འདི་ལོ་ཚུན་དུ་མེ་ཏོག་རྫོང་གིས་ཞིང་འབྲོག་མང་ཚོགས་སྒྲིག་འཛུགས་ཀྱིས་སྒོ་ར་མཛེས་བཟོ་དང་། གྲོང་ཚོ་མཛེས་བཟོ། གྲོང་གསེབ་སྔོ་ལྗང་ཅན་དུ་འགྱུར་བ་བཅས་བྱས་པ་བརྒྱུད་གྲོང་མི་ཡོངས་ཀྱི་རྩྭ་འདེབས་དང་། ཤིང་འཛུགས། ནགས་བཟོ་བཅས་ཀྱི་རྒྱལ་ཁབ་ས་ཆ་སྔོ་འགྱུར་གྱི་བྱ་སྤྱོད་ལ་སྐུལ་འདེད་དང་ཁོར་ཡུག་ཕྱོགས་བསྡུས་བཅོས་སྐྱོང་ཤུགས་ཆེན་བྱས་ནས་མཛེས་སྡུག་ལྡན་པའི་གྲོང་གསེབ་སྐྲུན་པ་དང་གྲོང་གསེབ་ཀྱི་སྣོད་བཅུད་དར་རྒྱས་ལ་སྐུལ་འདེད་བཏང་ཡོད།
“མཛེས་སྡུག་ལྡན་པའི་སྒོ་ར”འཛུགས་སྐྲུན་པ་ཞིག་བྱེད་པ།
འཚོ་བའི་གོམས་གཤིས་ངན་པར་འགྱུར་ལྡོག་བཏང་སྟེ་བདེ་ཐང་གི་འཚོ་བ་སྐྱེལ་སྟངས་དར་སྤེལ་དང་ཁོར་ཡུག་འཕྲོད་བསྟེན་གྱི་བདག་པོའི་འདུ་ཤེས་ཟབ་ཏུ་གཏོང་ཆེད། མེ་ཏོག་རྫོང་གིས་ཞིང་འབྲོག་མང་ཚོགས་ཚོར་འཚོ་བའི་གོམས་གཤིས་བཟང་པོ་འཇགས་རྒྱུར་སློབ་གསོ་ཁྲིད་སྟོན་ཧུར་ཐག་བྱས་ཏེ་སྒོ་ར་མཛེས་སུ་བཏང་ནས་བདེ་ཞིང་སྐྱིད་པའི་འཚོ་སྡོད་ཁོར་ཡུག་ཅིག་བཏོད་ཡོད། དགྱེ་གླིང་གྲོང་ཚོས་སྒོ་རའི་ནང་འདེབས་འཛུགས་བྱ་རྒྱུ་འཕེལ་རྒྱས་ཤུགས་ཆེན་བཏང་ཞིང་། ཞིང་འབྲོག་མང་ཚོགས་སྒྲིག་འཛུགས་ཀྱིས་རང་ཁྱིམ་གྱི་སྒོ་རའི་ནང་ཚལ་དང་ལྕང་མ་བཏབ་པ་དང་། ཁྱིམ་ཚང་ཚང་མར་ཚལ་ཞིང་ཡོད་པ་དང་ཁྱིམ་གྱི་རྒྱབ་མདུན་དུ་འབྲས་ཤིང་ཡོད་པ་བྱས་པས་ཁོར་ཡུག་སྔོ་འགྱུར་དང་ཁྱིམ་ཚང་མཛེས་སྡུག་ལྡན་པར་གྱུར་ཡོད།
འདི་ནི་མེ་ཏོག་རྫོང་དགྱེ་གླིང་གྲོང་ཚོའི་གྲོང་མིའི་སྒོ་རའི་ནང་བཏབ་པའི་མེ་ཏོག་ཡིན་པ།
“གསེར་རི་དངུལ་རིའི”སྲུང་སྐྱོང་བ་བྱེད་པ།
མེ་ཏོག་རྫོང་གིས་གཅིག་སྡུད་དྲིལ་བསྒྲགས་བྱེད་པ་དང་། ཁྱིམ་ཚང་དུ་སློབ་གསོའི་ལས་དོན་སྤེལ་བ། དྲིལ་བསྒྲགས་དཔྱད་ཡིག་སྤྲོད་པ་སོགས་ཀྱི་བྱེད་ཐབས་བརྒྱུད་ཞིང་འབྲོག་མང་ཚོགས་ཁྲོད《ནགས་ཚལ་སྲུང་སྐྱོང་བཅའ་ཁྲིམས》དང《ཁོར་ཡུག་སྲུང་སྐྱོང་བཅའ་ཁྲིམས》སོགས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གྱི་སྒྲོག་འགྲེལ་བྱེད་སྒོ་རྒྱ་ཁྱབ་ངང་སྤེལ་ཏེ་ཞིང་འབྲོག་མང་ཚོགས་ཚོར“སྔོ་ཞིང་དྭངས་བའི་རི་ཆུ་གསེར་རི་དངུལ་རི་ཡིན་པའི”འདུ་ཤེས་བརྟན་པོར་འཛུགས་རྒྱུར་སློབ་གསོ་ཁྲིད་སྟོན་བྱེད་པ་དང་། རང་བྱུང་ཁམས་ལ་བརྩི