འདི་ནི་2020ལོའིཟླ་8ཚེས་15ཉིན་ཆབ་མདོ་གྲོང་ཁྱེར་གྱི“གྲོང་ཁྱེར་བརྒྱ་དང་ཁེ་ལས་བརྒྱས་འཛད་སྤྱོད་ལ་སྐུལ་འདེད་གཏོང་བའི”བྱེད་སྒོ་སྤེལ་ཡུལ་ཡིན་པ།

2020ལོའི་ཟླ་2ཚེས་12ཉིན“ཁྲུང་ཆིང་གི་ཁ་གཏད་བོད་སྐྱོར་འཛད་སྤྱོད་དབུལ་སྐྱོར་ཚོགས་ཆེན་དང་བོད་རང་སྐྱོང་ལྗོངས་ཆབ་མདོ་གྲོང་ཁྱེར་གྱི་འཛད་སྤྱོད་དབུལ་སྐྱོར་གཟའ་འཁོར་གྱི་བྱེད་སྒོ་རབ་དང་རིམ་པ”ཁྲུང་ཆིང་དུ་སྤེལ་འགོ་ཚུགས་པ་རེད།

“བོད་ལྗོངས་ཆབ་མདོའི་ཐོན་རྫས་དངོས་གནས་ཡག་པོ་འདུག་ལ་རིན་གོང་ཡང་འཚམ་པོ་འདུག བྱེད་སྒོ་སྤེལ་བའི་ཉིན་7རིང་བྲིན་ཚོང་ཡོང་འབབ་སྒོར་ཁྲི་40ལྷག་ཙམ་བྱུང”ཞེས་བོད་ལྗོངས་འགྲེམས་ཁང་གི་འགན་འཁུར་བ་ཝང་རེན་གྱིས་ཆབ་མདོའི་ཐོན་རྫས་ལ་བསྔགས་བརྗོད་ཆེན་པོ་བྱེད་ཀྱི་ཡོད།

འདི་ནི་ཆབ་མདོ་གྲོང་ཁྱེར་གྱིས་སྤྱི་ཚོགས་ལས་རིགས་ཁག་གི་སྟོབས་ཤུགས་སྐུལ་སློང་ཧུར་ཐག་བྱས་ཏེ་བྱེད་སྒོར་ཞུགས་ནས་ཆབ་མདོའི་རིམ་པ་དེ་ག་དང་། བོད་སྐྱོར་ཞིང་ཆེན་དང་གྲོང་ཁྱེར། ནང་སའི་ཁྲོམ་ར། སྤྱི་ཚོགས་ཁེ་ལས། མང་ཚོགས་དཀྱུས་མ་བཅས་རིམ་པ་མང་པོའི་འཛད་སྤྱོད་དབུལ་སྐྱོར་མ་ལག་གི་གསོན་ཉམས་དོད་པའི་རྣམ་པ་ཞིག་གྲུབ་ཡོད།

ན་ནིང་གི་ཟླ་10པར་ཆབ་མདོ་གྲོང་ཁྱེར་གྱིས་ཐེན་ཅིན་དུ་འཛམ་གླིང་སྣེ་གསུམ་པ·གནམ་སྔོན་དྭངས་གཙང་དབུལ་སྐྱོར་ཁང(ནན་ཁའེ་ཁང)བཙུགས་ཏེ། རིམ་རྩིས་བྱས་ན་ཞིང་ཞོར་ཁྱད་ལྡན་ཐོན་རྫས་སྣ་ཁ་117ལྷག་ཙམ་འགྲེམས་སྟོན་གྱིས་བྲིན་ཚོང་ཡོང་འབབ་སྒོར་ཁྲི་53ལྷག་ཙམ་བྱུང་བ་དང་། ཕུའུ་ཅན་གྱི་བྲིན་ཚོང་ས་ཚིགས་7དང་ཞིང་ཞོར་ཁྱད་ལྡན་ཐོན་རྫས་ཀྱི་མཁོ་སྤྲོད་གྲོས་མཐུན་བཞག་སྟེ་རིམ་རྩིས་བྱས་ན་བྲིན་ཚོང་ཡོང་འབབ་སྒོར་ཁྲི་50.18བྱུང་ཡོད།

