དུས་རབས་གོང་མའི་ལོ་རབས་50པའི་སྐབས་སུ་ཏང་དང་རྒྱལ་ཁབ་ཀྱིས་བོད་རིགས་མང་ཚོགས་ཀྱི་འཐུང་ཇའི་གནད་དོན་ལ་དོ་ཁུར་ཆེན་པོ་བྱས་ཏེ་བོད་ལ་ཇ་ར་བསྐྲུན་པ་དང་འབྲེལ་ཇ་བག་ཆུང་གི་སྤུས་ཚད་གནད་དོན་ལ་གཞིགས་ཏེ་ལག་རྩལ་འགག་སྒྲོལ་བྱས་ནས་རྫ་ཡུལ་དང་། སྨན་གླིང་། ཉིང་ཁྲི། མེ་ཏོག སྤོ་བོ་སོགས་རྫོང་ཁག་ཏུ“འཛམ་གླིང་ཡང་རྩེའི”ཇ་ར་གསར་པ་རིམ་གྱིས་བསྐྲུན།
ཉེ་བའི་ལོའི་ནང་། རང་ལྗོངས་ཀྱིས་ཇའི་ཐོན་ལས་ལ་ཚད་མཐོའི་མཐོང་ཆེན་བྱས་ཏེ་ཇའི་ཐོན་ལས་དེ་གྲོང་ཁྱེར་དང་ས་ཁུལ་གྱི་འཕེལ་རྒྱས་ལ་སྐུལ་འདེད་གཏོང་བ་དང་དབུལ་སྒྲོལ་འགག་སྒྲོལ་ལ་སྐུལ་འདེད་གཏོང་བའི་ཐོན་ལས་གཙོ་བོའི་གྲས་ཤིག་ཏུ་བརྩིས་ནས་བོད་ཀྱི་ཇ་ལོའི་སྤུས་རྟགས་ཧུར་ཐག་བཏོད་དེ་བོད་ཀྱི་ཇ་ལོ་བོད་ནས་ཕྱིར་འདྲེན་ལ་སྐུལ་འདེད་བཏང་ཡོད། དེ་དང་ཆབས་ཅིག་ཇ་ལོའི་ཐོན་ལས་དང་ཡུལ་སྐོར་ལས་རིགས་ཟུང་འབྲེལ་ཡག་པོ་བྱས་ནས་ཡུལ་སྐོར་བའི་ཡིད་དབང་བཀུག་པ་དང་ཆབས་ཅིག ཉེ་འཁོར་གྱི་ཞིང་འབྲོག་པ་སྒོ་རྩར་ལས་ཞུགས་ཐུབ་པར་སྐུལ་ཁྲིད་བྱས། ཉིང་ཁྲི་གྲོང་ཁྱེར་དུ་ཇ་ལོ་ནི་མིང་དོན་མཚུངས་པའི“གསེར་ལོ”ལྟ་བུ་ཡིན་ཞིང་། ཇའི་སྡོང་པོ་རེ་རེས་རྒྱ་ཆེའི་ཞིང་པ་འབབ་འཕར་དང་། གྲོང་གསེབ་འབྱོར་ཕྱུག དབུལ་སྒྲོལ་འགག་སྒྲོལ་བཅས་ཀྱི་གནམ་ས་ཕྱེད་ཀ་བཏེགས་ཡོད། ད་བར་བོད་ཀྱི་ཇ་ལོའི་ཐོན་ལས་དེ་མཚན་གུང་གི་སྐར་ཆེན་ཞིག་དང་འདྲ་བར་རང་རྒྱལ་གྱི་ཇ་ལོ་འདེབས་འཛུགས་ཁྲོད་ཁྲ་ཆིལ་ལེར་ཤར་བཞིན་ཡོད།