སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་བླང་བྱ་གཞིར་བཟུང་། རིམ་པ་ཁག་གི་བཀོད་སྒྲིག་བླང་བྱར་གཞིགས་ནས་སྤོ་བོ་རྫོང་གི་གྲོང་ཚོར（གྲོང་ལྷན）བཅའ་སྡོད་ལས་དོན་རུ་ཁག་ཁག་གིས་ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་སྤེལ་ཏེ་ཏང་གི་ལོ་རྒྱུས་སློབ་སྦྱོང་དང་བསམ་བློའི་གོ་རྟོགས་མཐོ་རུ་གཏོང་བའི་ཚ་རླབས་ཤིག་འཕྱུར་བར་བྱས་ཡོད།
དགོན་ཐང་གྲོང་ཚོར་བཅའ་སྡོད་སྤོ་བོ་རྫོང་སྨན་བཅོས་འགན་སྲུང་ཅུས་དང་ཡིད་འོང་ཤང་མི་དམངས་སྲིད་གཞུང་གི་ལས་དོན་རུ་ཁག་གིས“མདུན་དུ་སྐྱོད་པ་དང་མིག་དཔེ་འདོན་པའི”སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་གཟའ་འཁོར་རེའི་གཟའ་སྤེན་པ་དང་ཉི་མ་གཉིས་ལས་དོན་རུ་ཁག་གི་ཏང་གི་ལོ་རྒྱུས་སློབ་སྦྱོང་ཉིན་མོར་བརྩིས་ཏེ་ཚང་མ་རུབ་རུབ་བྱས་ནས་ཏང་གི་ལོ་རྒྱུས་སློབ་སྦྱོང་དང་ཉམས་མྱོང་སྤེལ་རེས་བྱེད་པ་དང་། ཡག་ཐ་གྲོང་ཚོར་བཅའ་སྡོད་སྤོ་བོ་རྫོང་མི་དམངས་ཁྲིམས་ཁང་དང་གཡུ་ཤུལ་ཤང་མི་དམངས་སྲིད་གཞུང་གི་ལས་དོན་རུ་ཁག་གིས“སློབ་སྦྱོང་བྱེད་ཀྱིན་འཆད་ཁྲིད་བྱེད་པའི”བསམ་ཕྱོགས་གཞིར་བཟུང་། ཏང་གི་ལོ་རྒྱུས་འཕེལ་རྒྱས་དུས་མཚམས་ཀྱི“དུམ་བུ་རེ་རེ་བཞིན་སློབ་སྦྱོང་ཞིབ་ཚགས་བྱ་རྒྱུར”གཞིགས་ནས་གོམ་སྟབས་རྗེས་མར་གྲོང་ཚོའི་ལས་བྱེད་པར་སྒྲོག་འགྲེལ་བྱ་རྒྱུར་རྨང་གཞི་འདིང་བ། ཁམས་མདའ་གྲོང་ཚོར་བཅའ་སྡོད་སྤོ་བོ་རྫོང་འགྲིམ་འགྲུལ་སྐྱེལ་འདྲེན་ཅུས་དང་ཆུ་མདོ་གྲོང་རྡལ་མི་དམངས་སྲིད་གཞུང་གི་ལས་དོན་རུ་ཁག་གིས་གྲོང་ཚོའི་ཏང་ཀྲི་པུར་གཞོགས་འདེགས་བྱས་ཏེ་གྲོང་ཚོའི“ཨུ་ལྷན་གཉིས”ཚན་ཁག་གི་ཁོངས་མིར“ཏང་གི་ལོ་རྒྱུས་སློབ་སྦྱོང་ལ་ཤུགས་སྣོན་བརྒྱབ་སྟེ་གུན་ཁྲན་རིང་ལུགས་ཀྱི་དད་སེམས་བརྟན་དུ་གཏོང་རྒྱུའི”ཏང་གི་སློབ་ཚན་ཞིག་འཚོགས་ནས་ཏང་གི་ལོ་རྒྱུས་སློབ་སྦྱོང་གི་ཁ་ཕྱོགས་དང་། གཙོ་གནད། གོ་རིམ་སོགས་ཁ་གསལ་ཡོང་བ་བྱས་པ་རེད། བཟའ་རི་གྲོང་ཚོར་བཅའ་སྡོད་སྤོ་བོ་རྫོང་ཞིབ་དཔྱོད་ཁང་དང་གཡུ་ཤུལ་ཤང་མི་དམངས་སྲིད་གཞུང་གི་ལས་དོན་རུ་ཁག་གིས་གྲོང་ཚོའི་ལས་བྱེད་པ་འཆད་སྟེགས་ཐོག་བསྐྱོད་དེ་གྲོང་ཚོ་ཡོངས་ཀྱི་ཏང་ཡོན་ལ་ཏང་གི་ལོ་རྒྱུས་བརྗོད་པ་དང་རང་ཉིད་ཀྱི་སློབ་སྦྱོང་མྱོང་ཚོར་བརྗོད་དེ་ཏང་གི་ལོ་རྒྱུས་སློབ་སྦྱོང་བྱ་རྒྱུ་དེ་མང་ཚོགས་དང་འབྲེལ་འདྲིས་བྱེད་དགོས་པའི་ལྕག་སྐུལ་བྱས་པ་རེད།