ཉེ་བའི་ལོ་ཤས་རིང་། རང་ལྗོངས་ཀྱི་རིམ་ཁག་ཏང་རྩ་འཛུགས་ཀྱིས་ཕུགས་བསམ་དང་དད་སེམས་བརྟན་དུ་གཏོང་བ་དེ་ཏང་གི་བསམ་བློ་འཛུགས་སྐྱོང་གི་ལས་འགན་ཨང་དང་པོར་བརྩིས་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་ཏང་ཡོངས་ལ་དྲག་ཆས་སྤྲོས་རྒྱུ་མཐའ་འཁྱོངས། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་སློབ་སྦྱོང་དང་། དྲིལ་བསྒྲགས། ལག་བསྟར། དོན་འཁྱོལ་བཅས་བྱེད་པ་དེ་ཆབ་སྲིད་ཀྱི་ལས་འགན་གལ་ཆེན་དུ་བརྩིས་ནས་བསམ་པའི“འཚོ་བཅུད”གསབ་པ་རེད།

རིགས་པའི་གཞུང་ལུགས་ཀྱིས་དྲག་ཆས་སྤྲོས་རྒྱུར་སྣང་ཆེན་བྱས་ནས་མདུན་སྐྱོད་ཀྱི་ཁ་ཕྱོགས་གསལ་པོ་བཏོན་པ།

ལྗོངས་ཡོངས་ཀྱི་རིམ་ཁག་ཏང་རྩ་འཛུགས་ཀྱིས་ཏང་ཡོན་གྱི་ཆབ་སྲིད་སློབ་གསོ་དང་། “ཚད་ལོན་ཏང་ཡོན་བྱེད་པ་དང་གདོང་ལེན་དཔེ་བཟང་བྱེད་པ” 《ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གླེང་བ》སློབ་སྦྱོང་བྱེད་པ་སོགས་ཀྱི་སློབ་གསོའི་བྱེད་སྒོ་ཏན་ཏིག་སྤེལ་བས། ཏང་ཡོན་100%ལ་སློབ་གསོ་ཐེབས་ཡོད་པ་རེད། རིམ་ཁག་ཏང་རྩ་འཛུགས་ཀྱིས་མང་ཚོགས་ཀྱིས་མཐོང་འདོད་ལ་ཉན་སྤྲོ་བ་དང་དང་ལེན་བྱེད་བདེ་བའི་ཐབས་ལ་བརྟེན་ནས། ཏང་གཤིས་ཀྱི་སློབ་གསོ་དང་བོད་གསར་རྙིང་བསྡུར་བའི་སློབ་གསོར་ཤུགས་སྣོན་བརྒྱབ་པ་དང་། ཞིང་འབྲོག་པ་ཏང་ཡོན་སྒྲིག་འཛུགས་བྱས་ནས་ཆོས་དད་མི་བྱེད་པའི་ཁས་ལེན་ཡི་གེ་བཞག་པ་དང་དེ་བཞིན་ཆོས་ལ་དད་པ་བྱེད་མཁན་དང་ཆོས་ལུགས་བྱེད་སྒོར་ཞུགས་མཁན་ཏང་ཡོན་ལ་དུས་ཐོག་ཏུ་སློབ་གསོ་བརྒྱབ་པ་དང་རྩ་འཛུགས་ཀྱིས་ཐག་གཅོད་བྱས་པ་རེད།

