ལོ་འཁོར་གྱི་དབུལ་སྒྲོལ་འགག་སྒྲོལ་གྱི་སྙན་ཞུ་དང་ལྟ་བཤེར་གྱི་ལམ་ལུགས་བཙུགས་ནས། ལྟ་བཤེར་དང་འགན་འཁྲི་བདའ་འདེད་ལ་ཤུགས་སྣོན་བརྒྱབ་སྟེ། སྟོན་ཕྱོགས་བསྟན་པ་དང་སྒྲིག་ལམ་ནན་དུ་གཏོང་དགོས། དོན་འཁྱོལ་ཡག་པོ་མ་བྱུང་བའི་སྡེ་ཚན་དང་ས་ཁུལ་ལ་རྒྱལ་སྲིད་སྤྱི་ཁྱབ་ཁང་དབུལ་སྐྱོར་གསར་སྤེལ་འགོ་ཁྲིད་ཚོགས་ཆུང་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་ལ་སྙན་ཞུ་འབུལ་བ་དང་ཆབས་ཅིག འགན་འཁྲི་རྩད་གཅོད་ཀྱི་གྲོས་གཞི་འདོན་དགོས། ལོ་འཁོར་གྱི་དབུལ་པོ་ཉུང་གཏོང་གི་ལས་འགན་ལེགས་གྲུབ་མ་བྱུང་བའི་ཞིང་ཆེན་དང་། རང་སྐྱོང་ལྗོངས། གྲོང་ཁྱེར་བཅས་ཀྱི་ཏང་སྲིད་ཀྱི་འགན་འཁུར་བློ་མཐུན་གཙོ་བོར་སྐོང་འདྲི་བྱེད་དགོས། ཞིང་ཆེན་གྱིས་གྲོང་ཁྱེར་དང་ས་ཁུལ་དང་། གྲོང་ཁྱེར་གྱིས་རྫོང་། རྫོང་གིས་ཤང་དང་གྲོང་རྡལ། ཤང་དང་གྲོང་རྡལ་གྱིས་གྲོང་ཚོ་བཅས་ལ་ལྟ་བཤེར་འགན་འཁྲི་བདའ་འདེད་འདི་ལྟ་བུའི་བྱ་ཐབས་སྤྱད་དེ་རིམ་པ་ལྔའི་ཧྲུའུ་ཅིས་དབུལ་སྐྱོར་ལ་དམ་འཛིན་དང་། ཏང་ཡོངས་སྐུལ་སློང་གིས་འགག་སྒྲོལ་ལ་སྐུལ་འདེད་གཏོང་བའི་རྣམ་པ་ཞིག་ཆགས་པར་བྱེད་དགོས།

——《ཀྲུང་དབྱང་དབུལ་སྐྱོར་གསར་སྤེལ་ལས་དོན་ཚོགས་འདུའི་ཐོག་གི་གསུང་བཤད》(2015ལོའི་ཟླ་11ཚེས་27ཉིན)