ཉེ་ཆར། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་ལ་རྒྱལ་ཡོངས་ཀྱི་དབུལ་སྒྲོལ་འགག་སྒྲོལ་གྱི་སྔོན་ཐོན་མཉམ་སྡེབ་ཀྱི་མཚན་སྙན་ཐོབ་པ་རེད། རྒྱལ་ཡོངས་སུ་དབུལ་སྒྲོལ་འགག་སྒྲོལ་གྱི་དམག་འཐབ་རྒྱག་འགོ་ཚུགས་ཚུན། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས་ཏང་ཀྲུང་དབྱང་གི་དབུལ་སྒྲོལ་འགག་སྒྲོལ་གྱི་འཐབ་ཇུས་བཀོད་སྒྲིག་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དབུལ་སྐྱོར་ལས་དོན་སྐོར་གྱི་རྣམ་བཤད་དང་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ནས། དངུལ་ཁང་གི་གོང་འོག་ཚང་མས་ཏང་རྩ་འཛུགས་ཀྱི་གཅིག་གྱུར་འགོ་ཁྲིད་ལ་ཤུགས་སྣོན་རྒྱག་པ་དང་ཆབ་སྲིད་ཀྱི་ཚུགས་གནས་མཐོར་གཏོང་། སྤྱི་ཚོགས་ཀྱི་འགན་འཁྲི་ཕྲག་ཏུ་འཁུར་བ་སོགས་དབུལ་སྒྲོལ་འགག་སྒྲོལ་གྱི་དངུལ་རྩའི་ཞབས་ཞུ་ཡག་པོ་བསྒྲུབ་རྒྱུ་དེ“འདུ་ཤེས་བཞི”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པ་བྱ་རྒྱུའི་ཞིབ་ཕྲའི་བྱ་ཐབས་སུ་དམ་འཛིན་བྱས་ནས་དངུལ་རྩའི་དབུལ་སྐྱོར་སྲིད་ཇུས་ཀྱི་ཁྲིད་སྟོན་ཁ་གསལ་དང་། དབུལ་སྐྱོར་དངུལ་བུན་གཏོང་འཇོག་བྱེད་ཤུགས་ཆེ་རུ་གཏོང་བ། དངུལ་རྩའི་ཞིང་གསུམ་ཞབས་འདེགས་ལེགས་གཏོང་བཅས་ཀྱི་སྒོ་ནས་ས་གནས་ཀྱི་དཔལ་འབྱོར་འཛུགས་སྐྲུན་ལ་རང་འགུལ་ངང་ཧུར་ཐག་ཞུགས་པ་མ་ཟད། རང་སྐྱོང་ལྗོངས་ཀྱི“སེམས་ཁྲལ་མེད་པ་གཉིས་དང་འགན་ལེན་གསུམ”གྱི་མངོན་གསལ་དོད་པའི་གནས་ཚུལ་ཐག་གཅོད་བྱ་རྒྱུར་དམིགས་ནས། བློ་བརྟན་འགྱུར་མེད་ངང་དངུལ་རྩའི་དབུལ་སྐྱོར་གྱི་འཐབ་ས་དང་པོར་བརྟན་སྲུང་བྱས་པ་རེད།