“ང་ན་ནིང་ནས་འདི་གར་བདེ་སྲུང་གི་ལས་ཀ་བྱེད་ཀྱི་ཡོད། དེ་གའི་ལས་སོས་ཡང་ལ་ཁྱིམ་དང་བར་ཐག་ཉེ་བ་མ་ཟད། ད་དུང་ཟླ་རེར་གླ་ཕོགས་སྒོར་3500ཡོད”ཅེས་ལྷ་ས་གྲོང་ཁྱེར་མ་འཇོག་མདོ་ལ་ཨར་འདམ་ཚད་ཡོད་ཀུང་སིའི་བདེ་སྲུང་བ་བཀྲ་ཤིས་ཀྱིས་གསར་འགོད་པར་བཤད།

ལྷ་ས་གྲོང་ཁྱེར་གྲོང་ཁྱེར་འཛུགས་སྐྲུན་མ་འཇོག་གཉེར་སྐྱོང་ཚད་ཡོད་ཀུང་སིས་ཀན་སུའུ་མདོ་ལ་ཨར་འདམ་ཚོགས་པ་ཚད་ཡོད་ཀུང་སི་དང་མཉམ་ལས་བྱས་ཏེ། 2017ལོའི་ཟླ་12པར“ལྷ་ས་གྲོང་ཁྱེར་མ་འཇོག་མདོ་ལ་རི་བོའི་ཨར་འདམ་ཚད་ཡོད་ཀུང་སི”བཙུགས་རྗེས་ལྷ་ས་གྲོང་ཁྱེར་སྟག་རྩེ་ཆུས་གཙང་རྟོགས་ཤང་བཙུན་མོ་ཚལ་གྲོང་ཚོར་ཨར་འདམ་གྱི་ཐོན་སྐྱེད་བསྒྲུབ་རིམ་གསར་པ་ཞིག་བཟོས་ནས། ལོར་ཨར་འདམ་ཏུན་ཁྲི་150ཐོན་སྐྱེད་བྱེད་ཀྱི་ཡོད།

ལྷ་ས་གྲོང་ཁྱེར་མ་འཇོག་མདོ་ལ་ཨར་འདམ་ཚད་ཡོད་ཀུང་སིས་བཟོ་གྲྭའི་ཁུལ་གྱི་འཛུགས་སྐྲུན་དང་དེ་བཞིན་རྣམ་གྲངས་ལ་མ་དངུལ་བཏང་ནས་སྤྱོད་ཚད་ཆེ་བའི་ལེགས་ཆ་གང་ལེགས་འདོན་པ་དང་། ཞིང་འབྲོག་པ་ལས་ཞུགས་གཞན་སྒྱུར་ལ་སྐུལ་འདེད་གཏོང་བ། ཞིང་འབྲོག་མང་ཚོགས་ཐག་ཉེ་སར་ལས་ཞུགས་ཐུབ་པར་རོགས་རམ་བཅས་བྱས་ནས། ཞིང་འབྲོག་པ་ཐོན་ལས་བཟོ་པར་གྱུར་ནས་མང་ཚོགས་དབུལ་པོ་ཕྱུག་འགྱུར་འབྱོར་འབྲིང་ལམ་དུ་སྐྱོད་པར་སྐུལ་ཁྲིད་བྱས་ཡོད།

ཟླ་7པའི་ཟླ་མཇུག་བར། རྣམ་གྲངས་སྐྲུན་རིང་ཐེམ་ཁོངས་བོད་ནས་ཡིན་པའི་བཟོ་པ་3337ལས་ཞུགས་གཞན་སྒྱུར་བྱས་པ་དང་། ངལ་ནུས་ཡོང་འབབ་སྒོར་ཁྲི་496.3མང་དུ་སོང་བ། འཕྲུལ་འཁོར་2450གཡར་ནས་ཡོང་འབབ་སྒོར་ཁྲི་1402.2བྱུང་ཡོད། མིག་སྔར་ཀུང་སིས་བོད་ཀྱི་མཐོ་སློབ་སློབ་ཐོན་སློབ་མ་41དང་འབྲོག་པ་17གི་ལས་ཞུགས་གནད་དོན་ཐག་གཅོད་བྱས་ཡོད།

ལྷ་ས་གྲོང་ཁྱེར་མ་འཇོག་མདོ་ལ་ཨར་འདམ་ཚད་ཡོད་ཀུང་སིས་ཀུང་སི་གནས་སའི་ས་ཁུལ་གྱི་ཞིང་འབྲོག་པར་ལས་ཞུགས་ལས་གནས་མཁོ་འདོན་བྱས་པ་མ་ཟད། ས་གནས་དེ་གའི་སློབ་གྲྭ་ཆེ་མོ་བའི་ལས་ཞུཌ་མཁན་ལ་རྩལ་ནུས་གསོ་སྦྱོང་གི་ལམ་སྲོལ་དང་བྱེད་ཐབས་རབ་དང་རིམ་པ་ལག་བསྟར་བྱས་ཡོད།

“ངའི་ནང་ཀུང་སིའི་འགྲམ་དུ་ཡོད། 2017ལོར་སློབ་ཆེན་ཐོན་རྗེས་ལྷ་ས་གྲོང་ཁྱེར་མ་འཇོག་མདོ་ལ་ཨར་འདམ་ཚད་ཡོད་ཀུང་སིར་ལས་ཀར་བསྐྱོད་པ་ཡིན། ལོ་གཉིས་རིང་ནང་སར་ཁོངས་གཏོགས་ཀྱི་གསོ་སྦྱོང་ལ་ཞུགས་པ་བརྒྱུད་དྲ་རྒྱའི་ལག་རྩལ་དང་དེ་བཞིན་རིག་ནུས་ཐད་ཀྱི་ཤེས་བྱ་ཤེས་བྱུང་། ད་ཆ་རང་ཉིད་ལ་གཏན་འཇཌ་ཀྱི་ཡོང་འབབ་ཡོད་པ་མ་ཟད། ལག་རྩལ་གསར་པ་ཡང་ཤེས་བྱུང་བས་དངོས་འབྲེལ་སེམས་ལ་དགའ་ཚོར་ཆེན་པོ་སྐྱེ་གི་འདུག”ཅེས་ཀུང་སིའི་ལག་རྩལ་མི་སྣ་ཚེ་བརྟན་བཀྲ་ཤིས་ཀྱིས་བཤད།