྲིམ་རིང་། ཡར་རྒྱས་བརྩོན་ལེན་བྱ་ཆེད་བློ་ཐག་གཙང་བཅད་ཀྱིས་ཏང་གི་རྗེས་སུ་འབྲངས་ནས་མིང་ལ་ཐེ་ཅུན་ཞེས་སུ་བསྒྱུར། 1926ལོའི་ཟླ་4པར། ཁྲེན་ཐེ་ཅུན་ཀྲུང་གོ་གུང་ཁྲན་ཏང་ལ་ཞུགས།

1927ལོར། ཀྲོའུ་ཝུན་ཡུང་ཀྲུང་གུང་ཀོང་ཏུང་ཞིང་ཨུད་ཀྱི་རྗེས་སྣོན་ཨུ་ཡོན་དང་ཀོང་ཀྲོའུ་འོས་ལངས་ཀྱི་ཆབ་སྲིད་རྩ་འཛིན་འཆར་ཟིན་ཨུ་ཡོན་ལྷན་ཁང་གི་ཨུ་ཡོན་ལ་བདམས། དྲག་པོའི་འོས་ལངས་ཁ་ཚ་དགོས་གཏུགས་ཀྱི་འགག་རྩའི་སྐབས་སུ་སླེབས་སྐབས། ཁྲེན་ཐེ་ཅུན་ཏང་གི་བཀའ་ལྟར་ཀྲོའུ་ཝུན་ཡུང་གི་བཟའ་ཟླ་ཡིན་ཁུལ་གྱིས་ཀོང་ཀྲོའུ་འོས་ལངས་ཀྱི་གྲ་སྒྲིག་ལས་དོན་ལ་ཞུགས། ལོ་དེའི་ཟླ་12ཚེས་11ཉིན། ཀོང་ཀོའུ་འོས་ལངས་ལངས་ཤིང་། སྟོབས་ཤུགས་ལ་གནམ་སའི་ཁྱད་པར་འཛོལ་བ་དང་ཉུང་བས་མང་བའི་འགྲན་ཟླ་མི་ཆོག་པར་ཕམ་པ་རེད། ཀྲོའུ་ཝུན་ཡུང་གིས་འོས་ལངས་ཀྱི་དྲག་ཆས་པ་ཁག་གཅིག་ཁྲིད་ནས་རང་དམག་ལས་ལྡབ་10ཡིས་མང་བའི་དགྲ་བོ་དང་དཔའ་ངར་ཆེན་པོས་ཁྲག་བཏོན་དམར་འཛིང་བྱས་པ་དང་། ཀོང་ཀྲོའུ་ནས་ཕྱིར་འཐེན་གྱིས་མཐར་ཤང་ཀང་དུ་ཕེབས་ཏེ་ཤང་ཀང་དུ་ཕྱིར་འཐེན་བྱས་པའི་བློ་མཐུན་ལ་འབྲེལ་གཏུག་དང་བཀོད་སྒྲིག་བྱེད་པའི་འགན་འཁུར།

1928ལོའི་ཟླ་དང་པོར། ཀྲོའུ་ཝུན་ཡུང་ཀྲུང་གུང་ཀོང་ཀྲོའུ་གྲོང་ཨུད་ཀྱི་རྒྱུན་ཨུ་དང་ཀོང་ཏུང་ཞིང་ཨུད་ཀྱི་རྒྱུན་ཨུར་བདམས་ཤིང་། ཁྲེན་ཐེ་ཅུན་དང་མཉམ་དུ་ཀོང་ཀྲོའུ་རུ་ལོག་སྟེ་ཏང་གི་ལས་ཁུངས་དང་རྩ་འཛུགས་བསྐྱར་འཛུགས་གནང་། ཟླ་1ཚེས་27ཉིན། ངོ་ལོག་པས་རྒྱབ་གཏོད་བྱས་པར་བརྟེན་ཀྲོའུ་ཝུན་ཡུང་དང་ཁྲེན་ཐེ་ཅུན་དུས་གཅིག་ཏུ་བཟུང་། བཙོན་ཁང་དུ་དགྲ་བོས་གོ་གནས་དང་གླ་ཕོགས་མཐོ་པོའི་མིང་ཐོག་ནས་བསླུ་རྩིས་བྱས་ཀྱང་། ཁོང་རྣམ་པར་གཡོ་འགུལ་སྤུ་ཙམ་ཡང་ཐེབས་མེད། ཡ་ང་སྙིང་རྗེ་མེད་པའི་མནར་གཅོད་དྲག་པོ་ཚད་མེད་བཏང་ཡང་། ཁོང་རྣམ་པས་སྔར་བཞིན་བློ་རྩ་བརྟན་ཞིང་གཉའ་བསྒུར་མེད།

1928ལོའི་ཟླ་2ཚེས་6ཉིན། ཀྲོའུ་ཝུན་ཡུང་དང་གསར་བརྗེའི་འཐབ་རྩོད་ཀྱི་ཁྲོད་ལས་འགྲོའི་མདུད་པ་ཐེབས་པའི་ཁྲེན་ཅེ་ཅུན་གཉིས་པོ་ཀོང་ཀྲོའུ་ཧུང་ཧྭ་སྒང་ཁྲིམས་རར་ཡིད་སྐྱོ་ཞིང་བརྗིད་ཉམས་ལྡན་པའི་གཉེན་སྒྲིག་བྱས་རྗེས་བདེན་པའི་དོན་དུ་རང་སྲོག་བློས་བཏང་བ་རེད།