ཏང་ཀྲུང་དབྱང་གིས་2020ལོའི་དབུལ་སྒྲོལ་འགག་སྒྲོལ་གྱི་དམིགས་ཚད་ལ་གཏན་འབེབས་ཁ་གསལ་བྱས་ཡོད་པ་སྟེ།2020ལོར་སླེབས་སྐབས། གྲོང་གསེབ་ཀྱི་མི་འབོར་དབུལ་པོ་ལྟོ་གོས་ལ་སེམས་ཁྲལ་མེད་པ་དང་། འོས་འགན་སློབ་གསོ་དང་། གཞི་རྩའི་སྨན་བཅོས། སྡོད་ཁང་བདེ་འཇགས་བཅས་ལ་འགན་ལེན་ཡོད་པ། ས་ཁུལ་དབུལ་པོའི་ཞིང་པ་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་ཚད་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་མཐོ་བ་དང་གཞི་རྩའི་སྤྱི་པའི་ཞབས་ཞུའི་ཁྱབ་ཁོངས་གཙོ་བོའི་དམིགས་ཚད་རྒྱལ་ཡོངས་ཀྱི་ཆ་སྙོམས་ཆུ་ཚད་དང་འདྲ་པོ་སླེབས་པར་བྱེད་པ། རང་རྒྱལ་གྱིས་ད་ལྟ་ལག་བསྟར་བྱེད་བཞིན་པའི་ཚད་གཞིའི་འོག་གྲོང་གསེབ་ཀྱི་མི་འབོར་དབུལ་པོ་དབུལ་སྒྲོལ་ཐུབ་པ་དང་། རྫོང་དབུལ་པོ་ཚང་མའི་དབུལ་ཞྭ་འབུད་ཐུབ་པ། ས་ཁོངས་རང་བཞིན་གྱི་སྤྱི་ཡོངས་དབུལ་ཕོངས་མེད་པར་བཟོ་བ་བཅས་བྱེད་དགོས། ཤིན་ཏུ་དབུལ་བའི་ས་ཁུལ་དུའང་དམིགས་ཚད་དེ་མངོན་འགྱུར་བྱེད་དགོས། དུས་མཚུངས་སུ་ང་ཚོས་གནད་དོན་འདིར་དངོས་གཙོ་རིང་ལུགས་ཀྱི་རྣམ་འགྱུར་འཛིན་དགོས་ཤིང་།2020ལོར་སླེབས་ཀྱང་ཤིན་ཏུ་དབུལ་བའི་ས་ཁུལ་དར་རྒྱས་ཆེ་བའི་ས་ཁུལ་གྱི་འཕེལ་རྒྱས་ཆུ་ཚད་ལ་སླེབས་མི་སྲིད། ང་ཚོས་ད་ལྟ་འབད་བརྩོན་བྱེད་དོན་ནི་ས་ཁུལ་དེ་དག་གི་མང་ཚོགས་ལ“སེམས་ཁྲལ་མེད་པ་གཉིས་དང་འགན་ལེན་གསུམ”མངོན་འགྱུར་ཡོང་བ་དང་། ས་ཁུལ་དེ་དག་གི་གཞི་རྩའི་སྤྱི་པའི་ཞབས་ཞུའི་ཁྱབ་ཁོངས་གཙོ་བོའི་དམིགས་ཚད་དེ་རྒྱལ་ཡོངས་ཀྱི་ཆ་སྙོམས་ཆུ་ཚད་དང་འདྲ་པོ་སླེབས་པར་བྱ་རྒྱུ་དེ་རེད། གནད་དོན་འདིའི་ཐད་ང་ཚོས་དངོས་ཐོག་བདེན་འཚོལ་བྱེད་དགོས་པ་ལས་མཐོ་འདོད་བྱེད་མི་རུང་ལ་ལྟོགས་སླ་ཡང་སློང་མི་རུང་།

——《ཤིན་ཏུ་དབུལ་བའི་ས་ཁུལ་གྱི་དབུལ་སྒྲོལ་འགག་སྒྲོལ་བཞུགས་མོལ་ཚོགས་འདུའི་ཐོག་གི་གསུང་བཤད》(2017ལོའི་ཟླ་6ཚེས་23ཉིན)