ཏང་གི་ཆབ་སྲིད་འཛུགས་སྐྱོང་ལ་ཤུགས་སྣོན་རྒྱག་པར་ངེས་པར་དུ་ནམ་ཡང་ཚར་དུས་མེད་པའི་ཆོད་སེམས་བརྟན་པོ་དང་བློ་སྟོབས་ཆེན་པོའི་ཐོག་ནས་རུལ་སུངས་ལ་ངོ་རྒོལ་གྱི་འཐབ་རྩོད་མཐའ་གཅིག་ཏུ་བྱས་ཏེ་རང་རེའི་ཏང་ནམ་ཡང་ངོ་བོ་མི་འགྱུར་བ་དང་རྣམ་པ་མི་འགྱུར་བ་བྱེད་དགོས། འགོ་ཁྲིད་ལས་བྱེད་པ་དང་ལྷག་པར་དུ་མཐོ་རིམ་ལས་བྱེད་པས་མཆོག་གྱུར་ཀུན་སྤྱོད་རྟོགས་པ་དང་། སྤྱི་པའི་ཀུན་སྤྱོད་སྲུང་བརྩི། སྒེར་གྱི་ཀུན་སྤྱོད་ནན་སྲུང་བཅས་བྱས་ཏེ་སྤྱོད་གཙང་རང་གཅུན་དང་། སྤྱོད་གཙང་དབང་སྤྱོད། སྤྱོད་གཙང་ཁྱིམ་སྐྱོང་བཅས་ཐད་མིག་དཔེ་སྟོན་དགོས། ལམ་ལུགས་ཀྱི་རྨང་གཞི་བརྟན་དུ་གཏོང་བ་དང་། སྐོར་གཟིགས་སྤུ་གྲིའི་ནུས་པ་འདོན་སྤེལ་བྱེད་པ། ཕྱོགས་ཡོངས་ནས་ཏང་ནན་པོས་སྐྱོང་རྒྱུ་དེ་གཞི་རིམ་ཕྱོགས་སུ་སྣུར་སྲིང་བྱ་རྒྱུར་སྐུལ་འདེད་གཏོང་བ་བཅས་བྱས་ཏེ་མི་དམངས་མང་ཚོགས་ལ་ལས་བྱེད་པ་དྲང་བདེན་དང་། སྲིད་གཞུང་སྤྱོད་གཙང་། ཆབ་སྲིད་དྭངས་གཙང་བཅས་རང་གི་མིག་མདུན་དུ་ཡོད་པ་ཚོར་ཐུབ་པར་བྱེད་དགོས།

    —— ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་མཉམ་སྡེབ་སློབ་སྦྱོང་ཐེངས་དྲུག་པའི་ཐོག་གི་གསུང་བཤད། (2018ལོའི་ཟླ་6ཚེས་29ཉིན)