མཛོ་སྒང་རྫོང་བཀྲ་གཡུས་གྲོང་རྡལ་དབྲ་པ་ཞིང་འབྲོག་པའི་ཆེད་ལས་མཉམ་ལས་ཁང་གི་འགྲེམས་སྟེགས་མདུན་དུ་གཡེར་མ་ཉོ་བཞིན་པའི་ནོར་བུས་གསར་འགོད་པར་ང་ནི་ས་སྐྱེས་རྡོ་སྐྱེས་ཀྱི་ཆབ་མདོ་བ་ཞིག་ཡིན། ད་ཆ་ཕ་མ་གཉིས་ང་དང་མཉམ་དུ་ལྷ་སར་སྡོད་ཀྱི་ཡོད། མ་གཞི་ཕ་མ་གཉིས་ཀྱིས་ཁ་ནས་གང་ཡང་མ་བཤད་ནའང་སེམས་ལ་ཕ་ཡུལ་ཧ་ཅང་དྲན་པོ་ཡོད་པ་ངས་ཤེས་ཀྱི་འདུག ངས་ཕ་མ་དབུལ་སྐྱོར་གྲུབ་འབྲས་འགྲེམས་སྟོན་ལ་ལྟ་སྐོར་དུ་ཁྲིད་དེ་ཆབ་མདོའི་ཡུལ་ཟོག་མང་ཙམ་ཉོས་ནས་ཕ་ཡུལ་གྱི་བཟའ་བཅའི་བྲོ་བ་མྱོང་དུ་འཇུག་གི་ཡིན”ཞེས་བཤད།

ད་རེས་ཆབ་མདོའི་འགྲེམས་ཁང་དུ་ཁྱོན་ཁེ་ལས་29དང་ཁྱད་ལྡན་ཐོན་རྫས་སྣ་ཁ་300ལྷག་ཙམ་འགྲེམས་སྟོན་ལ་ཞུགས་པས་དེ་གར་ཡོང་མཁན་ཧ་ཅང་མང་པོ་ཡོད། དཔའ་ཤོད་རྫོང་ལ་ལོངས་བྲ་བོའི་ལས་སྣོན་བཟོ་གྲྭའི་འགྲེམས་སྟེགས་མདུན་དུ་བྲ་བོའི་ཐོན་རྫས་ཉོ་མཁན་གྱི་མང་ཚོགས་ཧ་ཅང་མང་། གྲོང་མི་ཀྲང་ལགས་ཀྱིས“ང་དེ་སྔོན་ཆབ་མདོར་འགྲོ་སྐབས་བྲ་བོའི་སྔས་མགོ་ཉོས་པ་ཡིན། སྔས་མགོ་འདི་གཞན་ལས་བདེ་བ་མ་ཟད། གཉིད་ཀྱང་སྐྱིད་པོ་ཁུག་གི་འདུག་པས། ད་རེས་ངས་མང་ཙམ་ཉོས་ཏེ་གཉེན་ཉེ་གྲོགས་པོ་དང་ལས་གྲོཌ་ལ་སྤྲོད་ཀྱི་ཡིན”ཞེས་བཤད།

དཔའ་ཤོད་རྫོང་ལ་ལོངས་བྲ་བོའི་ལས་སྣོན་བཟོ་གྲྭའི་འགན་འཁུར་བ་བློ་བཟང་སྒྲོལ་དཀར་གྱིས“ཐོན་རྫས་བྲིན་ཁ་རྒྱུག་པོ་འདུག ང་ཚོས་མང་ཚོགས་དབུལ་པོའི་ཞིང་ཞོར་ཐོན་རྫས་ཚོང་ཟོག་ལ་སྒྱུར་གང་ཐུབ་བྱས་ཏེ་མང་ཚོགས་ལ་འབབ་འཕར་ཡོང་བར་སྐུལ་འདེད་ཧུར་ཐག་གཏོང་རྒྱུ་ཡིན”ཞེས་བཤད།

