ཏང་གི་ལོ་རྒྱུས་སློབ་སྦྱོང་སློབ་གསོ་དང“ཆབ་སྲིད་ཀྱི་ཚད་གཞི་དེ་བས་མཐོ་བ་དང་། ཏང་གཤིས་ཀྱི་བླང་བྱ་དེ་བས་ནན་པ། རྩ་འཛུགས་ཀྱི་སྒྲིག་ཁྲིམས་དེ་བས་དམ་པ”བཅས་དགོས་པའི་ཆེད་དོན་སློབ་གསོ་གཏིང་ཟབ་སྤེལ་ཆེད། ཟངས་རི་རྫོང་གིས་ཏང་ཡོན་ལས་བྱེད་པ་སྒྲིག་འཛུགས་བྱས་ཏེ། ལྷོ་ཁ་གྲོང་ཁྱེར་གྱི་གསར་བརྗེའི་སློབ་གསོ་རྟེན་གཞིར་བསྐྱོད་ནས་གསར་བརྗེའི་འབྱོར་ཐོ་འགོད་པའི་བྱེད་སྒོ་སྤེལ་བ་རེད།
རྫོང་དེས་རྒྱ་ཆེའི་ཏང་ཡོན་ལས་བྱེད་པར་གསར་བརྗེའི་སྲོལ་རྒྱུན་དར་སྤེལ་ཤུགས་ཆེན་དང་གསར་བརྗེའི་ས་བོན་རྒྱུན་འཛིན་བྱས་ཏེ། གུང་ཁྲན་ཏང་མེད་ན་ཀྲུང་གོ་གསར་པ་མེད་པ་དང་། གསར་བརྗེའི་སྔོན་གཤེགས་དཔའ་བོའི་རླབས་ཆེན་བློས་གཏོང་མེད་ཚེ་བོད་ཀྱི་མི་རིགས་ཁག་གི་མང་ཚོགས་ཀྱི་ད་ལྟའི་བདེ་སྐྱིད་ལྡན་པའི་འཚོ་བ་དེ་མེད་ལ། སྤྱི་ཚོགས་རིང་ལུགས་ཀྱི་བོད་ལྗོངས་གསར་པ་དེ་བས་ཀྱང་མེད་པ་མྱོང་ཚོར་གཏིང་ཟབ་ཐུབ་པ་བྱེད་དགོས་པ་དང་། ཏང་གི་ལོ་རྒྱུས་སློབ་སྦྱོང་སློབ་གསོ་དང“དེ་བས་གསུམ”གྱི་ཆེད་དོན་སློབ་གསོ་གཏིང་ཟབ་སྤེལ་ཏེ། རྒྱ་ཆེའི་ཏང་ཡོན་ལས་བྱེད་པར་ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ་བཅས་ལ་སྐུལ་འདེད་གཏོང་དགོས་པ། “ངས་མང་ཚོགས་ལ་བྱ་བ་དངོས་སྒྲུབ་པའི”ལག་ལེན་བྱེད་སྒོ་དང་། གསར་བརྗེའི་མྱོང་རོལ་ལྟ་ཀློག་ཚོགས་འདུ། གསར་བརྗེའི་གློག་བརྙན་ལྟ་བ། གསར་བརྗེའི་སློབ་གསོའི་འབྱོར་ཐོ་འགོད་པ་སོགས་ཀྱི་བྱེད་སྒོ་ཏན་ཏིག་ངང་ཡག་པོ་སྤེལ་བ་དང་སྦྲགས། གསར་བརྗེའི་ས་བོན་རྒྱུན་འཛིན་བྱས་ཏེ་ཕུལ་བྱུང་གྲུབ་འབྲས་ལ་བརྟེན་ནས་ཏང་དབུ་བརྙེས་ནས་ལོ་ངོ་100འཁོར་བར་བསུ་བ་ཞུ་དགོས་པ་བཅས་ཀྱི་བླང་བྱ་བཏོན་པ་རེད།