་འཇོག་དང་། རང་བྱུང་ཁམས་དང་བསྟུན་པ། རང་བྱུང་ཁམས་ལ་སྲུང་སྐྱོང་བཅས་བྱས་ནས་སྣོད་བཅུད་ཤེས་དཔལ་འཛུགས་སྐྱོང་ལ་རམ་འདེགས་བྱས་ཡོད། སྟག་མོ་གྲོང་ཚོས“ལྗང་མདོག་ཁྱིམ་གཞིས་སྐྲུན་པར་ཚང་མར་འགན་འཁྲི་ཡོད”ཅེས་པ་བརྗོད་དོན་གཙོ་བོར་བྱས་པའི་ཤིང་འཛུགས་བྱེད་སྒོ་སྤེལ་ཏེ་བསྡོམས་སྡོང་ཕྲུག་སྣ་ཚོགས་རྐང་160བཏབ་པས་ཞིང་འབྲོག་མང་ཚོགས་ཚོའི་ནགས་གཅེས་ནགས་སྐྱོང་གི་འདུ་ཤེས་སྔར་བས་ཟབ་ཏུ་ཕྱིན་པ་དང་། ལྗང་མདོག་འཕེལ་རྒྱས་ཀྱི་སྣོད་བཅུད་འདུ་ཤེས་བརྟན་དུ་སོང་ཡོད། མིག་སྔའི་བར་རྫོང་དེས་ཤིང་འཛུགས་ནགས་བཟོ་དང་གྲོང་གསེབ་མཛེས་བཟོའི་བྱེད་སྒོ་ཐེངས་171སྤེལ་བར་མང་ཚོགས་མི་ཐེངས་7182ཙམ་ཞུགས་ཡོད།
འདི་ནི་མེ་ཏོག་རྫོང་སྟག་མོ་གྲོང་ཚོས་གྲོང་གསེབ་སྔོ་འགྱུར་བྱེད་སྒོ་སྤེལ་བཞིན་པ།
“འབྱོར་འབྲིང་འཚོ་བའི”སྲུང་སྐྱོང་བ་ཞིག་བྱེད་པ།
མེ་ཏོག་རྫོང་གིས་བྱེད་ཐབས་དང་། ཟུར་ཕྱོགས། རིམ་པ་བཅས་མང་བའི་སྒོ་ནས་སྡོད་མལ་ཁོར་ཡུག་བཅོས་སྐྱོང་གི་ལས་དོན་སྤེལ་ཏེ་ཞིང་འབྲོག་མང་ཚོགས་སྒྲིག་འཛུགས་ཀྱིས་གྲོང་ཚོའི་འཚོ་བའི་གད་སྙིགས་གཙང་སེལ་དང་དུས་བཀག་ལྟར་གྲོང་ཚོའི་འཕྲོད་བསྟེན་བཅོས་སྒྲིག་གི་བྱེད་སྒོ་སྤེལ་ནས་གྲོང་ཚོ་སྔར་བས་མཛེས་བཟོ་དང་ཞིང་འབྲོག་མང་ཚོགས་ཚོའི་བདེ་སྐྱིད་ཚོར་སེམས་ཟབ་ཏུ་བཏང་ཡོད། བདེ་སྒོ་གྲོང་ཚོས་གྲོང་ཚོའི་སྣོད་བཅུད་ལས་གནས་ཀྱི་ལས་དོན་པ་23དང་ལས་གནས་འགན་འཁྲིའི་ཡི་གེ་བཞག་སྟེ་ལས་གནས་སུ་ཡོད་པའི་ལས་དོན་མི་སྣར་ལོ་ཕྱེད་རིང་གི་ལས་ཀའི་ཚད་འབེབས་དཔྱད་ཞིབ་བྱས་པ་རེད། ཁ་བུ་གྲོང་ཚོའི་མང་ཚོགས་ཚོས་དུད་སྦྲེལ་ཚན་པར་བྱས་ཏེ་ཁ་བུ་གྲོང་ཚོའི་ཁོར་ཡུག་འཕྲོད་བསྟེན་ཕྱོགས་ཡོངས་ནས་ལེགས་སུ་གཏོང་བ་དང་། གྲོང་གསེབ་མཛེས་སྡུག་ལྡན་ལ་བདེ་སྐྱིད་དང་སྡོད་མལ་དང་འཚམ་པའི་ཁ་བུ་བསྐྲུན་རྒྱུར་སྐུལ་འདེད་བཏང་ཡོད། མིག་སྔའི་བར་མེ་ཏོག་རྫོང་གིས་གྲོང་ཚོའི་ཁོར་ཡུག་བཅོས་སྐྱོང་ལས་དོན་ཐེངས་513སྤེལ་བར་མང་ཚོགས་མི་ཐེངས10260ཙམ་ཞུགས་ཡོད།
འདི་ནི་མེ་ཏོག་རྫོང་གུང་རི་གྲོང་ཚོས་མང་ཚོགས་སྒྲིག་འཛུགས་བྱས་ཏེ་ཁྲབ་རྨོག་ནས་མེ་ཏོག་བར་གྱི་གཞུང་ལམ་རྒྱུད་དུ་འཕྲོད་བསྟེན་བཅོས་སྒྲིག་གི་བྱེད་སྒོ་སྤེལ་བཞིན་པ།