ཟླ་10ཚེས་17ཉིན། 2020ལོའི་རྒྱལ་ཡོངས་ཀྱི་དབུལ་སྒྲོལ་འགག་སྒྲོལ་གྱི་གཟེངས་བསྟོད་ཚོགས་ཆེན་དང་སྔོན་ཐོན་བྱས་རྗེས་ཀྱི་སྙན་ཞུའི་ཚོགས་འདུ་པེ་ཅིང་དུ་འཚོགས་ཤིང་། དེ་ཉིན་རྒྱལ་སྲིད་སྤྱི་ཁྱབ་ཁང་དབུལ་སྐྱོར་གསར་སྤེལ་འགོ་ཁྲིད་ཚོགས་ཆུང་གཞུང་དོན་ཁང་གིས་2020ལོའི་རྒྱལ་ཡོངས་ཀྱི་དབུལ་སྒྲོལ་འགག་སྒྲོལ་གྱི་བྱ་དགའ་སྤྲོད་པའི་གཏན་འབེབས་ཡོངས་བསྒྲགས་བྱས་ཤིང་། རང་ལྗོངས་ཀྱི་མི་3དང་ཚན་པ་1ལ་བྱ་དགའ་ཐོབ་ཡོད་པ་རེད།

ཤེས་རྟོགས་བྱུང་བར་གཞིགས་ན། ནག་ཆུ་གྲོང་ཁྱེར་སྦྲ་ཆེན་རྫོང་གླ་ཤི་གྲོང་རྡལ་ཡོག་རྫོང་རྒལ་གྲོང་ཚོའི་གྲོང་མི་ཚེ་རིང་ཆོས་འཛོམས་ལ“ཡར་བརྩོན་བྱ་དགའ”དང་། བོད་ལྗོངས་ལྷོ་ཁ་ཡན་ལག་དམག་ཁུལ་ཁང་ཆབ་སྲིད་ལས་དོན་པུའི་དྲིལ་བསྒྲགས་སྲུང་སྐྱོང་ཁོའོ་ཡི་ཁོའོ་ཀྲང་ཚེ་རིང་བག་བྲོར“ལེགས་སྐྱེས་བྱ་དགའ” གཞིས་རྩེ་གྲོང་ཁྱེར་རྒྱལ་རྩེ་རྫོང་མྱང་སྟོད་ཤང་ཉི་མའི་བོད་བཟོའི་ཁ་གདན་ལས་སྣོན་ཞིང་པའི་ཆེད་ལས་མཉམ་ལས་ཁང་གི་ལས་འཛིན་པ་བསྟན་འཛིན་འཕྲིན་ལས་ལ“གསར་གཏོད་བྱ་དགའ” ཧྭ་གློག་བོད་ལྗོངས་ནུས་རྒྱུ་ཚད་ཡོད་ཀུང་སིའི་དབུལ་སྐྱོར་བོད་སྐྱོར་གཞུང་ལས་ཁང་ལ“རྩ་འཛུགས་ཀྱི་གསར་གཏོད་བྱ་དགའ”བཅས་ཐོབ་ཡོད་པ་རེད།