ཉིན་ཤས་གོང་གསར་འགོད་པར་འཚོགས་པའི་རང་སྐྱོང་ལྗོངས་སྲིད་གཞུང་གི་གསར་འགྱུར་ཡོངས་བསྒྲགས་ཚོགས་འདུ་ནས་ཤེས་རྟོགས་བྱུང་བར།　ཆབ་མདོ་གྲོང་ཁྱེར་བཅིངས་འགྲོལ་བཏང་ནས་ལོ་70སོང་རིང་བྱ་གཞག་ཁག་ལ་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་ལྷག་པར་དུ་འདི་ལོ་ཚུན་དབུལ་སྒྲོལ་འགག་སྒྲོལ་ལས་དོན་ལ་ཐོབ་པའི་གྲུབ་འབྲས་ཚང་མས་མཐོང་གསལ་རེད།

ངོ་སྤྲོད་བྱས་པར་གཞིགས་ན།　2020ལོར་ཆབ་མདོ་གྲོང་ཁྱེར་གྱིས་རིམ་རྩིས་བྱས་ན་དུད་ཚང་ཁྲི་3.84ཡི་མི་ཁྲི་19.46དབུལ་སྒྲོལ་ཐུབ་པ་དང་་གྲོང་ཚོ་དབུལ་པོ་1127དབུལ་པོ་ལས་གྲོལ་བ་རེད།　2019ལོའི་ལོ་མཇུག་ཏུ།　རྫོང（ཆུས）11གི་དབུལ་པོ་དབུལ་རྐྱང་གཞི་རྩའི་ཆ་ནས་མེད་པར་བཟོས་པའི་རྨང་གཞིའི་ཐོག　དབུལ་སྐྱོར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལག་བསྟར་དོན་འཁྱོལ་གཏིང་ཟབ་བྱས་ནས་ལྟེ་བ་མི་འགྱུར་བ་དང་སྐུལ་འདེད་ཤུགས་ཆེན་གཏོང་རྒྱུ་མཐའ་འཁྱོངས་བྱས་པས་ཆབ་མདོ་གྲོང་ཁྱེར་གྱི་དབུལ་སྒྲོལ་འགག་སྒྲོལ་ལ་དུས་མཚམས་རང་བཞིན་གྱི་གྲུབ་འབྲས་ཐོབ་ཡོད།

དབུལ་སྒྲོལ་གྱི་གྲུབ་འབྲས་བརྟན་དུ་ནུས་ལྡན་སོང་ཞིང་།　“མཚམས་མི་འཇོག་པ་བཞི”ཡི་ལས་ཀའི་བླང་བྱ་ལྟར།　《དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་མཐོ་རུ་གཏོང་རྒྱུའི་སྐོར་གྱི་ཀྲུང་གུང་ཆབ་མདོ་གྲོང་ཁྱེར་ཨུ་ཡོན་ལྷན་ཁང་དང་ཆབ་མདོ་གྲོང་ཁྱེར་མི་དམངས་སྲིད་གཞུང་གི་ལག་བསྟར་ཇུས་གཞི》བཏོན་ནས“དགུ་བདུན་བདུན”གྱི་ལས་ཀའི་བསམ་ཕྱོགས་བཏོན་པ་དང་།　གྲོང་གསེབ་དར་རྒྱས་དང་འབྲེལ་མཐུད་ནུས་ལྡན་བྱས་ནས་འབྱོར་འབྲིང་སྤྱི་ཚོགས་ཀྱི་རྨང་གཞི་རྒྱུན་ཆད་མེད་པར་བརྟན་དུ་བཏང་ཡོད།

