གནད་སྨིན་དབུལ་སྒྲོལ་ནི་ངས་ཏང་གི་ཚོགས་ཆེན་བཅུ་དགུ་པའི་སྙན་སྒྲོན་ནང་བཏོན་པའི་འགག་སྒྲོལ་དམག་འཐབ་ཆེན་པོ་གསུམ་ཁྲོད་ཀྱི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་རྒྱུར་ཐག་གཅོད་རང་བཞིན་གྱི་དོན་སྙིང་ཆེ་ཤོས་ལྡན་པའི་འགག་སྒྲོལ་དམག་འཐབ་ཅིག་རེད། ད་ཆ་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་རྒྱུར་ལོ་གསུམ་ལས་ལྷག་མི་འདུག  ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་རྒྱུའི་དམིགས་ཚད་དུས་བཀག་ལྟར་མངོན་འགྱུར་བྱེད་ཐུབ་མིན་གྱི་འགག་རྩ་ནི་དབུལ་སྒྲོལ་འགག་སྒྲོལ་གྱི་དམག་འཐབ་རྣམ་པར་རྒྱལ་ཐུབ་མིན་ལ་ཐུག་ཡོད། གྲོང་གསེབ་ཀྱི་མི་འབོར་དབུལ་པོ་ཚང་མ་དབུལ་སྒྲོལ་མ་ཐུབ་ཚེ། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་མི་ཐུབ་པས། མཐའ་ཚད་ཀྱི་ལས་འགན་འདིར་སླ་བཅོས་གཅིག་ཀྱང་བྱེད་མི་རུང་ལ། རང་རེའི་ཏང་གིས་མི་དམངས་ལ་ཁས་བླངས་པའི་དམ་བཅའ་ལའང་སླ་བཅོས་གཅིག་ཀྱང་བྱེད་མི་རུང་།

    《ཀྲུང་དབྱང་གི་གྲོང་གསེབ་ལས་དོན་ཚོགས་འདུའི་ཐོག་གི་གསུང་བཤད》(2017ལོའི་ཟླ་12ཚེས་28ཉིན)