“ལོ་ལྔ་ཚན་བཅུ་བཞི་པའི”འཆར་འགོད་དང་2035ལོའི་རྒྱང་རིང་དམིགས་ཚད་རྩ་གནད་གཞིར་བཟུང་། རང་རྒྱལ་གྱིས་ནུས་ཤུགས་ཡོད་རྒུ་དང་འཁོས་དཔག་ལས་སྒྲུབ་མཐའ་འཁྱོངས་བྱས་ཏེ། གཞི་རྩའི་སྤྱི་པའི་ཞབས་ཞུའི་མ་ལག་འཐུས་སྒོ་ཚང་དུ་གཏོང་བ་དང་། ཀུན་ཕན་རང་བཞིན་དང་། རྨང་གཞིའི་རང་བཞིན། ཐ་སྐྱོང་རང་བཞིན་བཅས་ཀྱི་དམངས་འཚོ་འཛུགས་སྐྱོང་ལ་ཤུགས་སྣོན་རྒྱག་པ། མཉམ་སྐྲུན་དང་། མཉམ་བཅོས། མཉམ་སྤྱོད་བཅས་ཀྱི་སྤྱི་ཚོགས་བཅོས་སྐྱོང་ལམ་ལུགས་འཐུས་སྒོ་ཚང་དུ་གཏོང་བ། ཐུན་མོང་འབྱོར་ཕྱུག་ལ་སྐུལ་འདེད་གཏོང་བའི་བྱ་སྤྱོད་ཀྱི་རྩ་འཛིན་བཟོ་བ། རང་རྟོགས་ངང་ས་ཁུལ་དང་གྲོང་ཁྱེར་དང་གྲོང་གསེབ་ཀྱི་ཡོང་འབབ་ཀྱི་ཧེ་བག་ཆུང་དུ་གཏོང་བ་བཅས་བྱས་ནས། འཕེལ་རྒྱས་ཀྱི་གྲུབ་འབྲས་དེ་བས་མང་བ་དང་དེ་བས་དྲང་གཞག་ངང་དམངས་ཡོངས་ལ་ཕན་པ་བཏགས་ཏེ་མི་དམངས་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་རྒྱུན་ཆད་མེད་པར་ཟབ་ཏུ་གཏོང་རྒྱུ་རེད།
འདི་ནི་ཕྲུ་གུ་ཚོས་ཤིན་ཅང་ཧོ་ཐན་གྲོང་ཁྱེར་གྱི“ཡུལ་སྐོར་ཁྲོམ་གཞུང”གི་ཕུག་རོན་སྲང་ལམ་དུ་རྩེད་མོ་རྩེ་བཞིན་པ།
དཔྱིད་རྨོད་ཀྱི་དུས་ཚིགས་སུ་འགྱིག་ཤོག་དྲོད་ཁང་ནང་བྲེལ་འཚུབ་ཀྱི་རྣམ་པས་ཁེངས་ཤིང་ཡོད། ས་གནས་དེ་གའི་ཞིང་པས་ཞིང་དུས་ལ་དམ་འཛིན་ནན་པོ་བྱས་ཏེ། ས་བོན་འདེབས་པ་དང་། ལྗང་པ་གསོ་བ། གཡོག་བྱེད་བྱེད་པ་སོགས་བྱས་ནས་འདི་ལོ་ལོ་ལེགས་ཡོང་བར་རྨང་གཞི་འདིང་བཞིན་ཡོད། ཉེ་བའི་ལོ་ཤས་རིང་ཧོ་པེ་ཞིང་ཆེན་ཐང་ཧྲན་གྲོང་ཁྱེར་ཧྥུང་ནན་ཆུས་ཀྱིས་ཞིང་ལས་ཀྱི་ཁྱད་ཆོས་ལྡན་པའི་ཆེད་ལས་གྲོང་ཚོ་དང་། ཆེད་ལས་དུད་ཚང་འཛུགས་སྐྱོང་ལ་སྐུལ་འདེད་བཏང་བས། “གྲོང་ཚོ་གཅིག་ལ་སྤུས་རྟགས་གཅིག”དང“གྲོང་ཚོ་མང་པོར་སྤུས་རྟགས་གཅིག”གི་ཐོན་ལས་རྣམ་པ་རིམ་གྱིས་གྲུབ་ནས་ཧྥུང་ནན་ཆུས་ཡོངས་ཀྱི་གྲོང་གསེབ་དར་རྒྱས་ལ་རྨང་གཞི་བརྟན་པོ་བཏིང་ཡོད།
