ཉེ་བའི་ལོ་ཤས་རིང་། རྣམ་གླིང་རྫོང་གིས“དབུལ་སྐྱོར་དངོས་དང་། དངོས་འབྲེལ་དབུལ་སྐྱོར། དངོས་འབྲེལ་དབུལ་སྒྲོལ”གྱི་ལས་ཀའི་འདུ་ཤེས་བརྟན་པོ་འཛུགས་པ་དང་། “སེམས་ཁྲལ་མེད་པ་གཉིས་དང་འགན་ལེན་གསུམ”གྱི་ལྟེ་བའི་ཚད་གཞིར་དམ་པོར་དམིགས་པ། ངལ་ནུས་ཕྱིར་གཏོང་རྫོང་ཆེ་གྲས་ཀྱི་ཐོན་ཁུངས་ལེགས་ཆ་འདོན་སྤེལ་གང་ལེགས་བྱེད་པ། རྩལ་ནུས་གསོ་སྦྱོང་ཧུར་ཐག་བྱེད་པ་དང་། ཕྱིར་ལས་མི་བྱེད་པར་སྐྱོད་པར་ཁྲིད་སྟོན་བྱེད་པ། ངལ་ནུས་རོགས་ལས་གཏིང་ཟབ་བྱེད་པ་བཅས་བྱས་ཏེ་མང་ཚོགས་ཀྱི་ཡོང་འབབ་ཟམ་མི་ཆད་པར་མང་དུ་བཏང་བས་དབུལ་སྒྲོལ་འགག་སྒྲོལ་ལས་དོན་ལ་ཕན་འབྲས་དངོས་ཐོན་པ་རེད།

གནད་སྨིན་རྩལ་ནུས་གསོ་སྦྱོང་བྱས་ཤིང་། རྣམ་གླིང་རྫོང་གིས་གསོ་སྦྱོང་དང་ལས་ཞུགས་གཉིས་འབྲེལ་མཐུད་ཡག་པོ་ཡོང་བར་ཤུགས་སྣོན་བརྒྱབ་སྟེ་ལས་རིགས་རྩལ་ནུས་གསོ་སྦྱོང་གི་སྲིད་ཇུས་ཕྱོགས་ཡོངས་ནས་དོན་འཁྱོལ་བྱེད་པ་དང་། ཤར་རི་ཕུ་གསོ་སྦྱོང་རྟེན་གཞི་སོགས་ལས་སྟེགས་ལ་བརྟེན་ནས་མངགས་ཐོའི་རྣམ་པའི་གསོ་སྦྱོང་བྱེད་པ། ལས་སྒྲུབ་ཀྱིས་གསོ་སྦྱོང་གི་ཚབ་བྱེད་པ་སོགས་ཀྱི་གསོ་སྦྱོང་བྱེད་སྟངས་སྤྱད་ནས་གསོ་སྦྱོང་ནང་ཞུགས་འདོད་ཡོད་པའི་ཁྱིམ་ཚང་དབུལ་པོའི་ངལ་རྩོལ་ནུས་ཤུགས་གསོ་སྦྱོང་ཐུབ་པ་བྱས་ཡོད་པ་རེད། ཤེས་རྟོགས་བྱུང་བར་གཞིགས་ན། 2016ལོ་ཚུན་དུ་རྣམ་གླིང་རྫོང་གིས་རིམ་རྩིས་བྱས་ན་རྩལ་ནུས་གསོ་སྦྱོང་དུས་ཐེངས་89བྱས་པར་མི་6185ཟིན་པ་དང་མི་5020ལས་ཞུགས་ཐུབ་པ་རེད།

