ཉེ་ཆར། ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་གིས་ཏང་གི་ལོ་རྒྱུས་སློབ་སྦྱོང་སློབ་གསོ་དང་མིག་སྔའི་རིམས་ནད་སྔོན་འགོག་ཚོད་འཛིན་གྱི་ལས་དོན་ཟུང་འབྲེལ་བྱས་ནས། རྫོང་ཡོངས་ཀྱི་དང་བླངས་པ་སྒྲིག་འཛུགས་བྱས་ཏེ“ཏང་གི་ལོ་རྒྱུས་སློབ་སྦྱོང་། ངས་མང་ཚོགས་ཀྱི་ཆེད་དུ་བྱ་བ་དངོས་སྒྲུབ་པའི”ཁོར་ཡུག་གཙང་སྦྲ་འཕྲོད་བསྟེན་གྱི་བྱེད་སྒོ་སྤེལ་བ་རེད།
ཀོང་པོ་རྒྱ་མདའ་རྫོང་གི་རྒྱལ་ཁབ་འཕྲོད་བསྟེན་གྲོང་ཁྱེར་གཏོད་པའི་གཞུང་ལས་ཁང་གིས་རྫོང་ཐད་གཏོགས་ཀྱི་ཚན་པ་45ཡི་དང་བླངས་པ་128སྒྲིག་འཛུགས་བྱས་ནས་རྫོང་གྲོང་གི་གཉིས་བཀུར་ལམ་རྒྱུད་དུ་རྒྱལ་གཅེས་འཕྲོད་བསྟེན་གྱི་གཙང་སྦྲའི་བྱེད་སྒོ་སྤེལ་བ་རེད། དེའི་རིང་། དང་བླངས་པ་ཚོས་དང་བླངས་པའི་གྱོན་ཆས་གྱོན་པ་དང་གཙང་སྦྲའི་ཡོ་བྱད་སོགས་ཁྱེར་ཏེ། གཉིས་བཀུར་ལམ་རྒྱུད་ཀྱི་འཚོ་བའི་གད་སྙིགས་དང་། ཨར་ལས་གད་སྙིགས། འགྱིག་ཤོག་སོགས་གཙང་སེལ་བྱས་པ་མ་ཟད། གཙང་འགྲམ་དང་། ལམ་འགྲམ། སྤང་ལྗོངས་བཅས་ཀྱི་གད་སྙིཌ་གཙང་མར་ཕྱཌ་པ་རེད།
ད་ཐེངས་ཀྱི་ཁོར་ཡུག་འཕྲོད་བསྟེན་གཙང་སྦྲའི་བྱེད་སྒོ་ནི་ཀོང་པོ་རྒྱ་མདའ་རྫོང་གི་ཏང་ཡོན་ལས་བྱེད་པ་དང་མང་ཚོགས་ཀྱིས་ཏང་གི་ལོ་རྒྱུས་སློབ་སྦྱོང་བྱས་ནས་ཐོག་མའི་བསམ་འདུན་དང་འགན་འཁྲི་སྔར་བས་བློ་ལ་བརྟན་པོར་བཅངས་ནས་ཏང་གཤིས་རྒྱུན་ཆད་མེད་པར་ཟབ་ཏུ་གཏོང་བ་དང་མི་དམངས་ལ་ཞབས་འདེགས་ཞུ་བའི་འཇོན་ཐང་ཆེ་རུ་གཏོང་བའི་མངོན་ཚུལ་ཞིག་རེད། ད་ཐེངས་ཀྱི་ཤེས་དཔལ་དང་བླངས་པའི་ཞབས་ཞུའི་བྱེད་སྒོ་སྤེལ་བ་བརྒྱུད། ཞིང་འབྲོག་མང་ཚོགས་ཚོར་གཙང་སྦྲ་བྱེད་པའི་གོམས་གཤིས་བཟང་པོ་འཇགས་པར་ཁྲིད་སྟོན་ཐུབ་པ་མ་ཟད། ཡུལ་སྲོལ་བཟང་དུ་ཕྱིན་ནས་རང་སྐྱོང་ལྗོངས་ཀྱི་འཕྲོད་བསྟེན་གྲོང་ཁྱེར་དང་གྲོང་རྡལ་དང་གྲོང་ཚོ(གྲོང་ལྷན)གཏོད་རྒྱུར་རྨང་གཞི་བརྟན་པོ་བཏིང་བ་རེད།