གསར་འགོད་པར་རང་སྐྱོང་ལྗོངས་ཀྱི་འབྲེལ་ཡོད་སྡེ་ཚན་ནས་ཤེས་རྟོགས་བྱུང་གསལ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་། ལག་བསྟར། དོན་འཁྱོལ་བཅས་གཏིང་ཟབ་བྱས་ནས། ཏང་འཛུགས་སྐྱོང་གི་དྲིལ་བསྒྲགས་དང་ཏང་ཡོན་གྱི་སློབ་གསོའི་ལས་དོན་ལ་རྒྱུན་ཆད་མེད་པར་ཤུགས་སྣོན་རྒྱག་པ་དང་གསར་གཏོད་བྱ་ཆེད། ཆབ་མདོ་གྲོང་ཁྱེར་སྨར་ཁམས་རྫོང་གིས“དྲ་སྦྲེལ+ཏང་འཛུགས་སྐྱོང”གི་ལས་དོན་སྤེལ་སྟངས་འཚོལ་ཞིབ་ཧུར་ཐག་བྱེད་པ་དང་། སྲོལ་རྒྱུན་གྱི་ཏང་འཛུགས་སྐྱོང་དང་ཆ་འཕྲིན་ལག་རྩལ་ཟུང་འབྲེལ་ལ་སྐུལ་འདེད་ཏན་ཏིག་བཏང་ནས། རིག་ལྡན་ཏང་འཛུགས་སྐྱོང་གི་ལས་དོན་ལ་གོ་རིམ་ལྡན་པའི་ངང་སྐུལ་འདེད་བཏང་བ་རེད།
“ཟུང་འབྲེལ་གྱི་བཀྲག་མདངས་འཚེར་ས”གནད་འཁེལ་དང་ཏན་ཏིག་ངང་བཙལ་བ། རྫོང་དེས“ཏང་རྩ་འཛུགས་ཀྱི་དོ་དམ”དང་། “ཏང་ཡོན་གྱི་དོ་དམ”“རྩ་འཛུགས་ཀྱི་འཚོ་བ”སོགས་ཀྱི་ནུས་པ་དང་ཏང་འཛུགས་སྐྱོང་གི་རྒྱུན་གཏན་་ལས་ཀའི་བླང་བྱ་དང་ཟུང་འབྲེལ་གནད་སྨིན་བྱེད་པ་དང་། ཏང་རྩ་འཛུགས་དང་ཏང་ཡོན་གྱི་ཆ་འཕྲིན་སྲུང་སྐྱོང་དང་། “ཚོགས་འདུ་གསུམ་དང་སློབ་ཚན་གཅིག” “བརྗོད་དོན་གཙོ་བོའི་ཏང་གི་ཉིན་མོ” ཏང་ཡོན་འཕེལ་རྒྱས་སོགས་ཀྱི་ལས་དོན་ལ་སྒུལ་རྣམ་རྗེས་སྙེག་དང་བརྒྱུད་རིམ་ཧྲིལ་པོར་ཐོ་འགོད་བྱས་ནས། ཏང་འཛུགས་སྐྱོང་གི་ལས་དོན་ལ་དཔྱད་ཞིབ་བྱེད་པ་དེ“དྲ་ཕྱི”ནས“དྲ་ཐོག”ལ་བསྒྱུར་བ་རེད།
“ནུས་པའི་བཀྲག་མདངས་འཚེར་ས”སྣུར་སྲིང་དང་རྒྱ་སྐྱེད་བཏང་བ། རྫོང་དེས“ཆ་འཕྲིན་མང་ཙམ་བཀོད་པ་དང་ཏང་ཡོན་ཉུང་ཙམ་རྒྱུག་རྒྱུ”དམིགས་ཚད་དུ་འཛིན་རྒྱུ་མཐའ་འཁྱོངས་བྱེད་པ་དང་། “ཏང་རྩ་འཛུགས་ཀྱི་འབྲེལ་བ་བསྒྱུར་སྤྲོད”བྱེད་སྟངས་ལ་བརྟེན་ནས། རྫོང་ནང་ཁུལ་གྱི་རྩ་འཛུགས་འབྲེལ་བ་དྲ་ཐོག་ནས་བསྒྱུར་སྤྲོད་ཀྱི་བརྒྱུད་རིམ་དེ་བས་ཚད་ལྡན་དུ་གཏོང་བ་དང་། བསྒྱུར་སྤྲོད་ཀྱི་བརྒྱུད་རིམ་དེ་འགུལ་རིས་སུ་བཟོ་བ་སོགས་ཀྱི་བརྒྱུད་ལམ་སྣེ་མང་བྱེད་སྟངས་དང་། བོད་ལྗོངས་སྨར་ཁམས་ཀྱི་ཏང་འཛུགས་སྐྱོང་གི་སྐད་འཕྲིན་སྤྱི་རྟགས་དང་རྒྱང་ཁྲིད་སློབ་གསོའི་ལས་སྟེགས་སོགས་ཀྱི་དེང་རབས་སྨྱན་སྦྱོར་སྤྱད་དེ་རྒྱ་ཁྱབ་ངང་དྲིལ་བསྒྲགས་བྱས་པ་དང་ཆབས་ཅིག