ཏང་གཤིས་བློ་སྦྱོང་ལ་སྣང་ཆེན་བྱས་ནས“འདུ་ཤེས་བཞི”ཟབ་ཏུ་བཏང་བ།

2019ལོའི་ཟླ་6ཚེས་10ཉིན། ཏང་ཀྲུང་དབྱང་གི་གཅིག་གྱུར་བཀོད་སྒྲིག་གཞིར་བཟུང་རང་ལྗོངས་ཀྱིས“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་དངོས་སུ་སྤེལ་འགོ་བཙུགས་པ་དང་གོང་འོག་ཁག་གཉིས་ལ་དབྱེ་ནས་གོ་རིམ་ལྡན་པའི་ངང་བྱེད་སྒོ་སྤེལ་བ་རེད། བརྗོད་དོན་གཙོ་བོའི་སློབ་གསོ་སྤེལ་འགོ་བཙུགས་ཚུན། རང་སྐྱོང་ལྗོངས་ཏང་ཨུད་དང་རིམ་ཁག་ཏང་རྩ་འཛུགས་ཀྱིས“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོར་དམ་པོར་དམིགས་ནས་ཆབ་སྲིད་ཀྱི་མོས་སེམས་དང་། བསམ་བློའི་མོས་སེམས། བརྩེ་སེམས་ཀྱི་མོས་སེམས་བཅས་རྒྱུན་ཆད་མེད་པར་ཆེ་རུ་བཏང་བ་རེད། བརྗོད་དོན་གཙོ་བོའི་སློབ་གསོ་ཁག་གཉིས་ཀྱི་ཁྲོད་ལྗོངས་ཡོངས་ཀྱི་རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ཚན་ཁག་1356དང་། གཞི་རིམ་ཏང་རྩ་འཛུགས་21298 ཏང་ཡོན་ཁྲི་38ལྷག་ཙམ་ཞུགས་ཡོད་པས་ཕྱོགས་ཡོངས་ལ་ཁྱབ་ཐུབ་པ་བྱུང་བ་དང་། རིགས་པའི་གཞུང་ལུགས་ཀྱི་སློབ་སྦྱོང་ལ་ཕན་འབྲས་ལྡན་པ་དང་། བསམ་བློ་ཆབ་སྲིད་ལ་ཞུན་བརྡར་ཐེབས་པ། བྱ་གཞག་སྒྲུབ་པ་དང་ལས་གཏོད་ལ་འགན་འཁྲི་ཁུར་ཕོད་པ། དམངས་ལ་ཞབས་འདེགས་ཞུ་བ་དང་དཀའ་གནད་སེལ་བ། སྤྱོད་གཙང་གཞུང་དྲང་གི་མིག་དཔེ་འདོན་པ་བཅས་ཀྱི་དམིགས་ཚད་མངོན་འགྱུར་བྱུང་ཡོད་པ་རེད།

རྒྱལ་བབ་དང་ཏང་བབ་ཤེས་རྟོགས་བྱས་ནས།“གདེང་ཚོད་བཞི”བརྟན་དུ་བཏང་བ།

རིམ་ཁག་ཏང་རྩ་འཛུགས་ཀྱིས་ཏང་ཡོན་གྱི་སློབ་གསོའི་བྱེད་སྒོའི་ཡིད་དབང་འགུག་ཤུགས་དང་། ཤུགས་རྐྱེན་ཐེབས་ཤུགས། དངོས་ཕན་རང་བཞིན་བཅས་ཟམ་མི་ཆད་པར་ཆེ་རུ་བཏང་ནས་ཏང་གི་ལོ་རྒྱུས་སློབ་སྦྱོང་དང་ཀྲུང་གོ་གསར་པའི་ལོ་རྒྱུས་སློབ་སྦྱོང་རྒྱ་ཁྱབ་ཏུ་བྱེད་པ་དང་། ཏང་ཡོན་སྒྲིག་འཛུགས་ཀྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་70འཁོར་བའི་དྲ་ཐོག་གི་གྲུབ་འབྲས་འགྲེམས་སྟོན་ལ་ལྟ་སྐོར། ཏང་ཡོན་སྒྲིག་འཛུགས་ཀྱིས་ཐག་ཉེ་ས་དང་སྟབས་བདེ་སར་གསར་བརྗེའི་སློབ་གསོའི་རྟེན་གཞིར་ལྟ་སྐོར་བཅས་བྱས་ཏེ་གསར་བརྗེའི་སྲོལ་རྒྱུན་སློབ་གསོར་ཤུགས་སྣོན་བརྒྱབ་པ་རེད། སྔོན་ཐོན་དཔེ་མཚོན་གྱི་སློབ་གསོ་གཏིང་ཟབ་སྤེལ་བ་དང་། ཉེ་འཁོར་གྱི་དོན་དག་ལ་བརྟེན་ནས་ཉེ་འཁོར་གྱི་མིར་སློབ་གསོ་རྒྱག་པར་སྣང་ཆེན་བྱས་ཏེ་ཀྲང་ཧྥུའུ་ཆིང་དང་ཧོང་ཝུན་ཤིའུ་སོགས་སྔོན་ཐོན་དཔེ་མཚོན་ལ་སློབ་སྦྱོང་བྱས་པ་དང་ཆབས་ཅིག ཁུང་ཧྥན་སེན་དང་སྒྲོལ་དཀར་དང་གཡང་འཛོམས་གཅེན་གཅུང་སོཌ་དུས་རབས་ཀྱི་མིག་དཔེ་དང་སྨན་བཅོས་ཤེས་ལྡན་མི་སྣའི“ཚོགས་སྒྲིག་རྣམ་པའི”བོད་སྐྱོར་གྱི་སྔོན་ཐོན་བྱས་རྗེས་ཀྱི་སྙན་ཞུའི་ཚོགས་འདུ་འཚོགས་པ། དམག་སྡེ་བཅོ་བརྒྱད་པའི་འཐབ་འཛིང་པ་རྒན་གྲས་དང་དེ་བཞིན་བུ་ཕྲུག་སོཌ་བོད་ལྗོངས་འཛུགས་སྐྲུན་ལ་ལེགས་སྐྱེས་འབུལ་མཁན་གདན་དྲངས་ནས་གཏམ་རྒྱུད་བཤད་པ། ཏང་ཡོན་འགོ་ཁྲིད་ལས་བྱེད་པས་ཆེད་དོན་ཏང་གི་སློབ་ཚན་འཁྲིད་པ་དང་གཞི་རིམ་གྱི་ཏང་ཀྲི་པུའི་ཧྲུའུ་ཅིས་ཏང་གི་སློབ་ཚན་འཁྲིད་པའི་བྱེད་སྒོ་མུ་མཐུད་གཏིང་ཟབ་སྤེལ་བ་རེད།