ན་ནིང་ཚུན་དུ་ཆབ་མདོ་གྲོང་ཁྱེར་གྱིས་འཛད་སྤྱོད་དབུལ་སྐྱོར་ཤུགས་ཆེན་བྱས་ཏེ་སྲིད་གཞུང་གིས་སྣེ་ཁྲིད་དང་། ཁྲོམ་རའི་འཁོར་རྒྱུག ཕྱོགས་མང་ཞུགས་པ། གཉིས་ཕན་གཉིས་ཁེ་བཅས་ཀྱི་རྩ་དོན་མཐའ་འཁྱོངས་བྱས་ཏེ་སྤྱི་ཚོགས་ལས་རིགས་ཁག་འཛད་སྤྱོད་དབུལ་སྐྱོར་ལ་ཞུགས་པའི་ཧུར་སེམས་ལ་སྐུལ་སློང་དང་། རྫོང་དང་ཆུས་ཁག་གི་ཐོན་ལས་འཕེལ་རྒྱས་དང་མང་ཚོགས་དབུལ་པོའི་འབབ་འཕར་ལ་སྐུལ་འདེད་བཏང་ནས་དབུལ་སྒྲོལ་འགག་སྒྲོལ་གྱི་མཇུག་བསྡུའི་དམག་འཐབ་ལ་དུས་བཀག་ལྟར་རྒྱལ་ཁ་ལེན་པའི་རོགས་རམ་བྱས་ཡོད།

འཛད་སྤྱོད་དང་། མ་འཇོག ཕྱིར་ཚོང་བཅས་ནི་དཔལ་འབྱོར་ལ་སྐུལ་འདེད་གཏོང་བའི“ཤིང་རྟ་གསུམ”དང་མཚུངས་ཤིང་། དབུལ་སྒྲོལ་འགག་སྒྲོལ་གྱི་ངོས་ནས་བརྗོད་ན། འཛད་སྤྱོད་ཀྱི་སྐུལ་འདེད་ནུས་པ་ནི་ཀུན་ཕན་ཆེ་ཤོས་དང་ཡུན་རིང་ཤོས་རེད། ཆབ་མདོ་གྲོང་ཁྱེར་གྱིས་འཛད་སྤྱོད་དབུལ་སྐྱོར་གྱི་རིན་ཐང་ལ་ཕྱོགས་བསྡུས་བསམ་གཞིག་བྱས་ཏེ་ཕྱོགས་མང་མཉམ་འགུལ་གྱིས་བྱེད་ཐབས་རབ་དང་རིམ་པ་ལག་བསྟར་བྱས་ནས་འཛད་སྤྱོད་མགྱོགས་སུ་བཏང་ཡོད།

གྲོང་ཁྱེར་དབུལ་སྐྱོར་གསར་སྤེལ་ཅུས་ཀྱི་འབྲེལ་ཡོད་འགན་འཁུར་བས། གོམ་སྟབས་རྗེས་མར་ཆབ་མདོ་གྲོང་ཁྱེར་གྱིས་མུ་མཐུད་འཛད་སྤྱོད་དབུལ་སྐྱོར་དབུལ་སྒྲོལ་འགག་སྒྲོལ་གྱི་གྲུབ་འབྲས་བརྟན་དུ་གཏོང་བའི་བྱེད་ཐབས་གལ་ཆེན་ཞིག་ལ་བརྩིས་ཏེ། སྤྱི་ཚོཌ་ཡོངས་ཀྱི་སྟོབས་ཤུགས་མཐུན་སྦྱོར་སྐུལ་སློང་གིས་དབུལ་སྐྱོར་ཐོན་རྫས་བྲིན་ཚོང་གི་ཐབས་ལམ་ཟམ་མི་ཆད་པར་རྒྱ་སྐྱེད་བཏང་ནས་ཐོན་ལས་སྤུས་འབོར་གཉིས་ལྡན་དང་མང་ཚོཌ་ཀྱི་ལས་ཞུགས་འབབ་འཕར་མངོན་འགྱུར་བྱུང་བ་རེད་ཅེས་བཤད།