འདི་ནི་ཀོང་ཤིས་རུང་ཧྲུའེ་མེའོ་རིགས་རང་སྐྱོང་རྫོང་ཀན་ཏུང་ཤང་ཏང་ཅིའུ་གྲོང་ཚོ་ཝུའུ་དབྱིང་མེའོ་རིགས་གྲོང་སྡེར་ཀོང་ཏུང་རྒྱ་མཚོ་སློབ་ཆེན་གྱི་དགེ་རྒན་ཆེ་མོ་བ་ཁྲེན་ཐའོ་ཡིས་མཚན་མོའི་སློབ་གྲྭའི་འཛིན་གྲྭར་བུད་མེད་ཚོར་སློབ་ཚན་ཁྲིད་བཞིན་པ།
འདི་ནི“2020ལོའི་ཧྲང་ཧའེ་གྲོང་ཁྱེར་གྱི་དབྱར་དུས་ཤེས་ལྡན་མི་སྣའི་བསྡུ་ཚོགས་དང་མཐོ་སློབ་སློབ་ཐོན་སློབ་མའི་ངོ་འཕྲད་གྲོས་མོལ་ཚོགས་འདུའི”ཐོག ལས་ཀ་འཚོལ་མཁན་གྱིས་ལས་བསྡུ་ཚན་པའི་ཆ་འཕྲིན་ཤེས་རྟོགས་བྱེད་བཞིན་པ།
ས་བབ་མཐོ་ཚད་སྨི་4000ལྷག་ཙམ་ཟིན་པའི་བདེ་སྐྱིད་རྒན་གསོ་ཁང་ནི་མཚོ་སྔོན་ཞིང་ཆེན་གྱི་ས་བབ་མཐོ་ཤོས་ཀྱི་རྒན་གསོ་ཁང་གི་གྲས་ཤིག་ཡིན། འདི་ནི་ལི་ཤིན་ཤང་གི་རྒན་མོ་སྐར་རྒྱལ་བསོད་སྒྲོན་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཀྲོའུ་འབྲི་སྟོད་རྫོང་གི་བདེ་སྐྱིད་རྒན་གསོ་ཁང་དུ་ཡོད་པ།
ཉེ་བའི་ལོ་ཤས་རིང་། ཉིང་ཞ་ཤིས་ཅི་རྫོང་གིས་ལས་ཞུགས་ཁྲོམ་རའི་དགོས་མཁོ་སྟོན་ཕྱོགས་སུ་བྱས་ནས། ཐོན་ལས་དང་སློབ་སྦྱོང་མཉམ་འདྲེས་གཏིང་ཟབ་ཏུ་གཏོང་བ་དང་། སློབ་གསོ་ཆ་འཕྲིན་ཅན་ལ་སྐུལ་འདེད་གཏོང་བ་སོགས་ཀྱི་བྱེད་ཐབས་བརྒྱུད། ལས་རིགས་སློབ་གསོ་འཕེལ་རྒྱས་གཏོང་བ་དང་། དབུལ་སྒྲོལ་གྱི་ནང་སྐྱེས་སྒུལ་ཤུགས་འཕེལ་བ་བྱེད་པ། “མི་གཅིག་སློབ་གྲྭར་བསྐྱོད་ཚེ་དེ་ལས་ཞུགས་ཐུབ་པ་དང་ཁྱིམ་ཚང་དབུལ་སྒྲོལ་ཐུབ་པའི”བརྩོན་ལེན་བྱེད་ཅིང་། འདི་ནི་ཤིས་ཅི་རྫོང་ལས་རིགས་སློབ་འབྲིང་དུ་རླངས་འཁོར་ཉམས་གསོའི་ཆེད་ལས་ཀྱི་སློབ་མས་རླངས་འཁོར་ཉམས་གསོ་བྱེད་སྟངས་སྦྱོང་བཞིན་པ།