འདི་ལོ་ནས་བཟུང་། ཆུ་གསུམ་རྫོང་གི་གྲོང་སྡོད་ལས་དོན་རུ་ཁག་ཁག་གིས་མང་ཚོགས་ཀྱིས་གླེང་མང་བ་དང་དཀའ་གནད་ཀྱི་གནད་དོན་ལ་དམིགས་ནས“བྱ་ཐབས་བཞི”སྤྱད་དེ་གྲོང་སྡོད་ལས་དོན་ཏན་ཏག་ངང་སྤེལ་ནས་དབུལ་སྒྲོལ་འགག་སྒྲོལ་ཡོང་བར་བྱས་པ་རེད།
བྱེད་སྒོའི་གཙོ་རྐང་ལ་དམིགས་ནས“མི་སེམས་སུ་ཟུག་པའི”དྲིལ་བསྒྲགས་སློབ་གསོར་དམ་འཛིན་བྱས་ཡོད། ཆུ་གསུམ་རྫོང་གི་གྲོང་སྡོད་ལས་དོན་རུ་ཁག་ཁག་གིས“སྣང་ཆེན་བཞི་དང་དགའ་ཞེན་བཞི”དང་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་སོགས་ཀྱི་བྱེད་སྒོ་དང་ཟུང་འབྲེལ་བྱས་ནས། བྱ་ཐབས་གསར་གཏོད་བྱས་ཏེ་དྲིལ་བསྒྲགས་སློབ་གསོ་བཏང་ཞིང་། མང་ཚོགས་ཀྱི་ཧུར་སེམས་སྐོང་འཐེན་བྱས་ནས་ཤེས་དཔལ་གྲོང་གསེབ་ནུས་ཤུགས་ཡོད་རྒུས་མཉམ་སྐྲུན་དང་། མང་ཚོགས་སྒྲིག་འཛུགས་བྱས་ནས་གཞུང་ལམ་གཙོ་བོ་དང་། རྩྭ་ར། གྲོང་ཚོ་ཨུ་ལྷན་གྱི་མཐའ་འཁོར་དང་དེ་བཞིན་མང་ཚོགས་ཀྱི་ཁང་པའི་རྒྱབ་མདུན་བཅས་སུ་གཙང་སྦྲ་བྱས་ཏེ། “བཙོག་ཟིང་ཞན་གསུམ”གྱི་སྣང་ཚུལ་ནུས་ཤུགས་ཡོད་རྒུས་མེད་པར་བཟོས་པ། ཕྱོགས་ཁག་གི་སྟོབས་ཤུགས་མཉམ་འགུལ་བྱས་ནས་སྒྲིག་འཛུགས་ཞིབ་ཚགས་ངང་དམངས་འཚོར་དམ་འཛིན་བྱས་པ། མང་ཚོགས་ཀྱི་སྡོད་ཁང་བདེ་འཇགས་འགན་ལེན་ཐད་གྲལ་བཤེར་བྱས་ནས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དུ་བཏང་བ། ཟུར་བསྟན་ལེབ་མཐོང་ངང་དག་ཐེར་ལ་དམ་འཛིན་བྱས་ཏེ་དམ་པ་དོན་གཉེར་གྱི་སྒོ་ནས་དབུལ་སྒྲོལ་གྱི་གྲུབ་འབྲས་སྲ་བརྟན་དུ་བཏང་བ། རྣག་ཐོག་གཙག་འཁེལ་དང་གནད་སྨིན་ཇུས་འདོན་མཐའ་འཁྱོངས་བྱས་ནས་དག་ཐེར་གྱི་འགན་འཁྲི་དོན་འཁྱོལ་ནན་ཏན་དང་དག་ཐེར་གྱི་བྱ་ཐབས་འཐུས་སྒོ་ཚང་དུ་བཏང་སྟེ། དབུལ་སྒྲོལ་མི་འབོར་དང་དབུལ་ཉེའི་དུད་ཚང་ཡིན་མིན་ཞིབ་བཤེར་ནན་ཏན་བྱས་ནས། བབ་བསྟུན་གྱི་ལྟ་ཞིབ་ཚད་ལེན་དང་དོ་དམ་བྱེད་ཤུགས་ཆེ་རུ་བཏང་ནས་གནད་དོན་དག་ཐེར་བྱེད་རྒྱུ་གནད་ལ་འཁེལ་བ་དང་འགག་རྩ་ནས་འགན་ལེན་བྱས་པ་བཅས་རེད།