ཆབ་མདོ་གྲོང་ཁྱེར་ཅུན་ཆིང་ཞིང་ལས་ཚན་རྩལ་གསར་སྤེལ་ཚད་ཡོད་ཀུང་སིའི་འགྲེམས་སྟེགས་ཀྱི་མདུན་དུ། ནས་ཀྱི་ཐོན་རྫས་སྣ་ཚོགས་བསྒྲིགས་ཡོད་པ་དང་། འགན་འཁུར་བ་དབྱི་ཀྲི་ཁྲེང་གིས“ད་ཐེངས་ཡོང་དོན་ནི་འགྲེམས་ཚོང་ལས་སྟེགས་བརྒྱུད་ནས་མི་སྔར་ལས་མང་བས་ང་ཚོའི་ནས་ཀྱི་ཐོན་རྫས་ཤེས་རྟོགས་ཐུབ་པ་བྱས་ཏེ་མང་ཚོགས་སྔར་བས་མང་བར་འབབ་འཕར་ཕྱུག་འགྱུར་ཡོང་རྒྱུར་སྐུལ་ཁྲིད་བྱ་རྒྱུ་ཡིན”ཞེས་བཤད། ཀུང་སི་དེས་2017ལོ་ནས་ད་བར། ཆབ་མདོའི་ས་གནས་དེ་གའི་ཞིང་དུད་དབུལ་པོ་30ལྷག་ཙམ་བཟོ་གྲྭར་ལས་ཞུགས་བྱེད་པར་བསྡུས་ནས་ལག་རྩལ་པ་དང་། སྤུས་ཚད་ཞིབ་བཤེར་པ། གཉེར་པ་བཅས་ཁག་གཅིག་གསོ་སྐྱོང་བྱས་ཡོད། ཞིང་འབྲོག་པའི་ས་ནས་ནས་ཀྱི་མ་བཅོས་རྒྱུ་ཆ་སོགས་ཉོ་སྒྲུབ་བྱས་པ་བརྒྱུད་མང་ཚོགས་ལ་འབབ་འཕར་སྒོར་ཁྲི་100ལྷག་ཙམ་བཏོད་ཡོད།

དེ་དག་ཚང་མ་ཆབ་མདོ་གྲོང་ཁྱེར་གྱི་ཐོན་ལས་དབུལ་སྒྲོལ་གྱི་བསྡུས་རིས་ཤིག་རེད། དུས་ཡུན་རིང་པོའི་ནང་། ཆབ་མདོ་གྲོང་ཁྱེར་གྱིས་ཐོན་ལས་འབབ་འཕར་ཡོང་བ་བྱ་རྒྱུ་དེ་ཉིད་དབུལ་སྒྲོལ་འགག་སྒྲོལ་གྱི་ཐབས་ལམ་གཙོ་བོ་དང་ཕུགས་ཀྱི་ཐབས་ཇུས་ཤིག་ཏུ་བརྩིས་ནས་གྲོང་ཁྱེར་་ཡོངས་ཀྱི“གསོ་ཚགས་རྟེན་གཞི་ཆེ་གྲས་ལྔ”དང“འདེབས་འཛུགས་རྟེན་གཞི་ཆེ་གྲས་བདུན”གྱི་ཐོན་ལས་ཁྱབ་ཚུལ་ལ་དམིགས་ནས། ཤིན་ཏུ་དབུལ་བའི་ས་ཁུལ་གྱི་འདེབས་འཛུགས་དང་། གསོ་ཚགས། ལས་སྣོན། ཡུལ་སྐོར་རིག་གནས་སོགས་ཀྱི་ཐོན་ལས་རྣམ་གྲངས་ལ་གཙོ་གནད་ཐོག་རོགས་སྐྱོར་བྱས་ཡོད།

ད་བར་གྲོང་ཁྱེར་ཡོངས་སུ་རིམ་རྩིས་བརྒྱབ་ན་ཐོན་ལས་དབུལ་སྐྱོར་རྣམ་གྲངས་848ལས་འགོ་བཙུགས་པ་དང་། ཐོན་ལས་དབུལ་སྐྱོར་རྣམ་གྲངས་720ལེགས་གྲུབ་ཟིན་ནས་ཡིག་ཚགས་དང་གཱ་བཟོས་པའི་མི་འབོར་དབུལ་པོ་ཁྲི་10ལྷག་ཙམ་དབུལ་སྒྲོལ་ཐུབ་རྒྱུར་སྐུལ་ཁྲིད་བྱས་ཡོད།