ཉེ་བའི་ལོ་ཤས་རིང་། འཕྱོངས་རྒྱས་རྫོང་གིས“4+5+3”གྱི་ལས་ཀའི་བསམ་ཕྱོགས་མཐའ་འཁྱོངས་བྱས་ནས་གྲོང་གསེབ་བཅོས་སྐྱོང་ལས་དོན་ཐད་བརྟན་ལ་གོ་རིམ་ལྡན་པའི་ངང་སྐུལ་འདེད་བཏང་བར་ཕན་འབྲས་བཟང་པོ་ཐོན་ཡོད།
འཕྱོངས་རྒྱས་རྫོང་གིས་གཞི་རྩའི་བྱ་ཐབས་ཁག་བཞི་ལ་དམ་འཛིན་ནན་པོ་བྱས་ནས། ཆབ་སྲིད་ཀྱི་ནུས་པ་མངོན་གསལ་དོད་དུ་དང་ཏང་གིས་གྲོང་གསེབ་ལས་དོན་ལ་ཕྱོགས་ཡོངས་ནས་འགོ་ཁྲིད་ཤུགས་ཆེ་རུ་བཏང་བས། གྲོང་གསེབ་ཀྱི་གཞི་རིམ་ཏང་རྩ་འཛུགས་ཀྱི་འགོ་ཁྲིད་ཀྱི་གནས་བབ་རྒྱུན་ཆད་མེད་པར་བརྟན་དུ་སོང་ཡོད། ཏང་རྩ་འཛུགས་ཀྱིས་འགོ་ཁྲིད་པའི་གྲོང་མིའི་རང་སྐྱོང་ལམ་སྲོལ་འཐུས་སྒོ་ཚང་དུ་གཏོང་བ་དང་གྲོང་མིའི་རང་སྐྱོང་ལམ་ལུགས་ལེགས་སྒྲིག་བྱས་པས་རང་ངོས་དོ་དམ་དང་། རང་ངོས་ཞབས་ཞུ། རང་ངོས་སློབ་གསོ། རང་ངོས་ལྟ་སྐུལ་བཅས་ཀྱི་ཆུ་ཚད་མཐོ་རུ་སོང་ཡོད། སློབ་གསོ་ཁྲིད་སྟོན་དང་། ལག་ལེན་རྒྱུན་འཇགས། ལམ་ལུགས་འགན་ལེན་བཅས་དོ་དམ་གསུམ་ཆ་ཚང་མཐའ་འཁྱོངས་དང་། ཏང་ཡོན་གྱིས་སྣེ་ཁྲིད་དང་མང་ཚོགས་རང་སྐྱོང་མཉམ་སྤེལ། གོམས་སྲོལ་བསྒྱུར་རྒྱུར་སྐུལ་འདེད་ཧུར་ཐག་གཏོང་བ་བཅས་བྱས་ཏེ་སྲོལ་གསར་སྤྱོད་གཙང་དར་སྤེལ་ཤུགས་ཆེན་བཏང་ཡོད། ཁྲིམས་སྐྱོང་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་གྲོང་སྲོལ་དམངས་ཆིངས་འཛུགས་པ་དང་འཐུས་སྒོ་ཚང་བཏང་བས་གྲོང་གསེབ་བཅོས་སྐྱོང་ཁྲིམས་སྐྱོང་ཅན་གྱི་ཆུ་ཚད་མཐོ་རུ་སོང་ཡོད། ལས་ཀའི་ཉམས་མྱོང་ཁག་ལྔ་ཁྱབ་སྤེལ་བཏང་སྟེ། གྲོང་གསེབ་ཤེས་དཔལ་གྱི་དར་སྲོལ་གསར་པ་ཁྲིད་སྟོན་དུ་བྱས་ནས་མང་ཚོགས་གྲོང་གསེབ་བཅོས་སྐྱོང་ནང་ཞུགས་པའི་ཧུར་སེམས་སྐོང་འཐེན་བྱས་ཡོད། འབད་བརྩོན་བྱེད་ས་ཁག་གསུམ་མཐའ་འཁྱོངས་བྱས་ནས་གྲོང་ཚོའི(གྲོང་ལྷན)“ཨུ་ལྷན་གཉིས”ཀྱི་ཚན་ཁག་ལེགས་འདེམས་ཧྲག་སྒྲིག་བྱས་ཏེ། ཁྱད་ལྡན་ཐོན་ལས་འཕེལ་རྒྱས་ཤུགས་ཆེན་བཏང་བས་གྲོང་གསེབ་མཛེས་སུ་དང་། ཞིང་ལས་སྟོབས་ཆེ་རུ། ཞིང་པ་ཕྱུག་ཏུ་ཕྱིན་ཡོད་པ་རེད།