མང་ཚོཌ་དང་འབྲེལ་བ་བྱ་རྒྱུར་མཐོང་ཆེན་བྱས་ནས་ཕུཌ་འདུན་གྱི་སྟོབས་ཤུགས་གཅིག་ཏུ་བསྒྲིལ་བ།

2019ལོར་ལྗོངས་ཡོངས་སུ“གསོ་སྦྱོང་གསུམ”གྱི་འདུ་འགོད་ལག་ལེན་ཤུགས་ཆེན་བསྟར་ཏེ་ཏང་ཡོན་ཕྱུག་འགྱུར་སྣེ་ཁྲིད་པ་3476གསོ་སྐྱོང་བྱས་ནས་མི་9311ཟིན་པ་དང་མང་ཚོགས་ཁྲི་1.5དབུལ་སྒྲོལ་ཕྱུག་འགྱུར་ཐུབ་པར་སྣེ་ཁྲིད་བྱས་པ་རེད། རིམ་ཁག་ཏང་རྩ་འཛུགས་ཀྱིས། “ཏང་ཡོན་ལས་བྱེད་པ་གྲོང་ཚོ་དང་དུད་ཚང་དུ་བསྐྱོད་ནས་ཆ་སྒྲིག་གཉེན་འཚོལ་དང་གྲོགས་པོ་སྒྲིག་པ”དང་ལས་ཐོག་ཏང་ཡོན་སྡེ་ཁུལ་དུ་བསྐྱོད་ནས་ཞབས་འདེགས་ཞུ་བའི་བྱེད་སྒོ་གཏིང་ཟབ་སྤེལ་བ་དང་ཆབས་ཅིག ལྗོངས་ཡོངས་ཀྱི་ཁོའོ་རིམ་པ་ཡན་གྱི་ཏང་ཡོན་ལས་བྱེད་པ་ཁྲི་13.6གིས་མང་ཚོགས་དབུལ་པོ་ཁྲི་26.62དང་ཆ་སྒྲིག་པ་དང་། ཏང་ཡོན་28511གིས་རང་འགུལ་ངང་དཀའ་ངལ་ཡོད་པའི་མང་ཚོགས་ཀྱི་དཀའ་ངལ་ཐག་གཅོད་བྱས་པ་རེད།

2020ལོར་ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་རིང་། ཏང་ཡོན་ཁྲི་30ཙམ་གྱིས་ཡུག་དང་། དུད་ཚང། མི་བཅས་འགན་གཙང་བླངས་ཏེ་རང་འགུལ་ངང་རིམས་ནད་སྔོན་འགོག་ཚོད་འཛིན་ནང་ཧུར་ཐག་ཞུགས་ནས་རིམས་འགོག་དངོས་ཟོག་སྤྲོད་པ་དང་། ཚ་བ་ལྟ་བ། འཚོ་བའི་མཁོ་ཆས་ཉོ་བ། སྨན་དོན་མི་སྣ་དང་འབྲེལ་བ་བྱེད་པ་བཅས་བྱ་སྤྱོད་དངོས་ལ་བརྟེན་ནས་རིམས་འགོག་གི་འཐབ་ས་དང་པོར་ཏང་དར་ལྷབ་ལྷུབ་ཏུ་གཡོ་བར་བྱས་པ་རེད།