★ 1944ལོའི་ཟླ་9ཚེས་8ཉིན། ཀྲུང་གུང་ཀྲུང་དབྱང་ཉེན་ཟོན་བདེ་སྲུང་ཐོན་གྱིས་ཀྲང་སི་ཏེར་མྱ་ངན་ཞུ་བའི་ཚོགས་འདུའི་ཐོག་མའོ་ཙེ་ཏུང་གིས《མི་དམངས་ལ་ཞབས་འདེགས་ཞུ》ཞེས་པའི་གསུང་བཤད་གནང་བ་རེད།

★ 1945ལོའི་ཟླ་8ཚེས་9ཉིན། མའོ་ཙེ་ཏུང་གིས《རི་པིན་ཇག་དམག་ལ་འཐབ་པའི་ཆེས་མཐའ་མའི་དམག་འཐབ》ཀྱི་གསལ་བསྒྲགས་གནང་སྟེ“ཀྲུང་གོ་མི་དམངས་ཀྱི་རི་འགོག་སྟོབས་ཤུགས་ཡོད་ཚད་ཀྱིས་རྒྱལ་ཡོངས་ཀྱི་གཞི་ཁྱོན་ཐོག་ནས་ཕར་རྒོལ་བྱེད་དགོས་ལ། སུའུ་ལན་དང་མནའ་འབྲེལ་རྒྱལ་ཁབ་གཞན་ལ་གཞོགས་འདེགས་དམ་ཟབ་དང་ནུས་ལྡན་གྱིས་དམག་འཐབ་ཀྱང་བྱེད་དགོས་པའི”འབོད་སྐུལ་གནང་བ་རེད།

★ བཅིངས་འགྲོལ་དམག་འཁྲུག་རིང་མི་དམངས་བཅིངས་འགྲོལ་དམག་གིས་འཐབ་ཇུས་ཀྱི་མཐའ་མའི་དམག་འཐབ་བྱེད་པའི་གཡུལ་འགྱེད་ཆེན་པོ་གསུམ་ནི་ལེའོ་ཧྲེན་གཡུལ་འགྱེད་དང་། ཧོའེ་ཧོ་གཡུལ་འགྱེད། ཕིང་ཅིང་གཡུལ་འགྱེད་བཅས་རེད།

★ 1945ལོའི་ཟླ་4ཚེས་23ཉིན། ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མི་ཚོགས་ཆེན་ཐེངས་བདུན་པ་ཡན་ཨན་དུ་འཚོགས་ཤིང་། མའོ་ཙེ་ཏུང་གི་དགོངས་པ་ཏང་གི་མཛུབ་ཁྲིད་དགོངས་པར་གཏན་འཁེལ་བྱས་པ་དང་འབྲེལ་ཏང་གི་སྒྲིག་ཡིག་ནང་བཅུག་པ་དེ་ནི་ཚོགས་ཆེན་བདུན་པའི་ལོ་རྒྱུས་རང་བཞིན་གྱི་ལེགས་སྐྱེས་ཤིག་རེད།

★ 1945ལོའི་ཟླ་8ཚེས་25ཉིན། ཀྲུང་གུང་ཀྲུང་དབྱང་གིས《མིག་སྔའི་དུས་བབ་སྐོར་གྱི་བསྒྲགས་གཏམ》ཞེས་པ་སྤེལ་ཏེ་ཞི་བདེ་དང་། དམངས་གཙོ། མཐུན་སྒྲིལ་བཅས་འབོད་ཚིག་ཆེན་པོ་གསུམ་ཁ་གསལ་བཏོན་པ་དང་། “ཞི་བདེ་དང་། དམངས་གཙོ། མཐུན་སྒྲིལ་བཅས་ཀྱི་རྨང་གཞིའི་ཐོག་རྒྱལ་ཡོངས་གཅིག་གྱུར་ཡོང་བ་བྱས་ཏེ་རང་བཙན་རང་དབང་དང་འབྱོར་ཕྱུག་ལྡན་པའི་ཀྲུང་གོ་གསར་པ་བསྐྲུན་རྒྱུའི”སྐོར་གྱི་ཀྲུང་གོ་གུང་ཁྲན་ཏང་གི་བཞེད་དགོངས་གསལ་འགྲེལ་བྱས་པ་རེད།

★ 1945ལོའི་ཟླ་10ཚེས་10ཉིན། གོ་མིན་ཏང་དང་གུང་ཁྲན་ཏང་ཕྱོགས་གཉིས་པོའི་གྲོས་མོལ་འཐུས་མིས་ཁྲུང་ཆིང་དུ《སྲིད་གཞུང་དང་ཀྲུང་གུང་འཐུས་མིའི་གྲོས་མོལ་གྱི་ཟིན་བྲིས་གནད་བསྡུས》ཏེ“བཅུ་པའི་ཚེས་བཅུ་ཉིན་གྱི་གྲོས་ཆོད”ལ་མིང་རྟགས་བཀོད་པ་རེད།