དབུལ་སྒྲོལ་གྱི་སྤུས་ཚད་བརྟན་པོའི་ངང་ལེགས་སུ་ཕྱིན་ཞིང་།　“སེམས་ཁྲལ་མེད་པ་གཉིས་དང་འགན་ལེན་གསུམ”ལ་དམིགས་ནས་གཏོང་ཆ་གཏོང་ཤུགས་རྒྱུན་ཆད་མེད་པར་ཆེ་རུ་བཏང་སྟེ་འགན་ལེན་ཆུ་ཚད་མཐོ་རུ་བཏང་ཡོད།　2020ལོར་ཐོན་ལས་དབུལ་སྐྱོར་དང་།　གྲོང་གསེབ་ཀྱི་གཞུང་ལམ།　འཐུང་ཆུའི་བདེ་འཇགས་སོགས་ཀྱི་རྣམ་གྲངས་འཛུགས་སྐྲུན་ལ་མ་དངུལ་སྒོར་དུང་ཕྱུར་38.32བཏང་བ་དང་།　ས་ཁུལ་དབུལ་པོ་དང་མང་ཚོགས་དབུལ་པོའི་ཐོན་སྐྱེད་དང་འཚོ་བའི་ཆ་རྐྱེན་མུ་མཐུད་ལེགས་བཅོས་བྱས་ཏེ།　དབུལ་སྒྲོལ་གྱི་སྤུས་ཚད་ལེགས་སུ་བཏང་ཡོད།　མིག་སྔར་ཆབ་མདོ་གྲོང་ཁྱེར་གྱི་གྲོང་གསེབ་ཀྱི་འཐུང་ཆུའི་བདེ་འཇགས་ཕྱོགས་ཡོངས་ནས་འགན་ལེན་བྱུང་ནས་རང་འབབ་ཆུ་ཀ་ལ་ཁྱབ་ཚད་93%ཟིན་པ་དང་།　གྲོང་གསེབ་ཏུ་གཅིག་སྡུད་ཐོག་ཆུ་མཁོ་འདོན་བྱེད་ཚད་99.5%ཟིན་པ་དང་ཆུ་མཁོ་འདོན་འགན་ལེན་བྱེད་ཚད་95%ཟིན་པ།　ཉེན་ཡོད་སྡོད་ཁང་གི་སྒྱུར་བཀོད་ཆ་རྐྱེན་དང་མཐུན་པའི་སྡོད་ཁང་ཁྲི་1.14ལ་སྒྱུར་བཀོད་བྱས་པ།　ཚད་ལྡན་ཅན་གྱི་ཤང་གྲོང་འཕྲོད་བསྟེན་ཁང་98བསྐྲུན་པ་དང་སྲིད་འཛིན་གྲོང་ཚོ་1119ཚང་མར“གྲོང་ཚོ་རེར་སྨན་ཁང་རེ་དང་སྨན་པ་གཉིས་རེའི”བླང་བྱ་གཞིར་བཟུང་ལེ་ལག་ཚང་སྒྲིག་ལེགས་གྲུབ་བྱུང་ནས་མང་ཚོགས་ལ་སྨན་བཅོས་ཞབས་ཞུའི་འགན་ལེན་དེ་བས་ལེགས་པ་ཐོབ་ཡོད།

མང་ཚོཌ་ཀྱི་ཡོང་འབབ་རྒྱུན་མཐུད་འཕར་ཞིང་།　ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་དང་ཐོན་ལས་འཕེལ་རྒྱས་གཉིས་ཀར་དམ་འཛིན་དང་འཐུས་ཤོར་མི་འགྲོ་བ་མཐའ་འཁྱོངས་བྱས་ནས།　ཐོན་ལས་རྣམ་གྲངས་ཀྱི་ལས་འགོ་བསྐྱར་འཛུགས་དང་ཐོན་སྐྱེད་སླར་གསོར་དམ་འཛིན་ཏན་ཏིག་བྱས་ཏེ།　རིམ་རྩིས་བྱས་ན་ཐོན་ལས་དབུལ་སྐྱོར་རྣམ་གྲངས་789ལག་བསྟར་བྱས་པར་ཡིག་ཚགས་དང་གཱ་བཟོས་པའི་དུད་ཚང་དབུལ་པོ་ཁྲི་10ལྷག་ཙམ་ལ་ཡོང་འབབ་འཕར་བར་སྐུལ་ཁྲིད་བྱས་པ་རེད།　《དབུལ་སྐྱོར་ཐོན་ལས་རྣམ་གྲངས་ཀྱི་རྒྱུ་ནོར་དོ་དམ་ལས་དོན་ལ་ཤུགས་སྣོན་རྒྱག་རྒྱུའི་སྐོར་གྱི་ཆབ་མདོ་གྲོང་ཁྱེར་གྱི་བསམ་འཆར（ཚོད་ལྟའི་ལག་བསྟར）》དང《ཐོན་ལས་དབུལ་སྐྱོར་རྣམ་གྲངས་ཀྱི་ཁེ་ཕན་མཉམ་འབྲེལ་ལམ་སྲོལ་ཚད་ལྡན་དུ་གཏོང་རྒྱུའི་སྐོར་གྱི་ཆབ་མདོ་གྲོང་ཁྱེར་གྱི་ལག་བསྟར་བསམ་འཆར（ཚོད་ལྟའི་ལག་བསྟར）》བཏོན་ནས་ཁེ་ཕན་མཉམ་འབྲེལ་ལམ་སྲོལ་རྒྱུན་ཆད་མེད་པར་འཐུས་སྒོ་ཚང་དུ་བཏང་བར་རིམ་རྩིས་བྱས་ན་སྒོར་ཁྲི་6639.74བགོས་ཡོད་པ་རེད།　དུས་མཚུངས་སུ་འཛད་སྤྱོད་དབུལ་སྐྱོར་གྱི་ཆེད་དོན་བྱ་སྤྱོད་གཏིང་ཟབ་སྤེལ་ནས།　ཆབ་སྐྱོར་ཞིང་ཆེན་དང་།　གྲོང་ཁྱེར།　ཁེ་ལས་བཅས་དང་འཛད་སྤྱོད་དབུལ་སྐྱོར་གྱི་མཉམ་ལས་ལམ་སྲོལ་ཧུར་ཐག་བཙུགས་པ་དང་།　ཐེན་ཅིན་གྲོང་ཁྱེར་གྱིས་སྤྲིན་ཚོམ་འཛད་སྤྱོད་དབུལ་སྐྱོར་ལ་བརྟེན་ནས་ཆབ་མདོ་གྲོང་ཁྱེར་དང་སྒོར་ཁྲི་3850ཡི་ཉོ་སྒྲུབ་གྲོས་མཐུན་བཞག་པ་རེད།

