རྫོང་ཡོངས་ཀྱི་རིམ་ཁག་ལས་བྱེད་པའི་དབུལ་སྒྲོལ་འགག་སྒྲོལ་སྲིད་ཇུས་ཀྱི་རིགས་པའི་གཞུང་ལུགས་ཀྱི་ཆུ་ཚད་དང་ལས་ཀའི་ནུས་པ་སྔར་བས་ཆེ་རུ་གཏོང་བ་དང་། བྱང་ཚད་མཐོ་བའི་དབུལ་སྒྲོལ་འགག་སྒྲོལ་གྱི་ལས་དོན་སྒྲུབ་མཁན་དཔུང་ཁག་ཅིག་བསྐྲུན་ནས་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་མཐའ་གཅིག་ཏུ་ལེན་པ་དང་དབུལ་སྒྲོལ་འགག་སྒྲོལ་གྱི་ཕན་འབྲས་སྲ་བརྟན་དུ་གཏོང་ཆེད། ཉེ་དུས། སྦྲ་ཆེན་རྫོང་གིས་2020ལོར་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བའི་གསོ་སྦྱོང་འཛིན་གྲྭ་གཉེར་བར་དབུལ་སྐྱོར་ལས་བྱེད་པ་དང་གྲོང་གསེབ་དར་རྒྱས་ཀྱི་ཆེད་བསྐོས་ལས་བྱེད་པ་170ལྷག་ཙམ་ཞུགས་ཡོད་པ་རེད།
གསོ་སྦྱོང་དེ་ཏང་གི་ཚོགས་ཆེན་བཅུ་དགུ་པ་དང་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་། གསུམ་པ། བཞི་པ་བཅས་ཀྱི་དགོངས་དོན་མཛུབ་ཁྲིད་དུ་བྱས་ཏེ། གནད་སྨིན་དབུལ་སྐྱོར་དང་གནད་སྨིན་དབུལ་སྒྲོལ་ལས་དོན་གྱི་ནུས་པ་ཆེ་རུ་གཏོང་རྒྱུ་དམིགས་ཚད་དུ་བྱས་ཡོད། དགོས་མཁོའི་ཁྲིད་སྟོན་མངོན་གསལ་དོད་པོ་ཡོང་བ་དང་། རིགས་པའི་གཞུང་ལུཌ་ཀྱིས་དྲག་ཆས་སྤྲས་ཏེ་ཏང་གཤིས་ལ་ཞུན་བརྡར་གཏོང་བ། ལས་སྒོའི་གསོ་སྦྱོང་གི་བྱང་ཚད་མཐོ་རུ་གཏོང་བ་བཅས་བྱ་རྒྱུ་མཐའ་འཁྱོངས་བྱས་པ་དང་། རྫོང་ཡོངས་ཀྱི་དབུལ་སྐྱོར་གསོ་སྦྱོང་ཐོན་ཁུངས་ལ་སྤྱི་འདོམས་བྱས་ནས་དབུལ་སྒྲོལ་འགག་སྒྲོལ་སྲ་བརྟན་མཐོར་གཏོང་གི་སློབ་ཚན་འཚོགས་ཡོད། གསོ་སྦྱོང་བྱེད་དུས་གཙོ་བོར་དབུལ་སྐྱོར་ལས་ཀའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལ་དམིགས་ཏེ “གྲོང་ཚོ་རེ་ལ་མཉམ་ལས་ཁང་རེའི”འབྲེལ་ཡོད་ལས་དོན་ཡག་པོ་ཇི་ལྟར་སྒྲུབ་པ་དང་། ཏང་འཛུཌ་སྐྱོང་ལ་བརྟེན་ནས་དབུལ་སྒྲོལ་ལ་སྐུལ་འདེད་གཏོང་བའི་ལས་ཀར་མུ་མཐུད་དམ་འཛིན་ཡག་པོ་ཇི་ལྟར་བྱེད་པ། དབུལ་སྒྲོལ་འགག་སྒྲོལ་གྱི“ཕྱོགས་སྡོམ་ཆེན་པོའི”ལས་དོན་ཡག་པོ་ཇི་ལྟར་སྒྲུབ་པ། རྗེས་མཐུད་དབུལ་སྐྱོར་རྣམ་གྲངས་རེ་ཞུ་དང་། ལག་བསྟར། དོ་དམ་བཅས་ཀྱི་འབྲེལ་ཡོད་སྲིད་ཇུས་དང་། དབུལ་སྒྲོལ་འགག་སྒྲོལ་གྱི་གཙོ་གནད་སྲིད་ཇུས་གསལ་འགྲེལ་དང་གོམ་སྟབས་རྗེས་མར་གྲུབ་འབྲས་སྲ་བརྟན་མཐོར་གཏོང་ཇི་ལྟར་བྱེད་པ་སོཌ་ཀྱི་ནང་དོན་ཐད་གཞོལ་ཡོད།