ཉེ་ཆར་གཉའ་ནང་རྫོང་གིས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་གང་ལེགས་སྤྱད་དེ། གཉའ་ནང་རྫོང་གི་དམིགས་བསལ་ཁྱད་ཆོས་ལྡན་པའི་དུས་རབས་གསར་པའི་ཏང་གི་ལོ་རྒྱུས་སློབ་སྦྱོང་སློབ་གསོའི་ལྟེ་གནས་བཙུགས་པ་མ་ཟད། ལྟེ་གནས་དེ་ཉིད་རྫོང་ཡོངས་ཀྱི་ཏང་ཡོན་ལས་བྱེད་པའི་ཏང་གི་ལོ་རྒྱུས་སློབ་སྦྱོང་སློབ་གསོའི་འཐབ་ས་གཙོ་བོར་བརྩིས་ཏེ་གསར་བརྗེའི་ཐོན་ཁུངས་བེད་སྤྱོད་ཡག་པོ་དང་གསར་བརྗེའི་ས་བོན་རྒྱུན་འཛིན་ཡག་པོ་བྱས་ནས། རྫོང་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་པས་ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ་བཅས་བྱ་རྒྱུར་ཁྲིད་སྟོན་བྱས་པ་རེད།
གཉའ་ནང་རྫོང་གི་དུས་རབས་གསར་པའི་ཏང་གི་ལོ་རྒྱུས་སློབ་སྦྱོང་སློབ་གསོའི་ལྟེ་གནས་ཀྱིས“ཏང་གི་འོད་ཟེར་མཐའ་མཚམས་ཁུལ་ལ་འཕྲོས། མཐའ་མཚམས་མི་དམངས་སེམས་པ་ཏང་ལ་ཕྱོགས”ཞེས་པའི་བརྗོད་དོན་གཙོ་བོར་དམིགས་ཏེ“ཀྲུང་དབྱང”དང“ས་གནས”ཀྱི་འགྲེམས་ཁུལ་ཆེན་པོ་གཉིས་བཙུགས་ཡོད།
“ཀྲུང་དབྱང”འགྲེམས་ཁུལ་དུ་གཅིག་ནས་ཀྲུང་གོ་གུང་ཁྲན་ཏང་གི་ལོ་རྒྱུས་འཕེལ་རིམ་གྱི་འགྲེམས་པང་བཀོད་སྒྲིག་བྱས་ཏེ། ཀྲུང་གུང་ཚོགས་ཆེན་དང་པོ་ནས་ཀྲུང་གུང་ཚོགས་ཆེན་བཅུ་དགུ་པའི་བར་གྱི་པར་རིས་དང་ཚོགས་འདུའི་དགོངས་དོན་འགྲེམས་སྟོན་བྱས་པ་དང་། གཉིས་ནས་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་འགྲེམས་སྟོན་གྱི་འགྲེམས་པང་བཀོད་སྒྲིག་བྱས་ཡོད།
“ས་གནས”ཀྱི་འགྲེམས་ཁུལ་དུ་ཏང་གི་འོད་ཟེར་འོག་གཉའ་ནང་རྫོང་གི་མི་དམངས་ཀྱི་སེམས་པ་ཏང་ལ་ཕྱོགས་པའི་ནང་དོན་མཚོན་པར་བྱས་ཡོད། གཉའ་ནང་གི་ལོ་རྒྱུས་འཕེལ་རིམ་གྱི་འགྲེམས་པང་བཀོད་སྒྲིག་བྱས་ཏེ་དམངས་གཙོའི་བཅོས་སྒྱུར་བྱས་ཚུན་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་གཉའ་ནང་རྫོང་ལ་ཐོབ་པའི་ལོ་རྒྱུས་རང་བཞིན་གྱི་འཕོ་འགྱུར་དང་རླབས་ཆེའི་གྲུབ་འབྲས་འགྲེམས་སྟོན་བྱས་ཡོད།
གོམ་སྟབས་རྗེས་མར་གཉའ་ནང་རྫོང་གིས་མུ་མཐུད་ཏང་གི་ལོ་རྒྱུས་སློབ་སྦྱོང་སློབ་གསོའི་རྟེན་གཞིའི་དྲིལ་བསྒྲགས་ཁྲིད་སྟོན་གྱི་ནུས་པ་གང་ལེགས་འདོན་པ་དང་། གསར་བརྗེའི་རིག་གནས་ཀྱི་ས་བོན་རྒྱུན་འཛིན་དང་དར་སྤེལ་གཏོང་བ། རྒྱ་ཆེའི་ཏང་ཡོན་ལས་བྱེད་པ་དང་རྫོང་ཡོངས་ཀྱི་མི་རིགས་ཁག་གི་མང་ཚོགས་ཚོར་ཏང་གི་ལོ་རྒྱུས་ཁྲོད་ནས་བློ་གྲོས་དང་སྟོབས་ཤུགས་འཕེལ་བའི་ཁྲིད་སྟོན་བཅས་བྱས་ཏེ། ལོ་རྒྱུས་སྦྱངས་ནས་གནས་ལུགས་གསལ་རྟོགས་དང་། ལོ་རྒྱུས་སྦྱངས་ནས་གདེང་ཚོད་འཕེལ་བ། ལོ་རྒྱུས་སྦྱངས་ནས་སྤྱོད་བཟང་གོང་བཀུར། ལོ་རྒྱུས་སྦྱངས་ནས་ལག་ལེན་ཧུར་ཐག་བཅས་བྱས་ཏེ་བློ་སྟོབས་ཆེན་པོ་དང་ཕུལ་བྱུང་གི་གྲུབ་འབྲས་ལ་བརྟེན་ནས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་བསུ་བ་ཞུ་རྒྱུ་ཡིན་པ་རེད།