“ད་ལོ་ང་ཚོའི་གྲོང་ཚོའི་སུར་པན་ལ་ལོ་ལེགས་བྱུང་སོང་། ན་ནིང་སུར་པན་བཏབ་པ་དང་བཙོངས་པའི་ཉམས་མྱོང་ཡོད་པས་ད་ལོ་ང་ཚོའི་གྲོང་ཚོས་སྔོན་ཚུད་ནས་ཚོགས་འདུ་འཚོགས་ཏེ་སུར་པན་གྱི་ཕན་འབྲས་ཇི་ལྟར་བྱས་ནས་ལེགས་སུ་གཏོང་བའི་ཐད་གྲོས་བསྡུར་བྱས་སོང་། གཟིགས་དང་། ང་ཚོས་སུར་པན་ཡག་པ་རྐྱང་རྐྱང་བདམས་ཏེ་ཆུ་བཤལ་ཡང་ཡང་བཏང་རྗེས། གཞི་ནས་གྲོང་ཚོའི་དབྱི་ཤིན་སུར་པན་ལས་སྣོན་བཟོ་གྲྭར་སྐྱེལ་གྱི་ཡོད”ཅེས་སྣང་རྫོང་སྣང་གྲོང་རྡལ་བར་རེ་གྲོང་ཚོའི་བུད་མེད་ཀྲུའུ་རེན་བློ་བཟང་ཆོས་སྒྲོན་གྱིས་སུར་པན་ལ་བལྟ་བཞིན་དེ་ལྟར་བརྗོད།

ད་ལོ་ནས་བཟུང་། སྣང་གྲོང་རྡལ་གྱིས“ཏང་འཛུགས་སྐྱོང+ཐོན་ལས”མཐའ་འཁྱོངས་བྱས་ཏེ་གཞི་རིམ་གྱི་ཏང་འཛུགས་སྐྱོང་དང་དབུལ་སྒྲོལ་འགག་སྒྲོལ་ཟུང་འབྲེལ་དམ་ཟབ་ལ་སྐུལ་འདེད་བཏང་ནས། གྲོང་ཚོའི(གྲོང་ལྷན)“ཨུ་ལྷན་གཉིས”ཀྱི་ཚན་ཁག་དང་སྣང་གྲོང་རྡལ་དབྱི་ཤིན་སུར་པན་ལས་སྣོན་བཟོ་གྲྭ་ཕན་ཚུན་གྲོས་བསྡུར་བྱེད་དུ་བཅུག་ནས་སུར་པན་ཕྱིར་ཚོང་ཐབས་ལམ་བཙལ་ནས་གྲོང་རྡལ་ཡོངས་ཀྱི་སུར་པན་མི་བྲིན་པའི་སེམས་ཁྲལ་བསལ་ཡོད། གྲོང་ཚོའི་ཏང་ཀྲི་པུའི་སྣེ་ཁྲིད་ནུས་པ་འདོན་སྤེལ་གང་ལེགས་བྱས་ཏེ་གྲོང་ཚོའི(གྲོང་ལྷན)“ཨུ་ལྷན་གཉིས”དང་གྲོང་སྡོད་ལས་དོན་རུ་ཁག་སོགས་ཀྱི་སྟོབས་ཤུགས་ལ་བརྟེན་ནས་ཏང་ཡོན་གྱི“འགན་གཙང་གསུམ”ལས་དོན་གྱི་འགན་འཁྲིའི་ལམ་ལུགས་དོན་འཁྱོལ་དམ་འཛིན་བྱ་གཞིར་བྱས་ཏེ་མང་ཚོགས་ཀྱི་བསམ་བློའི་ལས་དོན་ཐུན་མོང་ཐོག་ཡག་པོ་སྒྲུབ་པ་དང་། གྲོང་རྡལ་ཡོངས་ཀྱི་རྒྱ་ཆེའི་མང་ཚོགས་ཀྱིས་རང་འགུལ་ངང་སུར་པན་འདེབས་ཁྱོན་ཆེ་རུ་གཏོང་རྒྱུར་ཁྲིད་སྟོན་བྱེད་པ། ཐོན་ལས་གང་དུ་ཡོད་ན་ཏང་རྩ་འཛུགས་དེ་གར་ཡོད་པ་བཅས་བྱས་པ་རེད། མིག་སྔར། གྲོང་རྡལ་ཡོངས་ཀྱི་གྲོང་ཚོ(གྲོང་ལྷན)7གྱི་སུར་པན་འདེབས་འཛུགས་རྒྱ་ཁྱོན་མུའུ་638ཟིན་ཡོད།

མིག་སྔའི་བར། གྲོང་རྡལ་ཡོངས་ཀྱིས་སུར་པན་འདེབས་འཛུགས་རྩལ་ནུས་གསོ་སྦྱོང་ཁྱོན་བསྡོམས་ཐེངས་7གཉེར་བ་དང་གསོ་སྦྱོང་དང་ལེན་བྱས་པའི་མི་གྲངས་700ལྷག་ཙམ་ཟིན་ཡོད། དེའི་ནང་བུད་མེད་མང་ཚོགས་350ལྷག་ཙམ་ཡོད། སུར་པན་འདེབས་འཛུགས་ནང་ཞུགས་པའི་བུད་མེད་མང་ཚོགས་1100ལྷག་ཙམ་ཡོད་པ་དང་དེའི་ཁྲོད་བུད་མེད་ཏང་ཡོན་དང་ལས་བྱེད་པ་100ཙམ་ཡོད། ད་ལྟ་བཙོངས་ཟིན་པའི་སུར་པན་ཏུན་48.15ཟིན་པ་དང་ཏུན་རེའི་རིན་གོང་སྒོར་ཁྲི་0.4ཡིན་པས་མང་ཚོགས་དུད་ཚང་783ལ་ཡོང་འབབ་སྒོར་ཁྲི་19.26མང་དུ་འགྲོ་རྒྱུར་སྐུལ་ཁྲིད་བྱས་པ་དང་ཆ་སྙོམས་དུད་ཚང་རེར་ཡོང་འབབ་སྒོར་687.9མང་དུ་ཕྱིན་ཡོད། སྔོན་དཔག་བྱས་ན། ད་ལོའི་སུར་པན་གྱི་ཐོན་འབབ་ཏུན་540ཟིན་རྒྱུ་དང་མང་ཚོགས་ལ་ཡོང་འབབ་སྒོར་ཁྲི་237.6ལྷག་ཙམ་མང་དུ་འགྲོ་རེ་ཡོད་པ་རེད།