འདི་ནི་ཟླ་རྒོད་སྐྱེས་ཀྱི་འདྲ་པར་ཡིན་པ།

འདི་ནི་ཟླ་རྒོད་སྐྱེས་དང་ཁོང་གི་ནང་མིའི་པར་ཡིན་པ།

འདི་ལོ་ལོ་76ལ་སླེབས་པའི་ཟླ་རྒོད་སྐྱེས་ནི་གཞིས་རྩེ་གྲོང་ཁྱེར་རྒྱལ་རྩེ་རྫོང་ལྕང་ར་ཤང་བརྒྱ་གྲོང་སྟོད་གྲོང་ཚོར་སྐྱེས།

“བོད་རྙིང་པ་ནི་གདུག་རྩུབ་ཆེ་བ་ཞིག་ཡོད། སྐབས་དེ་དུས་མངའ་བདག་གིས་ཞིང་བྲན་ལ་འཛིན་པའི་ལྟ་སྟངས་ནི་རྟ་ཟོག་སེམས་ཅན་ལས་སྐྱོ་བ་ཡོད”ཅེས་ཁོང་གིས་རང་ཉིད་ཀྱི་བྱིས་དུས་ཕྱིར་དྲན་བྱེད་བཞིན་དུ་བཤད།

སྐབས་དེ་དུས་ཟླ་རྒོད་སྐྱེས་ཀྱི་ནང་མི་དྲུག་པོ་ས་གནས་དེ་གའི“ཡབ་གཞིས་ཕུན་ཁང་གཞིས་ཀར”གཡོག་རྒྱུག་གི་ཡོད་པ་དང་ཕ་ཚ་བུ་རྒྱུད་ཚང་མ་ཁྲལ་པ་རེད། “ཞིང་བྲན་བདག་པོའི་མིག་ནང་ཞིང་བྲན་ནི་རྟ་ཟོག་སེམས་ཅན་ལྟ་བུར་བརྩི་གི་ཡོད། དོན་མེད་ཉེས་རྡུང་གཏོང་བ་དང་བློ་ལ་མ་ཕྱིན་ན་མིག་རིལ་འདོན་གྱི་ཡོད”ཅེས་ཟླ་རྒོད་སྐྱེས་ཀྱིས་བཤད།

ལོ་ཞིག་གི་སྟོན་ཁར་ཞིང་བྲན་ཚོས་ཉིན་མཚན་བལྟོས་མེད་ངང་མངའ་བདག་གི་ནས་བརྔ་སྐབས་ལོ་8ལ་སླེབས་པའི་ཟླ་རྒོད་སྐྱེས་ཀྱིས་གཉེར་པར་ཇ་སྐོལ་རོགས་བྱས། ཆུ་རྦད་དེ་འཁོལ་མེད་སྟབས་གཉེར་པས་རྡོ་ཞིག་བསྒྲུགས་ནས་ཟླ་རྒོད་སྐྱེས་ཀྱི་མགོ་ལ་གཞུས་པས་ཁོང་ཁྲག་དོན་ནས་ས་ལ་འགྱེལ།

1959ལོར་ཟླ་རྒོད་སྐྱེས་ཀྱི་ཁྱིམ་ཚང་ལ་ས་ཞིང་མུའུ་50དང་། ནོར་1 རྟ་1 ལུག་15བཅས་བགོ་བཤའ་རག་ཡོད། ཟླ་རྒོད་སྐྱེས་ཀྱིས“སོ་སོར་བདག་པའི་ས་ཞིང་ཡོད་པས་དཀའ་ངལ་ཆེན་པོ་ཡོད་ནའང་སེམས་པ་སྐྱིད་པོ་འདུག དུས་དེ་ནས་བཟུང་ང་ཚོར་ལྟོ་རྒྱགས་ཚད་ཟ་རྒྱུ་བྱུང་ལ། ད་དུང་འབྲུ་རིགས་ལྷག་མ་རྣམས་བཙོངས་ནས་འཚོ་བ་སྐྱིད་པོ་ཞིག་སྐྱེལ་རྒྱུ་བྱུང”ཞེས་བཤད།

1972ལོར་ཟླ་རྒོད་སྐྱེས་གུང་ཁྲན་ཏང་ལ་ཞུགས་པ་མ་ཟད། བརྒྱ་གྲོང་སྟོད་གྲོང་ཚོའི་ལས་བྱེད་པ་ལོ་30ཙམ་བྱས་ཡོད། “གལ་ཏེ་གུང་ཁྲན་ཏང་གིས་ང་ཚོར་བཅིངས་འགྲོལ་བཏང་མེད་ཚེ་ང་རང་ད་བར་འཚོ་ཐབས་བྲལ་ཡོད། ཏང་ཡོན་ཞིག་བྱ་རྒྱུ་བྱུང་བ་ནི་ངའི་ཚེ་གང་གི་དོན་ཆེན་ཡིན”ཞེས་ཟླ་རྒོད་སྐྱེས་ཀྱིས་བཤད།

འདི་ལོའི་རྨོད་གཉའ་གཅོག་པའི་དུས་སུ་ཁོང་གིས་ཁོད་སྙོམས་པའི་ས་ཞིང་ལ་ལྟ་བཞིན་དུ“བོད་རྙིང་པར་ང་ཚོས་ས་ཞིང་ལ་འཁོན་འགྲས་བྱེད་ཀྱི་ཡོད། ད་ཆ་ང་ཚོ་ནི་ས་ཞིང་གི་བདག་པོར་གྱུར་ཡོད”ཅེས་བཤད།