ངལ་ནུས་མཐུན་སྦྱོར་གཏིང་ཟབ་བྱས་ཤིང་། རྣམ་གླིང་རྫོང་གིས་རྫོང་རིམ་པའི་ལས་བྱེད་པས་འགན་འཁུར་བའི་པེ་ཤིང་ངལ་ནུས་ཀུང་སི་བཙུགས་པ་དང་། ཤང་དང་གྲོང་རྡལ་དང་གྲོང་ཚོར(གྲོང་ལྷན)ངལ་ནུས་སྒྲིག་གཞི་བཙུགས་ནས་ངལ་ནུས་སྒྲིག་གཞིའི་ནུས་པ་གང་ལེགས་བཏོན་པ་དང་། ལས་ཞུགས་ཀྱི་འདོད་བློ་དང་། ལས་ཞུགས་ཀྱི་རྩལ་ནུས། ལས་ཞུགས་ལས་གནས་བཅས་གནད་སྨིན་སྦྲེལ་མཐུད་བྱས་ཏེ་ཞིང་འབྲོག་ཁུལ་གྱི་ངལ་ནུས་ལྷག་མ་དེ་བས་མང་བ་ལས་ཞུགས་གཞན་སྒྱུར་ལ་སྐུལ་ལྕག་ཧུར་ཐག་བྱས་ཤིང་། ངལ་ནུས་ཕྱིར་གཏོང་གི་ཞབས་ཞུའི་འགན་ལེན་ཆུ་ཚད་ཕྱོགས་ཡོངས་ནས་མཐོ་རུ་བཏང་སྟེ་ངལ་ནུས་ཕྱིར་གཏོང་རྩ་འཛུགས་ཅན་དུ་འགྱུར་ཚད་དང་ལས་ཞུགས་ཀྱི་སྤུས་ཚད་ཟམ་མི་ཆད་པར་མཐོ་རུ་བཏང་ཡོད། 2016ལོའི་ཚུན་དུ་མི་ཐེངས་ཁྲི་20.45ངལ་ནུས་ཕྱིར་གཏོང་བྱས་ཏེ་ངལ་ནུས་ཡོང་འབབ་སྒོར་དུང་ཕྱུར་11.28བྱུང་བ་རེད།

ལས་ཞུགས་ལས་གཏོད་ལ་རྒྱབ་སྐྱོར་བྱས་ཤིང་། རྣམ་གླིང་རྫོང་གིས་ཐོག་མཐའ་བར་གསུམ་དུ“དམངས་ཀྱིས་བྱ་གཞག་སྐྲུན་པ་དང་ཀུན་གྱིས་གསར་གཏོད་བྱེད་པར”སྐུལ་འདེད་གཏོང་བ་དང་མཐོ་སློབ་སློབ་ཐོན་སློབ་མ(འབྲིང་རིམ་ལས་རིགས་སློབ་གྲྭའི་སློབ་མ)བབ་བསྟུན་ལས་ཞུགས་ཐུབ་པའི་བྱ་སྤྱོད་དེ་དབུལ་སྒྲོལ་འགག་སྒྲོལ་དང་ལས་ཞུགས་ཀྱི་བྱེད་ཐབས་གལ་ཆེན་ཞིག་ཏུ་བརྩིས་ནས་ཞིབ་ཕྲའི་ངང་འཆར་འགོད་དང་། ཚན་རིག་དང་མཐུན་པའི་ངང་བཀོད་སྒྲིག ནུས་ཤུགས་ཡོད་རྒུས་སྐུལ་འདེད་བཅས་བྱས་ཏེ་ལས་ཞུགས་ཐུབ་མེད་པའི་མཐོ་སློབ་སློབ་ཐོན་སློབ་མའི་ལས་ཞུགས་ཀྱི་འདུ་ཤེས་ལ་འགྱུར་བ་བཏང་བར་སྐུལ་ལྕག་བྱས་པ་རེད། ཉེ་བའི་ལོ་ཤས་རིང་། རྣམ་གླིང་རྫོང་གིས་སྔ་རྗེས་སུ་ལས་གཏོད་བྱེད་མཁན་མཐོ་སློབ་སློབ་ཐོན་སློབ་མ(འབྲིང་རིམ་ལས་རིགས་སློབ་གྲྭའི་སློབ་མ)54ལ་ལས་གཏོད་རོགས་སྐྱོར་མ་དངུལ་སྒོར་ཁྲི་305སྤྲད་པ་རེད། གཞན་ཡང་རྫོང་དེའི་སློབ་ཞུགས་གོང་གི་སློབ་གསོའི་བྱིས་གསོ་དགེ་རྒན(འཚོ་སྐྱོང་བ)དང་སྡེ་ཚན་གྱི་ལས་དོན་པ་དཀོན་པའི་དོན་དངོས་དང་ཟུང་འབྲེལ་བྱས་ཏེ་རྣམ་གླིང་རྫོང་པེ་ཤིང་ངལ་ནུས་ཀུང་སིས་ཁ་ཕྱོགས་གཏན་འཁེལ་གྱིས་རྫོང་དེ་ནས་ཡིན་པའི་ལས་ཞུགས་ཐུབ་མེད་པའི་མཐོ་སློབ་སློབ་ཐོན་སློབ་མ་159བསྡུས་པས་མི་རེར་ཟླ་རེར་ཆ་སྙོམས་ཡོང་འབབ་སྒོར་3000ཟིན་གྱི་ཡོད་པ་རེད།