དཔྱད་ཞིབ་དང་ལྟ་སྐུལ་ལ་ཤུགས་སྣོན་རྒྱག་པ་དང་། དབུལ་ཞྭ་འབུད་པའི་དུས་ཚོད་ལུགས་མཐུན་གཏན་འཁེལ། གང་དབུལ་སྒྲོལ་ཐུབ་ན་དེའི་དབུལ་ཞྭ་འབུད་རྒྱུ་མཐའ་འཁྱོངས་བཅས་བྱས་ཏེ་དུས་ཐུང་མྱུར་གྲུབ་དང་། རྐང་བཙུགས་ནས་མཐའ་མཇུག་བར་ནར་འགྱངས་བྱེད་པའི་སྣང་ཚུལ་བཀག་འགོག་བྱེད་དགོས། སང་ལོ་དང་གནངས་ལོར་ཡིག་ཚགས་དང་གཱ་བཟོས་པའི་མི་འབོར་དབུལ་པོ་དེ་བས་མང་བ་ཕྱིར་འཐེན་དང་རྫོང་དབུལ་པོའི་དབུལ་ཞྭ་འབུད་རྒྱུ་ཡིན་པས། ཕྱོགས་གཅིག་ནས་དབུལ་སྒྲོལ་བྱེད་མཁན་ག་ཚོད་ཡོད་མེད་གསལ་པོ་ཤོད་དགོས་ལ། ཕྱོགས་གཞན་ཞིག་ནས་དབུལ་སྒྲོལ་ཇི་ལྟར་བྱས་མིན་ཡང་ཤོད་དགོས། དབུལ་སྐྱོར་ཁྱབ་ཁོངས་ཀྱི་རུལ་སུངས་དང་སྤྱོད་ཚུལ་གྱི་གནད་དོན་ལ་ཆེད་དོན་བཅོས་སྒྲིག་ཡག་པོ་བྱས་ཏེ་གཡོ་ཟོལ་རྫུན་སྒྲིག་དང་གྲངས་ཀ་ཙམ་གྱི་དབུལ་སྒྲོལ་བྱེད་པར་ཞིབ་བཤེར་ཐག་གཅོད་ནན་པོ་བྱེད་དགོས།

——《ཀྲུང་དབྱང་དཔལ་འབྱོར་ལས་དོན་ཚོགས་འདུའི་ཐོག་གི་གསུང་བཤད》 (2017ལོའི་ཟླ་12ཚེས་18ཉིན)