ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་ཆེད། ཉེ་ཆར་ལྗོངས་ཏང་ཨུད་དྲིལ་བསྒྲགས་པུའུ་དང་ལྗོངས་ཤེས་དཔལ་སྲོལ་གཏོད་གཞུང་དོན་ཁང་གི་གཙོ་གཉེར་བྱས་པ་དང་། ལྷ་ས་གྲོང་ཨུད་དྲིལ་བསྒྲགས་པུའུ་དང་བོད་ལྗོངས་ཧ་ཧུ་གཞས་མ་གཏམ་ཚོགས་པས་གཉེར་འགན་འཁུར་བའི“ནམ་ཡང་ཏང་གི་རྗེས་སུ་འབྲང་བའི”མང་ཚོགས་ཀྱི་རིག་གནས་བྱེད་སྒོ་ལྷ་ས་གྲོང་ཁྱེར་སྙེ་མོ་རྫོང་དང་མལ་གྲོ་གུང་དཀར་རྫོང་དུ་སྤེལ་ཏེ། ས་གནས་དེ་གའི་མང་ཚོགས་ལ་རིག་གནས་ཀྱི་སྟོན་མོ་གཟབ་རྒྱས་ཤིག་བཤམས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོར“སྒྲོག་འགྲེལ་དང་རིག་རྩལ་འཁྲབ་སྟོན”ཟུང་འབྲེལ་གྱི་བྱེད་ཐབས་སྤྱད་དེ། ཏང་གི་ལོ་རྒྱུས་ཤེས་བྱའི“བྱ་དགའ་ཡོད་པའི་དྲིས་ལན”འདེབས་རིང་ལྟད་མོ་ལྟ་མཁན་ཚོས་དྲི་བར་ལན་འཚང་ཁ་ཤིག་ཤིག་ངང་བརྒྱབ་ཡོད། 《ང་རང་ངའི་མེས་རྒྱལ་ལ་དགའ》དང་། 《ང་ཚོའི་གྲོང་ཚོའི་འགྱུར་ལྡོག》《རྒྱལ་གཅེས་འཕྲོད་བསྟེན་ལས་འགུལ》《སྣང་བ་སྐྱིད་པའི་ཨ་ཁུ་འབྲོག་པ》《རྒྱལ་ཁབ་ཀྱི་སྤྱི་སྐད་སྦྱོང་བ》སོགས་ཀྱི་ལེ་ཚན་ཧ་ཅང་ལྟད་མོ་ཆེ་བས་ཚང་མས་ལག་ཐོགས་ཁ་པར་བཏོན་ཏེ་པར་ལེན་བྱེད་པ་དང་། ལེ་ཚན་འཁྲབ་སྟོན་བྱེད་རིང་ཐལ་མོའི་རྡེབ་སྒྲ་ཡང་ནས་ཡང་དུ་གྲགས།
“ད་ཐེངས་ཀྱི་བྱེད་སྒོའི་བརྗོད་དོན་ནི་མི་སེར་གྱི་ཉེ་འགྲམ་གྱི་བྱ་བ་དང་ཟུང་འབྲེལ་བྱས་ཡོད་པས། དེ་ལས་ང་ཚོའི་ཡར་ངོའི་ཟླ་ལྟར་འཕེལ་བའི་བདེ་སྐྱིད་ལྡན་པའི་འཚོ་བ་མངོན་པ་དང་། ནམ་ཡང་ཏང་གི་བཀའ་དྲིན་དྲན་པ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་ང་ཚོའི་ཡིད་ཆེས་དང་ཆོད་སེམས་སྔར་བས་བརྟན་དུ་ཕྱིན་སོང”ཞེས་མལ་གྲོ་གུང་དཀར་རྫོང་གི་མང་ཚོགས་བློ་བཟང་ཆོས་འཕེལ་གྱིས་བཤད།