རྨང་གཞིའི་སྒྲིག་བཀོད་རྒྱུན་ཆད་མེད་པར་ལེགས་སུ་ཕྱིན་ཞིང་།　“མཐོར་འདེགས་བཅུ”ཡི་ལས་གྲྭ་ལག་བསྟར་ཤུགས་ཆེན་བྱས་ནས་གྲོང་གསེབ་ཀྱི་གློག་དྲ་385གསར་སྐྲུན་བྱས་པ་དང་།　མི་ཁྲི་51.8ཀྱི་གློག་གི་གནད་དོན་ཐག་གཅོད་དང་ལེགས་བཅོས་བྱས་ཡོད།　འགྲོ་ལམ་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་བརྒྱབ་ནས་ཆབ་མདོ་གྲོང་ཁྱེར་གྱི་ཤང་གྲོང་129ལས་ཤང་གྲོང་120ལ་གཞུང་ལམ་ཤར་བགྲོད་ཐུབ་ནས་ཤར་བགྲོད་ཐུབ་ཚད་93%ཟིན་ཡོད།　སྒྲིག་ཚུད་གྲོང་ཚོ་1083ལས་གྲོང་ཚོ་680ལ་གཞུང་མལ་ཤར་བགྲོད་ཐུབ་པ་དང་ཤར་བགྲོད་ཐུབ་ཚད་62.8%དང་ཤར་གཏོང་ཐུབ་ཚད་100%ཟིན་ཡོད།

མང་ཚོགས་ཀྱི་བསམ་བློར་རྩ་བ་ནས་འགྱུར་ལྡོག་བྱུང་ཞིང་།　ཀྲུང་དབྱང་གི་ཐུགས་ཁུར་དང་།　རྒྱལ་ཡོངས་ཀྱི་རོགས་སྐྱོར།　དཀའ་སྤྱད་འབད་བརྩོན།　རང་སྟོབས་རང་སྤེལ་བཅས་ཀྱི་འབྲེལ་བ་ཐག་གཅོད་ཡང་དག་བྱས་པ་དང་།　2020ལོར་རེས་སྐོར་གཉིས་པའི“བློ་རིག་གཉིས་སྐྱོར”གྱི་ལས་དོན་སྤེལ་འགོ་བཙུགས་པ།　“ཁྱབ་པ་ལྔའི”འདུ་འགོད་ལག་བསྟར་བྱས་པ།　དབུལ་སྒྲོལ་འགག་སྒྲོལ་ཁྲོད་ཐོན་པའི་སྔོན་ཐོན་དཔེ་མཚོན་རྒྱ་ཁྱབ་ངང་དྲིལ་བསྒྲགས་བྱས་པ།　མང་ཚོཌ་ཀྱི་བསམ་བློའི་འདུ་ཤེས་ལ་སྔར་བས་འགྱུར་ལྡོག་བཏང་བ་བཅས་མང་ཚོགས་དབུལ་པོར་ཚེ་འདིའི་བདེ་སྐྱིད་ལྡན་པའི་འཚོ་བ་ཡག་པོ་སྐྱེལ་རྒྱུར་སློབ་གསོ་ཁྲིད་སྟོན་བྱས་ཡོད།