སྐབས་ཤིག་རིང་ལ། དཔྱད་གཞི་ཁག་གཅིག་ནང་ས་ཁུལ་ལ་ལས་དབུལ་པོ་དབྱེ་འབྱེད་དང་དབུལ་སྐྱོར་གནད་དུ་སྨིན་པ་བྱ་ཆེད། གཞི་རིམ་དུ་རེའུ་མིག་འབོར་ཆེན་ཞིག་རྒྱོང་དུ་འཇུག་གི་ཡོད། གཞི་རིམ་གྱི་ལས་བྱེད་པ་ཁག་གཅིག་རེའུ་མིག་སྣ་ཚོགས་རྒྱོང་བར་བྲེལ་ནས་ལས་དུས་འཕར་མ་བྱས་ཏེ་སྡོད་དགོས་ཀྱི་ཡོད། དེར་བརྟེན། ཐ་ན་གྲོང་ཚོ་དང་དུད་ཚང་དུ་བརྟག་དཔྱད་བྱེད་པ་དང་བྱ་བ་དངོས་སྒྲུབ་པའི་ཁོམ་པ་མེད་པ་རེད། རེའུ་མིག་ཁག་གཅིག་དབུལ་པོའི་མང་ཚོགས་རང་ཉིད་ཀྱིས་རྒྱོང་དགོས་པ་དང་། རེའུ་མིག་རྒྱོང་སྟངས་རྙོག་དྲ་ཆེ་བ་དང་ནང་དོན་མང་པོ་ཡོད་པ་མ་ཟད། ད་དུང་ཆེད་ལས་ཀྱི་ཐ་སྙད་མང་པོ་ཞིག་ཞིང་པས་གཏན་ནས་ཤེས་ཀྱི་མེད། དེ་ཕྱིར། གནད་དོན་འདི་རིགས་ཡོ་བསྲང་བྱེད་དགོས། དབུལ་པོ་དབྱེ་འབྱེད་དང་དབུལ་སྐྱོར་གནད་དུ་སྨིན་པ་བྱ་རྒྱུ་མཐའ་འཁྱོངས་བྱེད་དགོས་མོད། འོན་ཀྱང་ཚན་རིག་ལ་སྣང་ཆེན་དང་། བྱེད་ཐབས་ལ་སྣང་ཆེན། ལས་ཆོད་ལ་སྣང་ཆེན་བཅས་བྱས་ཏེ་ཕྱོགས་ཁག་གི་ཆ་འཕྲིན་གཅིག་བསྡུས་བྱས་ནས་ཆ་འཕྲིན་གྱི་མཛོད་བཙུགས་ཏེ་ཆ་འཕྲིན་གྱི་ཐོན་ཁུངས་མཉམ་སྤྱོད་ཐུབ་པ་བྱེད་དགོས། 

    —2017ལོའི་ཟླ་6ཚེས་23ཉིན། ཤིན་ཏུ་དབུལ་བའི་ས་ཁུལ་གྱི་དབུལ་སྒྲོལ་འགག་སྒྲོལ་གྱི་བཞུགས་མོལ་ཚོགས་འདུའི་ཐོག་གི་གསུང་བཤད་ལས་དྲངས།