སློབ་གསོ་གཞུང་དྲང་ནི་སྤྱི་ཚོགས་གཞུང་དྲང་གི་རྨང་གཞི་གལ་ཆེན་ཞིག་རེད། སློབ་གསོ་འཕེལ་རྒྱས་ཀྱི་གྲུབ་འབྲས་དེ་མི་དམངས་ཡོངས་ལ་དེ་བས་མང་བ་དང་དེ་བས་གཞུང་དྲང་བའི་སྒོ་ནས་ཕན་པ་ཐོབ་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས་པ་དང་འབྲེལ། སློབ་གསོ་གཞུང་དྲང་ལ་བརྟེན་ནས་སྤྱི་ཚོགས་ཀྱི་གཞུང་དྲང་དང་དྲང་བདེན་ལ་སྐུལ་འདེད་གཏོང་དགོས། རྨང་གཞིའི་སློབ་གསོར་རྒྱབ་སྐྱོར་བྱེད་ཤུགས་ཆེ་རུ་བཏང་ནས་སློབ་ཞུགས་གོང་གི་སློབ་གསོ་ཡག་པོ་གཉེར་བ་དང་། ལོ་དགུའི་འོས་འགན་སློབ་གསོ་དོ་སྙོམས་ངང་འཕེལ་རྒྱས་གཏོང་བ། མཐོ་རིམ་སློབ་འབྲིང་དུས་མཚམས་ཀྱི་སློབ་གསོ་གཞི་རྩའི་ཆ་ནས་ཁྱབ་གདལ་གཏོང་བ་བཅས་བྱེད་དགོས། སློབ་གསོའི་ཐོན་ཁུངས་བཀོད་སྒྲིག་ལེགས་སུ་བཏང་ནས་ས་ཁོངས་དང་། གྲོང་ཁྱེར་དང་གྲོང་གསེབ། སློབ་གྲྭ་བཅས་དབར་གྱི་ཧེ་བག་རིམ་བཞིན་ཆུང་དུ་གཏོང་དགོས་པ་དང་། ལྷག་དོན་དུ་གསར་བརྗེའི་ཁུལ་རྙིང་དང་། མི་རིགས་ས་ཁུལ། མཐའ་མཚམས་དང་ཐག་རིང་ལུང་ཁུག་ས་ཁུལ། ས་ཁུལ་དབུལ་པོ་བཅས་ཀྱི་རྨང་གཞིའི་སློབ་གསོའི་ཐད་གཏོང་ཆ་གཏོང་ཤུགས་ཆེ་རུ་བཏང་ནས་ས་ཁུལ་དབུལ་པོའི་སློབ་གཉེར་གྲོན་དངུལ་འགན་ལེན་བྱས་ཏེ། ཁྱིམ་ཚང་ལ་དཀའ་ངལ་ཡོད་པའི་སློབ་མར་རོགས་རམ་བྱེད་པའི་མ་ལག་འཐུས་སྒོ་ཚང་དུ་གཏོང་དགོས། སློབ་གསོ་གནད་སྨིན་དབུལ་སྒྲོལ་ལ་སྐུལ་འདེད་བཏང་ནས་མི་འབོར་དབུལ་པོའི་བུ་ཕྲུག་ཚོར་སློབ་གསོ་དང་ལེན་ཐུབ་རྒྱུར་གཙོ་གནད་དུ་རོགས་སྐྱོར་བྱེད་པ་དང་། དབུལ་པོ་བུ་རབས་ཚ་རྒྱུད་ཀྱི་རྒྱུན་མི་ཆགས་པ་བྱས་ཏེ། ཕྲུ་གུ་ཚང་མས་རང་ཉིད་ལ་ཡིད་ཆེས་ཡོད་པ་དང་འབྱུང་འགྱུར་ལ་རེ་བ་ཡོད་པ་བྱེད་དགོས།

——པེ་ཅིང་གྲོང་ཁྱེར་བརྒྱད་གཅིག་སློབ་གྲྭར་རྟོག་ཞིབ་གནང་སྐབས་ཀྱི་གསུང་བཤད། (2016ལོའི་ཟླ་9ཚེས་9ཉིན)