ཏང་ཡོན་གྱི་དོ་དམ་སློབ་གསོའི་ལས་དོན་དང་ཟུང་འབྲེལ་བྱས་ཏེ། ཏང་འཛུགས་སྐྱོང་གི་འདྲི་རྩད་ནང་དོན་རིག་ལྡན་ཏང་འཛུགས་སྐྱོང་གི་ལག་ཐོགས་ཁ་པར་གྱི་སྤྱོད་སྣེ་བརྒྱུད་ཏང་ཡོན་ལ་དྲིལ་བསྒྲགས་བྱས་ནས། གཞི་རིམ་གྱི་ཏང་འཛུགས་སྐྱོང་ལ་ལག་ཐོགས་ཁ་པར་གྱི་སྤྱོད་སྣེ་སྤྱད་ནས་ཏང་ཡོན་སྒྲིག་འཛུགས་ཀྱིས་དྲ་ཐོག་གི་དཔྱད་ཞིབ་སོགས་ཀྱི་མཉམ་སྡེབ་བྱེད་སྒོ་སྤེལ་བར་ཁྲིད་སྟོན་ཧུར་ཐག་བྱེད་པ་དང་། “དྲ་སྦྲེལ+ཏང་འཛུགས་སྐྱོང”གི་སྟབས་བདེའི་རང་བཞིན་འདོན་སྤེལ་གང་ལེགས་བྱས་ནས། “རིག་ལྡན་ཏང་འཛུཌ་སྐྱོང”གི་ལས་སྟེགས་སྤྱོད་པའི་ཁྱབ་རྒྱ་ཆེ་རུ་ཏན་ཏིག་བཏང་བ་རེད།
“དཔེ་སྟོན་གྱི་བཀྲག་མདངས་འཚེར་ས”གཏོད་པ་དང་སྐྱེད་སྲིང་བྱས་པ། རྫོང་དེས་ཏང་ཡོན་གྱི་སྐར་གསོག་དོ་དམ་ལམ་ལུགས་དོན་འཁྱོལ་ལ་དམ་འཛིན་བྱེད་པ་དང་། “སྐར་གསོག་དོ་དམ”བྱེད་སྟངས་ལ་བརྟེན་པ། ཏང་ཡོན་གྱི་དྲ་ཐོག་སློབ་སྦྱོང་དང་། དང་བླངས་པའི་བྱེད་སྒོ། བསམ་བློའི་སྙན་སེང་། བསམ་བློའི་མྱོང་ཚོར་སོཌ་དྲ་ཐོག་ནས་སྐར་གསོག་ལམ་ལུགས་ལག་ལེན་བསྟར་ཏེ། ཏང་ཡོན་གྱི་འོས་འགན་བསྒྲུབ་རྒྱུར་ལྟ་སྐུལ་བྱས་ནས་སྐར་གསོག་བརྒྱུད་ཏང་ཡོན་ལ་དཔྱད་གདེང་བྱས་པ་དང་ཆབས་ཅིག ཏང་རྩ་འཛུགས་དང་ཏང་ཡོན་གྱི་སྔོན་ཐོན་དཔེ་མཚོན་སྔོག་འདོན་དང་སྐྱེད་སྲིང་དང་། དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ། རིམ་ཁག་ཏང་ཡོན་ལས་བྱེད་པར་རང་འགུལ་ངང་སྔོན་ཐོན་གྱི་ཚད་གཞི་དང་བསྡུར་བར་ཁྲིད་སྟོན། “འགྲན་སློབ་སྙེག་རོཌ་བརྒལ”གྱི་རྣམ་པ་བཟང་པོ་ཆགས་པར་བཅས་བྱས་ནས། རྒྱ་ཆེའི་ཏང་ཡོན་གྱི་ཡར་རྒྱས་བརྩོན་ལེན་གྱི་བསམ་བློ་འཕེལ་བར་བྱས་པ་རེད།